للجادين فقط....5 جنوط 17 سيراتو هاي لاين بالكاوتش

السلام عليكم........

كل سنة وانتم طيبين و رمضان كريم علينا و عليكم يارب........

للبيع طقم 5 جنوط مقاس 17 بتوع عربيتي السيراتو 2010 بالكاوتش الكومهو اللي بتنزل بيهم الخليجي السعودي مقاس 215....ماشيين 18 الف كلم و بدون أي لحامات نهائي و بدون أي خوابير....

....أو للبدل بطقم 16 بشرط الحالة.........

ارجو من الجادين فقط عرض سعر للشراء لأني بالأمانة معرفش يجيبوا كام بس هما نضاف جدا بدون خدوش أو صدمات ......التواصل لمن لديه رغبة في المعاينة و الشراء سيكون ان شاء الله عالخاص..

و كل سنة و انتم طيبين...........

جالك سعر كام فى الطقم ال17 علشان انا عايز اعمل زيك بالظبط

انا ما سألتش برة على سعره لسه

انا شاري علي 1500

ممكن سبب البيع؟

اقتباس:

---

المشاركة الأصلية كتبت بواسطة ashraf229

انا ما سألتش برة على سعره لسه

---

سعر الجنط الاصلى فى التوكيل فى حدود الالفين جنية 2000 للجنط الواحد على حد علمى
واسال فى التوكيل برده ممكن اكون انا غلطان اكيد التوكيل حيديك السعر الصحيح

اقتباس:

---

المشاركة الأصلية كتبت بواسطة samaegyone

انا شاري علي 1500

---

مش كتير شويه الف ونص :_Alshmokh11::_Alshmokh11:

متابع

المطلوب كام يا باشا ؟

ياريت تقول سعر للبيع ..... لان كدا الموضوع مش مقفول ... كل واحد تلاقيه عمال يقول سعر ....

دى حاجتك وانت اللى تقدر تقدر قيمته ...

شكرا لكل اللي رد و اسف على التأخير

بالنسبة للأخ اللي عرض 1500 اعتقد ده قليل أوي فبأعتذرله انا عارف ان المستعمل سعره بيكون قليل بس السعر قليل أوي و شكرا على مشاركتك

انا هأفصلهم عند بتوع الجنوط و أرد عليكم ان شاء الله

انا بالنسبة لسبب البيع هوه ظروف عملي و اضطراري للسير في اماكن مكسرة كتير فعايز أغير لمقاس أصغر يريح العفشة اكتر

كل عام و انتم بخير......

اوك يا باشا بانتظارك ان شاء الله

بص يا استاذى انا سالت على الجنوط وقالولى ان الاصلى برة التوكيل 1500 للواحد والمستعمل حسب الحالة بس اعتقد انة لو كويس يبقى فى حدود 1000 جنية للواحد انا قولت اقوول يمكن افيد حد:36_1_37[1]: