كان يوم جميل و الصحبة احلى و المكان تحفة و مش قادرة اقولك والدتي عجبها المكان قد ايه
و طبعا شكر خاص لدكتور محمود صلاح و الجو الجميل اللي عملوا مع الاطفال :M_yes[1]:
و طبعا شكرا ليك على التنظيم و المجهود و التمر الهندي :bravo:
عرض للطباعة
كان يوم جميل و الصحبة احلى و المكان تحفة و مش قادرة اقولك والدتي عجبها المكان قد ايه
و طبعا شكر خاص لدكتور محمود صلاح و الجو الجميل اللي عملوا مع الاطفال :M_yes[1]:
و طبعا شكرا ليك على التنظيم و المجهود و التمر الهندي :bravo:
كان يوم جميل فعلا وخلص على طول
عقبال كل سنه ان شاء الله
شكرا كريم منير على المجهود
كان يوم جميل والمكان بصراحة اكتر من رائع
الواحد اكل من هنا وخرج فى الهوا وحسيت انى عامل دماغ هوا نضيف
الفطار كان حلو بصراحة والمدام والبنات استمتعو باليوم ده فى جو اسرى جميل
د/ محمود صلاح انت عملت ايه فى البنات طول الطريق جايبين سيرتك ومصممين يشوفوك تانى
الناس اللى مجتش معرفش ليه احب اقلكم ...انتم اللى خسرتو قضاء يوم ممتع وسط اعضاء كلهم ولله الحمد محترمين فى روح وود ومحبة واضحة جدا فيهم .
كل سنة وانتم بخير ....ورمضان كريم منير
وحياة ولادي وان شالله اتعور ف رجلي... هما ازازتين بظبط
آه...ايه دا هي رجلي مالها ٌ http://www.nilemotors.net/Nile/image...fun_broken.gif
والله مع الأسف ان الواحد مقدرش يجي
بس انا امبارح كنت معزوم علي الفطار والحاجة التانية اني معيش عربية حاليا الحاجة التالتة ان معارفي في المنتدي محدودين جدا وغالبا ولا واحد فيهم جه وكنت بفكر ازاي ممكن اتعامل مع الناس وانا مش عارف ولا واحد فيهم
كل سنة وانتم طيبين وانشاء الله السنة الجاية نكون سوا
والله المستعان
،
،
كعادة نايل موتورز يوم رائع وأعضاء غايه في الاحترام والجمال ومكان أكتر من رائع
اتشرفت بكل الناس اللي أول مره اشوفهم سعيد جدا بيكم وبالأصدقاء القدامي كان ليكم وحشه بجد
ومشكور يا كريم علي مجهودك في اليوم الجميل ده
والله انا اللي سعيد جدا جدا بتشريفكم واحد واحد
واللي كان يقدر يجي ومجاش فعلا هو الخسران
الهواء كان غريب فعلا فوق الجبل
لدرجة ان عيالي سقعو ولبسو القميص بتاعي :-)
اتشرف جدا جدا بحضو دكتور محمود صلاح النجم المتالق كالعادة
واللي لتاني سنة طلع المطلع كله على رجله عشان كلمني وتليفوني غير متاح
والله بتحرجنا يا دكتور
مش كفاية انك جاي من المنيا مخصوص لينا
والله بنحبك في الله
الحاجة والدة شنوري شرفتي وجودنا زي كل سنة ومش عارف انتي ازاي ام الكائن الشنوري ده :-)
وكمان بنكرمه :-)
مش عارف علي ايه على اللي عاملة في الاعضاء :-)
نجم فوق العادة السنادي نور مقابلتنا وهي والدة زميلتنا دونزي
لا كنتي مخبية ماما عننا فين من زمان
ايه كمية الطيبة اللي بقالي كتير ماشوفتهاش في انسان كدة
بجد ام ودودة وطيبة وتحس انك تعرفها من سنين مش اول مرة تشوفها
ربنا يخليهالك
وبدات افكر جديا في امهات الاعضاء ووجود حضور قوي ليهم في المقابلات
بس يعني بعد رمضان يبقو يدوقونا حاجة :-)
وكمان الدكتورة زميلتك اديتنا شوية معلومات شافية وافية عن طبيعة اللبن المعبأ فممكن ابعتلك العناون تبعتيلي نص نقل بعينات عشان اقولك المعلومات صحيحة ولا مغلوطة :-)
التمر هندي ده اختارع الحاجة ام كريم لانه مش تمر سادة
علية شوية حاجات تانية قليل من الكركدية وقليل من ال ... لكسر المزازة
سر الخلطة يعني
وطبعا كنت بحطلكم نص كوباية عشان اخد بقية الكولمان في البيت :-)
السمبوسك طبعا لحقتنا بيها امي قبل الفطار مع اخي جابها ومش عشان عارف الحالة اللي بتكونو عليها من هوا النادي فوق الجبل كل سنة
واتنسفت ومادقتش منها غير 17 واحدة
واضح ان كل الاعضاء كانو عاملين حسابهم في المية
من اول الحاضرين من اسكندرية لغاية القاهريين
دماسري وعلاء الشناوي وبحري واحمد وغيرم كتير جايبين تموين مية كفى كل الحاضرين ما شاء الله وفاض كمان
فكدة فتحي قصدي صبحي يوووة قصدي ضحى كانت عايمة على وش المية :-)
دكتورنا الجميل احمد بحري ومهندسنا احمد علاء كانو نجومنا فوق العادة زي كل سنة ووزعو كتيبات اكثر من قيمة جزاهم الله كل خير على صدقتهم الجارية
دماسري فين الصور والا هاتجيبها على عيد ميلاد المنتدى ان شاء الله