عرض للطباعة
السلام عليكم يا شباب
انا بلف من كذا شهر على عربية اروبي , بصراحة فكرت كتير في بورا بس دلوقتي بقارن بين ميجان 2 و اوبل فيكترا 2002
طبعا فرق سنين كتيير.. بس انا بفكر اجرب الأوبل خصوصا ان سعرها مشجع جدا
بس خايف من قطع الغيار.... والسخونة ومشاكل التكيف
انا محدد اني ان شاء الله اجيب 1.6 ياترى قراري مضبوط واله اعلى 2.0 و ليه؟
وصحيح مافيش فوق ال 2000 بفتحة سقف؟
مستني نصحتكم يا شباب
موتور ال2000 ايكوتيك الأتوماتيك حلو عليها .......وهيردو عليك رجاله الفيكترا بي
1600 المكنة السودة او الواحد كامة تعتبر أسهل فى الصيانة عن ال2000 البيضا أو ال2 كامة
بس طبعا فى الجرى و كدا فا هيبقى ال2000 طبعا عشان ال1600 تعتبر ما بتجريش
التكيف الصنايعية بيخافوا منه عشان رخم جدا بس لما بيبقى شغال تمام بيبقى 10 على 10
قطع الغيار بالمقارنة بالكورى غالية سنة
انا اليابانى فا قريبين من بعض و سعات الفكترا أرخض
اما الميجان فا الأوبل أرخص منها
تسلمولي يا رجاله
بس ال 1600 مش بتجري خالص واله شغاله؟
انا نازل من 320 و عاوز اجري طبعا ... بس حاليا الأولوية عندي للبنزين او الأداء معقول
كمان انا سامع ان فيه 1600 إتنين كامه ايه النظام؟
وإزي اعرف العربية دي اي ماكينة ؟
ال1600 الاتنين كامة الايكوتيك مش مفضل عشان فيه مشكلة فى كومبيوتر العربية
انا اللى اسمعة ان الفيكترا تتجاب لما تكون نمرة1 فقط !
كل مواتير الفيكترا بتجري و اكثرهم
2000cc الاكوتك
و 2000cc الموتور الاسود بيجري بردو بس بياكل بنزين
و 1600cc بيجري بردو بس مش زي ال2000cc
بس احسن موتور في الجري هو 2000cc الاكوتك و كمان الموتور دا الامبير اخره 260 km/h
و العربيه الي موتورها الاكوتك فيها كماليات زياده عن باقي المواتير ( كومبيوتر اعطال - 2 ايرباج - و تحكم بالكاسيت في الدركسيون )
و العربيه الي موتورها
2000ccالاكوتك اسمها cdx
2000cc الموتور الاسود cd
1600ccالموتور الاسود glx
بس كل مواتير ال2000cc (الاكوتك او الموتور الاسود) اوتوماتيك
بس 1600cc هوا بس المانوال
بس انتا لو عايز العربيه 2000cc مانوال ممكن تغير الفتيس عادي
بس اهم حاجه لما تشتري اوبل هي حالتها
عشان في ناس مبتهتمش بالعربيه
فااهم حاجه حاله العربيه و قبل ما تشتري روح اكشف عليها
بس لو عايز جري وشد و سرعه عليا خليك في 2000cc الاكوتك
و علي فكره الاوبل التكيف بتعها جامد جدا بس لما يكون صاحب العربيه واخد باله منها
و الي بيقولك التاكيف بتاع الفيكترا وحش يبقا معلش مبيفهمش حاجه
انا عندي التاكيف بيتلجني و انا سايق العربيه و بكون مشغله كمان علي 2 سرعه
و اهم حاجه حاله العربيه
رمضان كريم
مشكورين يا رجاله
وائل باشا
هي كل مواتير الفيكترا من اول 1997 لحد 2002 نفس النظام؟
لإني فهمت ان فيه نظام مختلف بعد 2000
قبل سنه2000 تقريبا مكنش الموتور الاكوتك 2000cc بيجمع في مصر كان منصور بيجمع الموتور الاسود 2000cc
بعد سنه 2000 تقريبا توكيل منصور اوبل جمع الاوبل فيكترا 2000cc الموتور الاكوتك
بس مش عارف بالنسبه لل1600cc ايه الي حصل ((((بس تقريبا الموتور ال1600cc منصور اوبل منزلش منه الا الموتور الاسود1600cc يعني تقريبا
