حد فاهم يقوللى ايه الفرق بين مياه الريدياتير الحمرا والخضرا
عرض للطباعة
حد فاهم يقوللى ايه الفرق بين مياه الريدياتير الحمرا والخضرا
متابع+1
اللون في مياه الرادياتير ليس لها أي فائدة اللهم إلا لمعرفة إن كان هناك تسريب من أي جزء في دورة المياه وفي هذا الصدد لا يفضل إلا باللون الأخضر أما اللون الأحمر فلا يفضل لأنه قد يختلط الأمر مع زيت الباور أحمر اللون ....!!!
أما المادة الفعالة في ماء الرادياتير فهي مادة الإيثيلين جليكول ...
بإختصار جميع الألوان في مياه الرادياتير ( الأحمر والبنفسجي والبحلقي .... إلخ ) فهي إشتغالات وإفتكاسات التجار المصريين
اللي اعرفه ان المية الخضرا بتساعد ع التبريد و عدم الصدأ لأن المية العادية فيها امالح و...بتؤدي للصدأ ... الخ الخ
و الزرقا اعلي في التبريد و مش بيتأثر بالحرارة مش متأكد بصراحة
و بسمع عن الالوان ديه لكن برده معنديش فكرة عنها
و اعتقد لو هي عندنا في مصر ممكن تكون فعلا اشتغالات لتحقيق ربح زي ما احنا متعودين ع اشتغالات و افتكاسات التجار
زي ما كنت مرة بسال ع طاسات بتتباع بــ30 جنيه هو جايبها حاططها في علبة كرتون مقطعة و يقولي 80 جنيه أصلها اصلية بالكرتونة بتاعتها
فخليك في المية الخضرا و خلاص لأنها اللي متجربة و كلنا بنستخدمها
انا اعرف ان المايه الحمرا بتبرد اكتر من الخضرا
علشان كده فى عربيات دورة التبريد بتاعتها مصممه للمايه الخضرا وعربيات تانيه للمايه الحمرا
انا الكلام ده سمعته من المنتدى بس مش فاكر فين ومش متاكد منه
المياه الحمرا والخضرا وظيفتهم التبريد بس الفرق في الخامه كل واحده فيهم لها استخدام خاص بيها
الحمرا للريداتير الفايبر
الخضرا للريداتير المعدن
والاثيلين جليكول ماده منفصله عن الميا العاديه او مياه التبرديد الملونه وبتضاف كعامل مانع للتجمد بالذات في للبروده الشديده في الدول البارده زي اوروبا
واللي بيفرق الميا الحمرا عن الخضرا المواد الداخله في تكوينها على حسب الخواص الفيزيائيه بتاعتها ( السعه الحراريه والحراره النوعيه ...........الخ) ضيف على كدا مواد بتمنع او تقاوم الصدا .............الخ
انا مش مع اللي بيقول ان الميه الحمرا اشتغاله بدليل لو بصيت فى الغ=عربيات التيوتا هتلاقي مياه الرداتير لونها احمر
لكيد لو كانت اشتغاله مكنوش حطوها فى اليابان
افضل شىء هوا علبة مياه ريداتير امريكى شبه كان البيبسى و تحط معاها مياه مقطرة و لو عايز مياه مقطرة تمام و بلاش حط المية الى بتنزل من التكييف بتاع البيت هيا مقطرة اما الاحمر و الاخضر و السعودى و االسبانى اشتغلاااااااااات
العلبه الامريكى ده بحطها ليه ؟اقتباس:
افضل شىء هوا علبة مياه ريداتير امريكى شبه كان البيبسى و تحط معاها مياه مقطرة و لو عايز مياه مقطرة تمام و بلاش حط المية الى بتنزل من التكييف بتاع البيت هيا مقطرة اما الاحمر و الاخضر و السعودى و االسبانى اشتغلاااااااااات
ايه لزممتها؟
طيب كمان إنتو نسيتوا اللون الأزرق .
انا بيتهيأ لى كلها تديك نفس النتيجة
أنا غيرت مياه الرادياتير اللى كنت حاططها من اللون الأخضر إلى اللون الأزرق (موبيل) وده طبعا بعد عملية غسيل دورة الرادياتير بالعربية ومافيش مشكلة بإذن الله
انا بلاقي الميه في قربة الردياتير بتغلي جدا
علما انها مية مكيف بلمها من المكيف وكمان انا في السعوديه
يعني الحراره خلقه فوق ال 45 وساعات 50
بس عداد الحراره دايما تحت النص لكن القربه هي اللي بتغلي
هل الردياتير في مشكله ولا ده الطبيعي
مفيش عك ولا حاجة
مياه التكيييف مياه مقطرة والصح انها تتحط للردياتير !
دا على اساس ايه مقطره سعاتك
المقطره بتاعت العربيات غير المقطره اللي اللي احنا عارفينها ولا ماكنش اتباعت واتصنعت
كنت تلاقي كدا في البنزينه جايبين جهاز تقطير ولا اقولك يكلفوا نفسهم ليه (يجيبو لهم تكييف يكيفوا بيه ويستنفعوا من وراه)
وعمالين يبيعوا مياه مقطره الكيلو ب2 جنيه
بالنسبه للميه الخضراء انا قرأت على الجركن بها 40% ايثيلين جليكول .ليه الأيثلين جليكول لان هذه الماده تعمل عل رفع نقطه الغليان أى بدل ما الماءبيغلى عند 100 درجه مئويه يغلى عند 135 ولذلك كويس للمناطق الحاره وتعمل ايضا على انخفاض درجه التجمد بمعنى ان الميه العاديه بتتجمد عند صفر درجه مئويه عندئذ التجمد يكون عند -40 درجه مئويه ولذلك كويسه للمناطق البارده. بمعنى شامل تزويد المدى بين درجه التجمد ودرجه الغليان.وايضا هذه الماده مضاده للصدأ.ملحوظه سعر ايثيلن جليكول 9 جنيه هذه الأيام.ممكن اتجيب ماءمقطر(نسبه الأملاح فيه صفر % طريقه صنعها غلى الماء وتكثيف البخار على سطح بارد الجهاز مش غالى وزجاجى حوالى 150 جنيه بسخان بتاعه لغلى الماء)وتضع عليها ايثلين جليكول بنسبه 40%.اللون ما هو الا لملاحظه التسرب ان وجد . الماء الأحمر تقريبا هيكونفس النسبه السابقه .
يا ريت حد لو شاف الميه الحمراء يتكب مكوناته ونحن نفسر ما به.
سعر اللتر 9 جنيه.اللتر= 1115 جرام لأن كثافه الأيثلين جليكول 1.115
هتلاقيه عند اى شركه بتبيع مواد كيميائيه للبويات لانها تستخدم بكميات كبيره جدا فى الدهانات البلاستيكيه (التى تخفف بالماء) والأسم العلمى لها
hoch2ch2oh monoethylene glycol
والأسم الشائع جليكول وانا أستخدمتها بالفعل فى السياره .بالنسبه للماء المقطر الجهاز متوفر فى محلات الكيمويات الموجوده أمام الجامعات وبالأخص كليات العلوم.بسى لازم حد يعرفك ازاى تستخدمه وليكن صديق كيميائى.عموما انا ببحث وبتوقع انا الماء الخارجه من التكييف هى مقطره لأنها من بخار الماء للتنفس . وتتكثف نفس فكره التقطيير بالضبط(تبخيير الماء ثم التكثيف على سطح بارد)