الموضوع: نفسي اعمل مشروع ومش عارف ابدا منين

المشاركة الأصلية كتبت بواسطة falcon191

أنا من أول ماقرأت بداية الموضوع وأنا في فكرت في المغسلة مباشرة أنها مش محتاجة خبرة لكن محتاجة مكان كويس وتوضيبات مش كتيرة ، وبعدين تجيب ولد تشغله وتوقف تتابعه كويس إن يكون بينظف بضمير وممكن كمان تخلي سعرك أقل شوية من الأماكن حواليك ، والله هتلاقي الناس زي الرز عندك.
تس يا ريت تقلنا عنوان المغسلة علشان نيجي نغسل ببلاش

انت بتقول فيها
والله اخدتها من على لساني
بس كنت ماجلها شويه لحد ما الموضوع يبقى واقع باذن الله
واقل وهديه للناس المحترمه اللي مابخلوش عليا بارائهم انهم يغسلوا ببلاش



















والمرة التانيه بضعف الثمن

اكيد باهزر
انتوا تؤمروا
بس ادعولي اني ابدا وساعتها حاعمل احلى عروض باذن الله

السلام عليكم و رحمة الله و بركاته

الصراحة مشروع المغسلة ما اعرفش حد عمله
لكن اللى بشوفه
هتعوز محل كبير واسع و عالى علشان هتعمل فيه الحتة اللى العربيات هتطلع عليها (ممشى منحدر بيعلى العربية حوالى 60 او 70 سم عن الارض و مفرغ من النص علشان اللى بيغسل يملك العربية من تحت
طبعا لازم يبقى عند عدة انواع زيوت و فلاتر لانها بتشغل بعضها واحد عايز يغير زيت ويقوللك اغسل بالمرة او بيغسل و يغير بالمرة و تحاول تغطى الانواع المتداولة على قد ما تقدر
برضه بيبقى فيه علب مناديل و معطرات وفوط صفراء للبيع برضه جنب الغسيل

اهم حاجة و اكبر مشكلة هى (((((((العامل)))))) روحك فى ايده لازم يكون امين و شاطر و ماتبخلش عليه و ماتسيبوش لوحده مدة ثانية او فيمتو ثانية واقولك على حاجة تشتغل معاه بايدك مش عيب يعنى مثلا هو يغسل بالبشبورى و تنزل العربية من على المطلع تستلمها انت تمسحها و تنظف الصالون وكده لانه لو لقاك واقف بيه هيقرفك

وبعد ده كله انا رأيى انك تشوف القصة دى هتكلفك كام و برضه تشوف العائد المتوقع و تحسبها بعقل شديد و اوعى تتحمس و تتسرع و تبتدى من غير استخارة ربنا و استشارة كل من تعرف

انا هقولك حاجة مالهاش علاقة بمشروعك
انا بعد ما عملت مزرعة فراخ و محلات ملابس و اشتغلت فى شركات و فضلت اخبط حوالى 7 سنين و خسرت فلوس استقريت على مشروع تانى خالص
التاكسى
انا شفت فيه شوية مزايا و لقيت فيه تلافى لمشاكل كتير
-مش محتاج تعمل زبون و تستنى اول سنة و لا سنتين على ما الزباين تعرفك
-مفيش ايجار محل بيعد عليك حتى لو ما فتحتش فى يوم
-التكلفة اللى هتدفعها كلها ممكن تستردها و بمكسب لما تحب تبيعه مفيش تكلفة تجهيزات فى المحل هتروح عليك لو جيت تصفى النشاط
-مش محتاج عمالة انا شغال لوحدى

الصراحة ارتحت كتير للمشروع ده و اكبر مشكلة انا شايفها فيه هى النمطية و الروتين كل يوم زى اللى قبله بالظبط
انا ما كانش معايا اشترى التاكسى فى بلدى طنطا لان النمر بتعمل 120 الف تقريبا غير العربية فانتقلت الى مطروح التاكسى هناك يعمل حوالى 50 الف على بعضه بنمره و كمان هونداى مش لادا و نقلت اسرتى و معيشتى كلها مطروح
انا بكلمك من منطلق انى خايف على فلوسك انا ما اعرفش معاك كام بس خلى بالك منهم تاكسى القاهرة دلوقت النمر تقريبا بـ50 او 60 الف و بالعربية ممكن تبقى 80 او 90 الف على اساس عربية تكون عالية شوية شاهين مثلا فكر فيها برضه

ربنا يوفقك ان شاء الله

اللى داخل دماغى اوى موضوع المغسله و ممكن ميكنش مكان كبير يعنى ممكن مكان جراج شخصى اللى هو يكفى عربيه واحده 
المغسله اللى بغسل فيها كده يدوب مكان جراج صغير على قد عربيه واحده و عامل فيه المطلع اللى بيطلع عليه العربيه و الرشاش جوه و خلاص 
ياريت لو حد عنده اى فكره يقولنا عن المغسله

المشاركة الأصلية كتبت بواسطة me5emr

نصيحه لوجهه الله د
لو باذن الله ناويت خلاص علي المغسله تجيب واحد
من نفس المنطقه اللي هتفتح فيها هو اللي يغسل
و يكون كمان الناس عرفاه
هتلاقي الناس لا مانروحش عند فلان
و نروح لفلان التاني عشان نعرفوه
و تفكر في الاضافات اللي علي جمب يعني
ممكن يبقي حاجه كده زي ركن حاتت فيه
شوية اكسسوار
يعني led و
شماسات و فاميه و فوط و الحركات اللي بتبقي جوه العربيه
و نصيحه بلاش تفكر في الزيت
ليييييييه؟؟؟؟؟؟؟؟؟؟؟
عشان اللي بيشتري زيت بيغير معاه الفلتر و الفلاتر انواع كتير
فاهتغلب في الحوار ده
و مره في مره الزبون ما يلاقيش عندك الفلتر
مش هيجيب من عندك
هيقول بدل م اجيب الزيت من هنا و اجيب الفلتر من هناك لا
اروح اجيب الفلتر و الزيت من المحل التاني
و حضرتك بتختار اللي هيغسل العربيات
اوعي تجيب عيال صغيره اوعي تفكر فيهم
حتي لو بيفرك العربيه بهدومه
عشان الزباين بتستال بيهم و بيقول مشغالين عيال
صغيره و مبيعرفوش يغسله
و لازم تهتم بالرفايع يعني
العربيه هتتغسل تبقي جايب ورق تقيل شويه و عليه
اللوجو للمغسله للعنوان و تحته فوق الدواسه
و يا سلام لو استيكر
5*5 لكل عربيه بتتغسل
تبقي كده زبط الدنيا
و الحاجات دي عايزه صبر
و ربنا يوفقك

اشكرك اخي العزيز على الافكار المحترمه والنصائح الغاليه
جزاك الله خيرا

المشاركة الأصلية كتبت بواسطة meeezo333eg

السلام عليكم و رحمة الله و بركاته

الصراحة مشروع المغسلة ما اعرفش حد عمله
لكن اللى بشوفه
هتعوز محل كبير واسع و عالى علشان هتعمل فيه الحتة اللى العربيات هتطلع عليها (ممشى منحدر بيعلى العربية حوالى 60 او 70 سم عن الارض و مفرغ من النص علشان اللى بيغسل يملك العربية من تحت
طبعا لازم يبقى عند عدة انواع زيوت و فلاتر لانها بتشغل بعضها واحد عايز يغير زيت ويقوللك اغسل بالمرة او بيغسل و يغير بالمرة و تحاول تغطى الانواع المتداولة على قد ما تقدر
برضه بيبقى فيه علب مناديل و معطرات وفوط صفراء للبيع برضه جنب الغسيل

اهم حاجة و اكبر مشكلة هى (((((((العامل)))))) روحك فى ايده لازم يكون امين و شاطر و ماتبخلش عليه و ماتسيبوش لوحده مدة ثانية او فيمتو ثانية واقولك على حاجة تشتغل معاه بايدك مش عيب يعنى مثلا هو يغسل بالبشبورى و تنزل العربية من على المطلع تستلمها انت تمسحها و تنظف الصالون وكده لانه لو لقاك واقف بيه هيقرفك

وبعد ده كله انا رأيى انك تشوف القصة دى هتكلفك كام و برضه تشوف العائد المتوقع و تحسبها بعقل شديد و اوعى تتحمس و تتسرع و تبتدى من غير استخارة ربنا و استشارة كل من تعرف

انا هقولك حاجة مالهاش علاقة بمشروعك
انا بعد ما عملت مزرعة فراخ و محلات ملابس و اشتغلت فى شركات و فضلت اخبط حوالى 7 سنين و خسرت فلوس استقريت على مشروع تانى خالص
التاكسى
انا شفت فيه شوية مزايا و لقيت فيه تلافى لمشاكل كتير
-مش محتاج تعمل زبون و تستنى اول سنة و لا سنتين على ما الزباين تعرفك
-مفيش ايجار محل بيعد عليك حتى لو ما فتحتش فى يوم
-التكلفة اللى هتدفعها كلها ممكن تستردها و بمكسب لما تحب تبيعه مفيش تكلفة تجهيزات فى المحل هتروح عليك لو جيت تصفى النشاط
-مش محتاج عمالة انا شغال لوحدى