ال1600ccمن سنه 1996 الي 2002 متغيرش ))))
رمضان كريم
الناس ردوا عليك
بس معلشى لو نازل من بى ام يبقى دور على حاجة غير الأوبل عشان نفس طعم البى ام
غير الطعم عشان تركب عربية تعجبك
بس حضرتك يا باشا معاك bmw موديل كام؟؟
انا كان معايا دبانة 320
بس مش عارف اركب اي عربية على الأققل لازم تكون اوروبي "ماجربتش امريكي لسه"
حتى سيفيك 2010 ركبتها يوم كامل بدلتها مع واحد معه 318 2001 علشان اتخنقت من سوقتها
وعلشان السبب ده ولإني مش معايا اركب 46 دلوقتي قولت اركب فيكترا \ ميجان \باسات \ بورا "الأولوية للأرخص لو لقيت حاله فبريكه لإني محتاج سيولة معايا"
علشان كده هتلاقيني بسأل كويس و رخم :) لإني بحاول ااقل الخساير وارف المستعمل قبل ما "ألبس"
والف شكر يا وائل مره تانيه إنت افدتني كتير.. و المنتدى هنا ماشاء الله عليه بيفصصوا العربية حته حته :)
لاشكر علي واجب يا باشا
و كل ده انا اتعلمته من نيل موتورز و خصوصا طبعا من قسم اوبل
و الفضل ايضا يرجع لطناني باشا منسق قسم اوبل و ( رئيس عصابه الاوبلويه في نيل موتورز )
و طبعا باقي الاوبلويه كلهم
بس في سؤال كان مع حضرتك دبانه موديل كام ؟؟
1992 316
وغيرت السيستم 320 1995
و كانت حلوه في الجري قوي بس مش فيها الرفاهية
السعر اللى بتتكلم عليه ده لو الرقم 46 اللى مكتوب ده ميزانية عربية
يجيب عربية متتركبشى اصلاً من اى نوع من الأنواع المشار اليها
لو 46 ده حاجة تانى يبقى اعذرنى و انا فهمت غلط
فعلا يا باشا 46 دي متجبش عربيه اوبل فيكترا b
و كمان لو حضرتك حتجيب حاجه اوبل بعد سنه 2000 يبقي لو عايز الموتور الاكوتك و حاله ممتازه حتبقي في السيتينات يعني ممكن 65 66 كدا يعني انما 46 متجبش بيها عربيه اوبل بحالتها ابدا
ولا بورا و لا ميجان 2 ولا حتى شاهين 2005
بس مش عارف ليه عندى اعتقاد ان 46 دى حاجة تانى
ههههههههههههه
لا يا شباب انا اسف كلامي مكنشي واضح
46 اقصد اقول e46
وده الشكل بتاع ال بي ام الفئة الثالة من سنة 1999 لحد 2005
لإني عاوز اشتري 325 2005 هاي لين ودي تمنها 150000
علشان كده عاوز اجيب حاجه 60 حاليا وبعدين لمه الأمور تتضبط اجيب ال 46 :)
بس بجد افدتوني جدا جدا يا رجالة
ولو حد عنده 1600 او 2000 اكو تيك يقولي
وائل باشا
ينفع توضحلي اكتر يعني ايه 1600 دبل كام مشكلوا كتير وإزي؟
و هل ابعد عن التجميع المصري؟ يعني خلني مثلا في اكوتيك قبل 2000 ؟
علي قد ما فهمت من كلام حضرتك ان حضرتك عايز تعرف عيوب ال1600ccاقتباس:
المشاركة الأصلية كتبت بواسطة DReaMaKeR
ال1600 مفهاش مشاكل ولا حاجه الا اذا كانت 1600cc الاكوتك
ولو حضرتك بتحب الشد و الجري بالعربيه يبقي احسنلك 2000cc اكوتك
بس للتوضيح لو عايز تبعد عن التجميع المحلي زي ما بتقول يبقي هتدوخ عبال متلاقي عربيه مستورده
حتي ولو كان قبل سنه 2000 او بعدها لان منصور اوبل بدا يجمع الفيكترا b من سنه 1996
و كان بيجمع الفيكترا 2000cc او 1600cc يعني الموتور الاسود
يعني قليل جدا لما تلاقي عربيه فبل سنه 2000 اكوتك ان لم يكن متسقط فيها الموتور
او جيه من بره
بس انا مبقلش ان حضرتك مش حتلاقي من العربيه الا تجميع مصري
انا بقول ان مش حتلافي حاجه مستورده تجميع بره الا قليل
