مبتدئ مع ليجانزا سؤال من فضلكم

السلام عليكم
رمضان كريم


انا اليوم الحمد لله حققت حلمي بامتلاك اول سياره لي في حياتي
و اشتريت دايو ليجانزا موديل 2002

بس انا ابيض ميح
والله اشترتها كده بالشكل كان من واحد شكله طيب ومحافظ عليها وشكلها نظيف

بس انا مابهمش في العربيات خالص ومبتدئ بس باعرف اسوق شويه
سوقتها وليقيتها تمام فاشترتها

بس مبهمش في الميكانيكا خالص


عايز اعرف

هو ايه الميه اللي تتزود وامتي
وامتي اغير الزيوت وايه هي


واعمل ايه في العربيه يعني مع الاستخدام مش قصدي السواقه
لأ قصدي يعني ايه اللي اشيك عليه علي طول

ارجوكم محدش يستهون بطلبي بس انا فعلا مييييييح والله العظيم

واي نصايح للمبتدئين ارجوكم

طبعا علشان تريح دماغك تبتدي صفحه جديده معاها ازي تغير طقم السيور و البلي و بوجيهات و زيت و فلتر زيت و فلتر هواء و فلتر بنزين وفلتر تكييف و تبص علي تيل الفرامل لو عايز يتغير و دورة التبريد ممكن تغسلها في البنزينه و تحطلها مياة خضرا و تبص علي قواعد الماتور و الي عايز يتغير غيره

اقتباس:

---

تغير طقم السيور و البلي و بوجيهات و زيت و فلتر زيت و فلتر هواء و فلتر بنزين وفلتر تكييف و تبص علي تيل الفرامل لو عايز يتغير و دورة التبريد ممكن تغسلها في البنزينه و تحطلها مياة خضرا و تبص علي قواعد الماتور و الي عايز يتغير غيره

---

زى ماقال استاذى بالظبط
وشوف كل يوم معدل المية فى القربة وبينقص ولا لا
ولو مش بينقص زود مية موبيل ودى ممتازة
وابقى بص كل فترة تحت العربية من قدام شوف تسريب لاى حاجة ولا لا او نقط زيت او مية
وشوف مؤشر الزيت كل يوم لازم ميعديش f
واستعمل زيت يا اما شل يا كاسترول وانا بالنسبالى بستعمل توتال واداء اكثر من رائع
واهم من كل ده تشوف ميكانيكى امين يكون ده الميكانيكى بتاعك وطول منتا معاه بتصلح اى حاجة اساله على كل اللى عايز تعرفه وهو لو كويس هيقولك ويفهمك ومع الوقت هتعرف كل حاجة
ومتقلقش كلنا كنا كده وبعد كده بقينا كويسين
ولو عوزت اى حاجة المنتدى هنا كله تحت امرك وكلنا اخواتك وهنساعدك بعنينا بس انت اسال بس