الصراحة ارتحت كتير للمشروع ده و اكبر مشكلة انا شايفها فيه هى النمطية و الروتين كل يوم زى اللى قبله بالظبط
انا ما كانش معايا اشترى التاكسى فى بلدى طنطا لان النمر بتعمل 120 الف تقريبا غير العربية فانتقلت الى مطروح التاكسى هناك يعمل حوالى 50 الف على بعضه بنمره و كمان هونداى مش لادا و نقلت اسرتى و معيشتى كلها مطروح
انا بكلمك من منطلق انى خايف على فلوسك انا ما اعرفش معاك كام بس خلى بالك منهم تاكسى القاهرة دلوقت النمر تقريبا بـ50 او 60 الف و بالعربية ممكن تبقى 80 او 90 الف على اساس عربية تكون عالية شوية شاهين مثلا فكر فيها برضه

ربنا يوفقك ان شاء الله

جزاك الله خيرا على النصيحه واعتقد انك فتحت لي افكار اخرى جديرة بالدراسه
اشكرك على النصيحه شكرا جزيلا
وبالمناسبه ما رايك في مشروع التاكسي في مدينه مثل شرم الشيخ او الغردقه؟؟؟؟؟؟؟؟ مع استعدادي للانتقال مثلما فعلت
ارجو الافاده

المشاركة الأصلية كتبت بواسطة moshaks

هقولك على مشورع عامله صديق ليا والحمد لله ربنا كرمه .
مشروع عربيات الحوادث .انك تشترى عربية لقدر الله عاملة حادثة من واحد او انك تقول لسمكرى تعرفه او اخوك بحكم شغله فى مركز صيانة هيقع ادامه حاجات لقطة واكيد عارف صنايعية كويسين او زميله فى مركز الصانة ده
صديقى ده كان بيشترى سيراتو ب50 او 60 حسب الحالة يعنى اهم شئ الخبطة بعيد عن الماتور والشاسيه
انما الصاج كله امره سهل وكان يشترى حاجتها ويصرف فى حدود 10 كمان او 15 ويبعها على 80 او اكتر
وكان بيعرف اللى اخدها انها كانت مخبوطة لامانة البيع . وساعات كان بيشترى عربية مخبوطة ويروح يدوديها للسمكرى وقبل ميشتغل فيها يجلها زبونها ويكسب 3 او 4 الاف جنيه وهو واقف من غير ميكلف نفسه حاجه وهكذا
والحمد لله ربنا اداه من وسع بسبب الموضوع ده
بس اهم شئ هو بيشتغل فى العربيات اللى ليها سوق ومطلوبة زى الانسر الهيونداى التويوتا والكيا وعربية
وواحده واحده ومن غير استعجال
بس اعتماده كله على الصنايعية بس هو عارفهم وواثق فيهم .
واكيد اخوك هيفيدك فى ده بحكم شغله فى مركز صيانة ومش شرط تبتدى بعربية غالية لا اوعى طالما
خبرتك مش كبيره فيها هات حاجه على الاد صغيرة وتجرب وتنزل وتشوف هنا مين عنده عربية وتشوف شغل الصنايعى ده ايه كويس ولا لا. وكمان قبل ده كله انك تشترى بسعر مناسب وتحسب تكالفها قبل كل شئ وتعرف
قطع الغيار بكام وهتشترى من مين ..
يعنى ده حاجه ادامى وشوفتها بعينى بس هى الميزة فى الموضوع ده انك لا فاتح محل ولا بتدفع ايجار اهى عربية معاك وبتخدمك ووقت لما يجلها زبونها بتمشى وكله توفيق من الله سبحانه وتعالى
وان شاء الله خير وطالما انت ناوى النية لله بالحلال ربنا هيبارك ليك ان شاء الله

في الحقيقه ايضا فكرتك جديرة بالاحترام والدراسه ولكنها تتطلب خبرة في فحص السياره جيدا حتى لا يقع في المحظور ونشتري سياره بها عيب غير قابل للتصليح ولذلك فانا معك ان هذا المشروع يحتاج للاعتماد على شخص خبير في فحص السيارات حتى يتم التعلم منه شيئا فشيئا
اكرمك الله وجزاك عني خيرا بنصيحتك الغاليه

طبعا التاكسى فى شرم و الغردقة ايراده افضل
و لكن مستوى مصاريفك اكيد هيكون اكبر
و التاكسى نفسه هيكون اغلى
ده غير الفتنة المستمرة بسبب السياحة و العرى
و لو فيه اخ من شرم او الغردقة يقدر يفيدك اكتر ان شاء الله
ربنا يوفقك لما فيه الخير