لكل الي كان مركب فرش وشاله ولقى الفرش مكرمش
السلام عليكم
النهارده شلت الفرش الجلد (الكسوه) من العربيه عشان الحر طبعا وقرفه.
وكده كده ماحدش بيركب معايا العربيه فإن شاء الله الفرش الاصلي مش هيتوسخ.
المهم عشان ماطولش عليكم, فكيت الفرش من الكنبه الي وره وطلعت الكنبه الجزئين (الظهر والمقعد) للشقه ولقيته مكرمش طبعا بس الحمدلله مش متبهدل قوي.
نضفته و جت الفكره في بالي فقمت جايب بخاخة مايه و مكوه وهاتك يا كوي :grin54:
الحمدلله النتيجه بقت احسن بنسبة 90 % في بعض الاماكن و50 % في جزء كان مطبق ومكرمش قوي بس احسن من الاول ومبقاش باين قوي زي الاول.
لسه فاضل الكرسيين الي قدام عاوز افكهم واطلعهم واعمل نفس الموضوع ان شاء الله.
بس خلوا بالكم ماتعلوش درجة الحراره قوي عشان الفرش مايتحرقش او يبقع لا قدر الله.
ماعرفش حد جرب الفكره الي انا عملتها دي ولا لأ قبل كده ! :biggrin:
