العربية فيها ونه ومش عارف اعمل ايه؟؟

**lameey** · 13-08-2011 03:47 AM

العربيه فيات 124 الونه فى الفتيس فى الاول والتانى والتالت ....
وونه فى الكرونه بتبان من الغيار الرابع ....
ايه الحل

**lameey** · 13-08-2011 05:23 PM

الحل ايه ياخوانا من فضلكم

**mohammedabdallh** · 15-08-2011 03:01 PM

ونه الفتيس
اكشف على الزيت ويفضل تغييرة هو وزيت الكرونه مش غالى حوالى 40 ج للاتنين وجرب لو نفس الونه من الفتيس روح لاى حد بتاع فتيس هيفكه ويبص عليه هتلاقيه محتاج شوية تظبيط
اما الونه بتاعة الكرونه يبقى الكرونه عاوزة تتغير لو ممعكشى فلوس والصوت مضايقك فى حل
بتنزل الزيت بتاع الكرونه وتخلطه برضه الى هى بتيجى مع الدقيق هتلاقيها فى اى طبونه والصوت بيروح لفترة من الزمن لحد ما تغير الكرونه
وربنا معاك

**lameey** · 27-08-2011 03:14 AM

المشاركة الأصلية كتبت بواسطة saadelden

الكرونه ليها زيت اسمه مانع الونه بيتباع في محطات موبيل تقريبا
دا عباره عن انبوبه زيت تقيل بتفضي زيت الكرونه خالص و تحط زيت تقيل 140 و تحط عليه الانبوبه دي
الصوت هيقل عن الاول كتير

بس كل دي مسكنات و اتاكد الاول ان المشكله من الكرونه

انا سامع صوت الونه على خفيف والميكانيكى قال انها من الكرونه وحضرتك بتقول اتاكد الاول ان المشكله من الكرونه - طيب ممكن تكون منين تانى- ولك جزيل الشكر اخى العزيز

**hugan** · 27-08-2011 03:26 AM

لو الونه بتظهر لما تدوس علي بدال البنزين يبقي كرونه وش
لان ونه الكارونه ليها علاقه بالبدال
بدليل لو العربيه ماشيه علي الرابع وسرعه 100 مثلا لو شيلت رجلك من علي الاكسراتير والعربيه ماشيه بسرعتها الونه ما بتظهرش وبمجرد ما تضغ رجلك علي البنزين الونه تظهر
ونه الفتيس شغاله علي طول مالهاش علاقه بالغيار بتظهر والعربيه واخده غيار ورجلك علي البنزين او العربيه مموره وعلي سرعه