ازاى اروح حدائق الزيتون من الجيزة بالعربية او موصلات
عرض للطباعة
ازاى اروح حدائق الزيتون من الجيزة بالعربية او موصلات
هى فين حدايق الزيتون دى يا باشا او قولى انت رايح شارع اية او المكان نفسة
شارع ترعة الجبل حدايق الزيتون
مترو الانفاق من الجيزه و تغير فى التحرير او رمسيس لاتجاه المرج و تنزل محطة حدايق الزيتون و تخرج من المحطه ناحية الرصيف اللى هتنزل عليه ... 3 دقايق مشى هتوصل فى نص شارع ترعة الجبل
لو مشوارك عند اول الشارع يبقى تنزل محطة حلمية الزيتون
مانصحش بالعربيه علشان الزحمه و كمان المترو اسهل بكتير
بالمترو اسهل كتييييير
محطة حدائق الزيتون بعد سراي القبة في اتجاه المرج وترعة الجبل قريب جدا من المترو
بالسيارة الزيتون زحمة بغباوة
ح تاخد كوبري اكتوبر طوالي لغاية الجزء المعلق عند غمرة و تكمل بعده وتنزل اول منزل بعد منزل غمرة وش بورسعيد ... المنزل ده ح يبقى على اليمين قبل ما توصل لجامع النور بتاع العباسية ح تلاقي مكتوب علية حدائق القبة ومصر والسودان تقريبا
تنزل وتمشي طوالي ح تلاقي نفسك في ميدان كوبري القبة بين سور المترو وقصر القبة
تمشي طوالي والقصر على شمالك وسور المترو على يمينك
ح يقابلك كوبري اسمة كوبري سراي القبة .... مش تطلع الكوبري وخليك ارضي على اليمين .... امشي طوالي شوية صغيرة ..... كدة انت في اول شارع ترعة الجبل من جهة سراي القبة ..... بعد حوالي 1000 متر تكون موازي لمحطة حدائق الزيتون ...... كدة ممكن تربط الاحزمة استعدادا للهبوط ...... انت الآن في اجواء الزيتون
ملحوظة : دخول الزيتون مجاني و بدون تأشيرة :M_yes[1]:
مرحبا بك في جمهورية الزيتون الاتحادية ...... الحمد لله على سلامة الوصول :Y_hi_3[1]:
انا يوميا الايام دي بروح الزتون
الضغط والسكر هيجولي من السواقه هناك
ومع اني عشت فيها 6 سنين الا ان الناس اتغيرت تماما وبقا فيهم جرأه غير عاديه والخناقات مفيش اكتر منها
ربنا يسترها
لو محتاج تروح من الجيزه تعالالي القصر العيني وانا اوديك معايا وانا مروح
ههههههههههههههههههههههه
سلامي ياهندسه
اللهم انى صائم :unhappy:
بس طعمه حلو خصوصا على البيتزاااااااااااااا :burger: :Copy of m-s5:
تحياتى يا حج احمد
يا باشا الله يسامحك :N_no[1]:
القصر العينى يعنى الداخل مفقود و الخارج مولود
زحمة بطريقة بشعة و خمسين اشارة فى 20 متر :tire:
و الراكنة كمان جوه الكلية عندكم صعبة :fdsa:
مش كنت دخلت هندسة احسن لك ركنااااااااااات كتيير و اشارة و احد بس تنزل من كوبرى اكتوبر تلاقى نفسك على البينج :rolleyes:
ههههههههههههههههههههههههه ههههههه
تحياتى يا باشا