تركيب فاميه حرارى للسيارة

**mido_295** · 13-08-2011 01:22 PM

السلام عليكم ورحمه الله وبركاته
ازيكم ياشباب
رمضان كريم علينا جميعا
بقالى فترة عاوز افيم العربيه لون فاتتح يهدى الشمس شويه
لفيت على اكتر من واحد بتاع فاميه
لقيت واحد منهم قالى عندى نوع حرارى ممتاز أحسن كتير من الفاميه العادى
قولتله خير السعر كام قالى العربيه كلها بالشماسه 200 جم ومن غير الزجاج الخلفى ب 150 جم فقط بصراحه انا خوفت وحسيت انها اشتغاله وده بسبب واحد صاحبى كمان قالى الفاميه الحرارى أقل واجب 400 جم ازاى يبقى ب 150 ولا ب 200 المهم انا ماركبتش وقولت اجرى عليكم استشيركم الأول وأعرف الصح أيه فى القصه دى

**Ahmed1987** · 13-08-2011 05:20 PM

لو بالاسعار دي تبقى جامدة جدا
بس انا روحت قبل كده شارع دمشق فيه واحد هناك قالى ب 1500 جنيه نوع اسمه VKool
بس ده بيجيب ازاز العربية كلها مش شماسة وبس
ياريت تسألنا ونعرف
رمضان كريم

**mohamedbook** · 13-08-2011 05:47 PM

http://www.nilemotors.net/Nile/236468-a.html
الرابط ده هيفيدك

**mido_295** · 14-08-2011 02:49 PM

قريت الموضوع ومش عارف أخد قرار برده أعمل الفاميه ده ولا دى حورارت وخلاص السعر غريب والموضوع التانى ممكن يكون هوة هوة بس مشعارف حقيقه

**prisoner** · 14-08-2011 03:01 PM

صحيح الواحد صعب ياخد قرارا فى الموضوع ده يعنى ممكن ابو 200 جنيه يطلع هوة هوة ابو 70 والله وبتحصل على حسب المكان يعنى لما يركب فى شبرا غير لما يركب فى مصر الجديدة البياعين عارفين ان الناس اللى معاها فلوس كتيير ( يارب اوعدنا ) لما تسمع المبلغ ده فى حاجة هما فعلا محتاجينها بيقولوا الله ده رخيص قوى والبياع لما بيفهم ده ويشوف هوة بيتعامل مع مين بعد كده بيقدر يلعب فى السلعة زى ما هوة عايز هية دى المشكلة الرئسية فى البلد ان كلنا بنسرق من بعضنا ولو نعرف الحقيقة نستريح والاريح زى مانا عملت شفت شجرة بنت حلال والله بتخليلى العربية ساقعة فى عز الحر ومفيش احتباس حرارى مرة ب 1350 ومرة 200 ومرة 70 بالرغم من انى متاكد ان الغالى ده فعلا صناعة امريكية وممتاز بس واضح من تجارب الناس انو مش جامد

**mido_295** · 14-08-2011 03:15 PM

المشاركة الأصلية كتبت بواسطة prisoner

صحيح الواحد صعب ياخد قرارا فى الموضوع ده يعنى ممكن ابو 200 جنيه يطلع هوة هوة ابو 70 والله وبتحصل على حسب المكان يعنى لما يركب فى شبرا غير لما يركب فى مصر الجديدة البياعين عارفين ان الناس اللى معاها فلوس كتيير ( يارب اوعدنا ) لما تسمع المبلغ ده فى حاجة هما فعلا محتاجينها بيقولوا الله ده رخيص قوى والبياع لما بيفهم ده ويشوف هوة بيتعامل مع مين بعد كده بيقدر يلعب فى السلعة زى ما هوة عايز هية دى المشكلة الرئسية فى البلد ان كلنا بنسرق من بعضنا ولو نعرف الحقيقة نستريح والاريح زى مانا عملت شفت شجرة بنت حلال والله بتخليلى العربية ساقعة فى عز الحر ومفيش احتباس حرارى مرة ب 1350 ومرة 200 ومرة 70 بالرغم من انى متاكد ان الغالى ده فعلا صناعة امريكية وممتاز بس واضح من تجارب الناس انو مش جامد

[OVERLINE]
أهم حاجه فى الموضوع أن ربنا يوعدنا بالفلوس الكتير

فعلا الموضوع يلخبط ومحدش عارف يصدق حد من الصنايعيه خالص انا احتمال اقابل واحد النهارده يمكن يدلنى على الصح فى الموضوع ده لو عرفت اى جديد هعرفكم
[/OVERLINE]