عايزة أشتري عربية ماتيز في حدود 40.000 جنيه مصري
هل هي عربيه كويسة والفلوس حلال فيها ولا أشوف حاجة تانية؟
عرض للطباعة
عايزة أشتري عربية ماتيز في حدود 40.000 جنيه مصري
هل هي عربيه كويسة والفلوس حلال فيها ولا أشوف حاجة تانية؟
اولاً اهلاً بكى في نايل موتورز.
ثانياً بالنسبة للعربية، 40 الف جنية كتير جداً
على الماتيز دي اخرها 32 الف وتكون حالة
متازة كمان.
طيب لو معاكي المبلغ دة حطي علي الفين
وجيبي لانوس تكيف وباور ستيرينج احسن
100 مرة من الماتيز
ميرسي يا نادر جدا علي الرد والاهتمام , اللانوس جميلة جدا بس انا عايزة عربية صغيرة حجما عشان أنا لسه جديدة في السواقة واللانوس كبيرة بالنسبه لي , في إقتراحات أخري؟
طيب اكيد انتي عارفة ان مفيش ماتيز زيرو
ما تفكري في عربية زيرو زي الالتو مثلاً
بنفس الرانج بتاع الاربعين الف.
لو مستعمل يبقى ممكن
اربعة سلندر:
برايد اونو موديل 2001 او 2002
3 سلندر:
شاريد او كليسيا.
عموماً انا مش بفضل الـ3 سلندر، والماتيز 3 سلندر برضة على فكرة.
طيب واللادا2107 ايه رايك فيها؟
دي دبابة .... حمالة اسية ... مناسبة جداً لشوارع مصر
المكسرة ... تقيلة جداً في سواقتها وهتعقدك من السواقة
وتكرهك فيها .... دة لو ناوية تتعلمي عليها.
ميرسي جدا مرة أخري يا نادر , معلوماتك مفيدة فعلا .شكرررررا
اي خدمة، بس انتي عاوزة عربية صغيرة تتعلمي عليها
وبتفكري في الادا؟!!
ما لو بتفكري في الحجم الكبير مفيش انسب من اللانوس.
او لو ساكنة في منطقة الشوارع فيها مكسرة ومحتاجة عربية
تستحمل يبقى فكري في الشاهين بدل الادا.
شاهين موديل كام تقريبا؟
الـ40 الف دول يجيولك شاهين 2001 - 2003
el matiz kowayesa ana so2taha sa7baha kowayes gedan mesh w7sha..........
بس أعتقد إن الشاهين أحسن منها شوية يا أحمد
لو تقدري تجيبي جديد يبقى أحسن إذا مكنش شوفي العربيتين دول
العربية دايهاتسون ميرا مو 2002 في حدود 40 ألف و مواصفاتها 1300 سي سي و و بتبقى كاملة مانيوال (تكييف و باور و إزاز كهرباء)
قطع غيارها غالية شوية بس عربية حلوة و صغيرة
أو كيا برايد سيدان مو 2000 أو 2001 كاملة برضه بنفس السعر و قطع غيار معقولة جداً .
هو انا رايي من راي نادر
الماتيز 3 سلندر و بصراحه اي عربيه اقل من 4 سلندر ما تبقاش عربيه.
المهم انت ممكن توفري من ال 40 الف دول و تجيبي:
اونو او كيا برايد في حدود من 30 الي 35
سوزوكي سويفت ياباني 93 او اكسيل اي موديل بيلعبوا من 33 الي 38 حسب الحاله و الموديل.
ولا اقولك علي الاحسن منهم كلهم
اوبل كورسا
موديلات من 94 الي 97
عربيه ممتازه و استهلاك بنزينها حلو و محترمه جدا.
اله يفتح عليك يا سيدي
هو ده الصح
كورسا / بولو/ابيزا موديلات التسعينات
بس تكون حالتها حلوة
بس تكون حالتها حلوة
بس تكون حالتها حلوة
بس تكون حالتها حلوة
بس تكون حالتها حلوة
بس تكون حالتها حلوة
بس تكون حالتها حلوة
بس تكون حالتها حلوة
لأن لو حالتهم مش حلوة هاتكرهي السواقة و العربيات و الدنيا :D:D:D
أولا أشكر أكرم وحازم وأحمد علي الأراء والاهتمام , وشرفتم موضوعي .
ثانيا , العربيات دي فعلا حلوة وأنا قرأت رانج الأسعار ده علي السايتات المختصة ببيع السيارات المستعملة , بس أنا كنت عايزة أراء تدلني علي الصح لأن طبعا إللي بيعرض عربية مابيقولش عيوبها إيه , وهو ده فايد المنتدي , أشكركم يا جماعه مرة تانية .
ثالثا , أنا رأيي رايح للكيا برايد أو الشاهين , حاسه إن ديه أحسن عربيات في الرانج بتاعي.
الكيا قطع غيارها غالية بالنسبة للدايو و ثباتها مش قد كدة لكن حجمها مناسب ليكى خصوصا انك حتتعلمى عليها و غالبا مش حتجرى على سرعات و الكلام دة فا موضوع الثبات مش حيبقى مشكلة بالنسبالك
الشاهين ارخص قطع غيار لكن العربية كبيرة و يمكن اطول من اللانوس كمان... تكييفها مش قد كدة لو فيها تكييف و مش كل الشاهين فيها باور و قعدتها مش مريحة
اللادا حتخليكى تكرهى اليوم اللى فكرتى فيه تسوقى عربيات اصلا... تقيلة و مش مريحة اكتر من الشاهين... بس حمالة اسيه و قطع غيارها رخيصة
الماتيز صغيرة و استهلاك بنزين فى القليل... هى مقرفة فى التصليح لان موتورها مزنوق بس طبعا انتى مش حتشتغلى فيها بايدك... انا عمرى ما فكرت اسال على توافر قطع غيار الماتيز بس معتقدش ان فيها مشكلة
اللانوس تجمع كل المميزات السابقة و مفيهاش اى من العيوب السابقة... شوفى لانوس 99 بحالة نضيفة تعملها 42 او 43
MMamdouh
كدة محمد ممدوح جاب الكلام المفيد وطالما انتى بتفكرى فى اللادا والشاهين ودول اصلا حجمهم اكبر من اللانوس والسعر متقارب طيب يبقى اكيد انسب بديل ليكى هو اللانوس ودة فيها كذا ميزة بالنسبالك وهى اولا سواقتها سهله جدا للمبتدئين وعلى فكرة انا اتعلمت عليها وكمان فيها ميزة تانية واكيد كلنا محتاجنها وهى توافر عامل الامان بشكل اكبر من الشاهين واللادا ودة اكيد كلنا محتاجينة حتى لو مش بنجرى بالعربية ...اما لو انتى مصممة على الحجم الصغير فا يبقى هناك اختيارين مناسبين وهما الكورسا والابيزا او البولو.. واحنا قولنالك الكلام دة وعلى تجربة وليكى انتى الاختيار...وبالتوفيق ان شاء الله
ممدوح وadidas شكرا علي المشاركة المفيدة , اللانوس فعلا جميلة بس أنا أول مرة أعرف انها كويسة في التعليم عليها , علي العموم أنا سعيدة بكل المشاركات الكريمة وأرائكم كلها أفادتني بجد مش مجاملة , علي الأقل حصرت مجال البحث في كام نوع ,
ربنا يكرمكم ويوفقكم جميعا .
انا رأيي من رأي احمد سامي العربيات اللي قالها ممتازة و لو عجبتك الابيزا 94 و فكرتي تجيبيها انا هعمل موضوع بعد 7200 كيلو تقريبا في قسم سيات هيكون فيه خلاصة تجربة 400 الف كيلو او 15 سنة مع الابيزا هيكون فيه كل حاجة عن الابيزا اسعار القطع مكانها اللي موجود و مش موجود مشكالها مميزاتها عيوبها مرجع كامل للابيزا 94 بس اول ما تقفل 400 الف كيلو لاني هسمي الموضوع احتفالية ال 400 الف كيلو و لو عجبتك و عايزة تسألي علي حاجة انا تحت امرك:)
شكرا يا محمد , أنا أسفه علي التأخير في الرد بس بجد كان في ظروف منعتني , وأنا في إنتظار موضوعك وألف شكر