بس مفهاش حاجه لما تجبها تجميع مصري
بس اهم حاجه حاله العربيه
انا لما جيت اشتري الفكترا بتعتي
لفيت حولين نفسي حوالي 3 شهور
لغايت مالقيت العربيه الي معايا و اشترتها و الحمد لله مغيرتش فيها حاجه لغايت دلوقتي
الا طبعا سيور و زيوت وكلام من ده يعني الحجات الي الزم تتغير لما تشتري عربيه مستعمله
بس العربيه عيزه وش دوكو عشان البوهيه الي عليهه بوهيه بلادهه و طبعا البوهيه اتهلكت من الشمس
من سنه 1996 و كان في عيب في البوهبه في التسعينات و عايز اغير الاكصدام الامامي لانو اتهلك من كتر ما اتخبط في طرق مصرنا العزيزه و بردو هو و الاكصدام الخلفي هما الفبركا بتوع العربيه
و عشان حكايه البوهيه دي متلفيش عربيات فيكترا كتير مترشتش يعني كلو بيرش العربيه عشان البوهيه بتبقي بيظه
و ادي صور العربيه
[sor2]http://img717.imageshack.us/img717/582/1001765u.jpg[/sor2]
[sor2]http://img135.imageshack.us/img135/6693/1001757k.jpg[/sor2]
اهم حاجه حاله العربيه
تسلم يا وائل باشا
واضح انك قديم قوي في حوار الاوبل هنا :)
الله ينور يا وائل
بقيت خبره
يا باشا تلاميذ حضرتكاقتباس:
المشاركة الأصلية كتبت بواسطة tananybasha
حضرتك الي علمتنا يعني ايه اوبل
و خيرك علينا كلنا
ربنا يخليك يا باشااقتباس:
المشاركة الأصلية كتبت بواسطة dreamaker
انا مش قديم ولا حاجه انا لسه واخد العربيه من الوالد من سنتين تقريبا
و كل المعلومات او اي حاجه انا اعرفهه عن العربيه هي من رد الاعضاء الكرام في اي مشكله بتوجهني في العربيه و اولهم طناني باشا ((منسق قسم اوبل )) و رئيس عصابه الاوبلويه
الحمد لله احنا هنا في المنتدي و خصوصا قسم اوبل محدش بيبخل علي حد في اي حاجه او معلومه
و كلنا بنساعد بعض
ربنا يباركلك
و كلنا بنتعلم من بعض
و يديم المحبة و المعروف
بس ايه رايك يا طناني باشا
في بوهيه العربيه
هل ليهه حل ولا لازم تترش
مع العلم العربيه مش مرشوشه في اي جزء حتي الاكصدامات مترشتش
و انا مستخسر ارشهه عشان قيمتها متنزلش
يسلام بقي لو يبقي في تريقه غير اني ارشهه
بص يا باشا
هو انا صنايعى قاللى على طريقه
بس لقيتها مكلف
فيه حاجة اسمها سوليكس او سونيكس
ده ورنيش و شمع بلون العربية
و ده عايز مكنة تلميع و صنايعى عنده صبر
تتكلف ازازتين ب 160 جنيه و اجرة بتاع الدوكو غالية برضوا
كريم منير عنده الشغل ده فى الورشة بتاعته
هتلاقى اعلانها فوق
هو فى الحرفيين
جرب تروح
توري ليه العربية و هو يحكم
اقتباس:
المشاركة الأصلية كتبت بواسطة tananybasha
حوار التلميع ده فعلا جامد
بس زي ما طنطاوي قالك لازم صنيعي و صاروخ بفرشة علشان يديك اللمعه الفابريكة
h
هى طنانى
مش طنطاوى
بس عادى ما علينا
انا تيجى فلوس
هاغير كسوة العربية
و هالمعها
بس اخلص من النزيف اللى انا فيه اليومين دول
للعلم
هو مش صاروخ
فيه مكينة تلميع
و لولا انها غالية ب 600 جنيه كنت جبتها
بلاك اند ديكر
سوري يا طناوي على الإسم
سؤال تقدر تقولي بخبرتك كده ايه لو فيه حاجه بتحتاج تغير او قطع غيار غالية قوي عدت عليك بالنسبة ل فيكترا b
لإني إن شاء الله مستني لأما فيكترا لائما ميجان
مش طناوى
طنانى
انت مش مقتنع ليه يا عم
هههههههههههه
صباح الفل طنانى باشا
صباح العسل