هااااااااااااام جدااااااااااااااااا ارجوا الافادة

**MohaMed_Refaat** · 13-08-2011 02:58 AM

دلوقتى اخويا متقدم لواحدة بنت ناس جدا ومعجب بيها جداااااا وهى تساهل كل خير والله ربنا يكرمهم يا رب

بس المشكلة العويصة ان لما اتقدمنا وروحنا وحصل قبول الناس من كتر ادبهم الجم صارحونا ان البنت عندها السكر يا رب اشفيها

السؤال
هل السكر عادى وفى الحمل والخلفة ولا دة حياثر على حاجة ارجوكم اللى يعرف حاجة يقولها لانى محتار فى الحكاية دى جداااااااا مش عارف اقول اية وانا الاخ الكبير

**Khaled Online** · 13-08-2011 03:29 AM

السلام عليكم ورحمة الله
أعتقد فرصة الرد على السؤال هتكون أكبر إذا اتسأل في (عيادة نايل موتورز):
عيــادة نايـل مـوتـورز - :: نــايــل مــوتــورز:: - :: NileMotors.net ::

**essamenen** · 13-08-2011 03:38 AM

لا حياء فى العلم
السكر يؤثر على الرغبه والقدره الجنسيه للرجل والمرءه
مش عارف هل هو وراثى ولا لا ممكن تتاكد من الموضوع ده
وربنا يوفقك لما فيه الصالح والخير

**maka** · 13-08-2011 03:46 AM

اسال دكتور بس عموما نص مصر عياشة بيه

انا اعرف واحد عنده السكر من و هو عيل و ابوه و امه مجلهمش لحد دلوقتى , و هو دلوقتى متجوز و مخلف كمان

**maka** · 13-08-2011 12:24 PM

و ابقى خلي اخوك يصلى استخارة

**l0new0lf** · 13-08-2011 12:57 PM

السكر نوعين
النوع 1 و ده الناس بتتولد عندها سكر
النوع2 و ده السكر الى بيجى للناس الى اتولدت طبيعى و مكانش عندها سكر و جالهم سكر لسبب او لاخر
و طبعا حسب نوع السكر و سببه بيختلف طرق العلاج
السكر لو مش مضبوط بياثر على كل وظائف الجسم مش بس القدره الجنسيه
يعنى اهم حاجه فى مريض السكر انه يضبط السكر فى الدم ميسمحلهوش انه يعلى عن المعدل الطبيعى
و خلى اخوك يعرف عندها انهى نوع و يستشير دكتور
السؤال الاهم
لو اخوك كان اتجوز البنت دى و بعد سنه ولا2 جالها سكر كان هيسيبها و لا هيعمل ايه؟

**raouf** · 13-08-2011 01:20 PM

خليه يتوكل على الله
السكر مرض العصر وومكن ييجى فى اى وقت ولاى فرد
السكر مرض خامل لا ينشط ولا تحس باثره الا اذا اهملت العلاج اما ا>ا مواظب على الدواء وهو عادة ابرة او اتنين يوميا ان شاء الله مش هايبقى فيه مشكلة
الحاجة الاهم ان ربنا بيبقى قطع الجزء ده فى البنت واداها مميزات كثييييييييير جدا امامه يعنى تلاقيه جميلة وهادئة ومؤدبة وغيرها مما عوضها به الله عن مرضها

رايى لو اخوك مقتنع بها وواثق فى اختياره يصلى استخارة ويتوكل على الله

**شريف** · 13-08-2011 05:40 PM

ناس محترمين جدا انهم صارحوكم من الاول هو بيبقي فيه صعوبه في استمرار الحمل بس طبيب ممكن يفيد اكتر
استخر ربنا

**MohaMed_Refaat** · 13-08-2011 09:43 PM

المشاركة الأصلية كتبت بواسطة raouf

الحاجة الاهم ان ربنا بيبقى قطع الجزء ده فى البنت واداها مميزات كثييييييييير جدا امامه يعنى تلاقيه جميلة وهادئة ومؤدبة وغيرها مما عوضها به الله عن مرضها

رايى لو اخوك مقتنع بها وواثق فى اختياره يصلى استخارة ويتوكل على الله

فعلا فيها مميزات كتير جدااااااااااااااااااااااا ااااااااااا

المشاركة الأصلية كتبت بواسطة شريف

ناس محترمين جدا انهم صارحوكم من الاول هو بيبقي فيه صعوبه في استمرار الحمل بس طبيب ممكن يفيد اكتر
استخر ربنا

فعلا ناس قمة فى الاحترام ودة اللى مخلينى محتار لان انا اللى حرد عليهم بعد موافقة اخويا طبعا ونحدد ميعاد نتفق فية على كل التفاصيل بس خير ان شاء الله

**hugan** · 13-08-2011 10:47 PM

فعلا هما ناس في قمه الاحترام لمصارحتهم لكم بحقيقه مرضهاالكن السؤال التاني المفروض ان تبحث فيه
هل من الممكن ان يكون وراثي وينتقل للاولاد
علشان تقدر تحكم علي الموضوع من كل الزوايا

الموضوع: هااااااااااااام جدااااااااااااااااا ارجوا الافادة

LinkBack

أدوات الموضوع

عرض

هااااااااااااام جدااااااااااااااااا ارجوا الافادة - انشر الموضوع فى :

-

-

-

-

-

المواضيع المتشابهه

ارجوا الافادة عن ريو 2013

ارجوا الافادة

ارجوا الافادة

ارجوا الافادة

الكلمات الدلالية لهذا الموضوع

المفضلات

المفضلات

ضوابط المشاركة