عاجل 308 ولا كرولا 2011 و ألنترا الجديدة

السلام عليكم شباب

أنا محتار بين تلاث أنواع عربيات كرولا 2011 ، بيجو 308 ، النترا الشكل الجديد و مش عارف أعمل ايه ؟؟؟؟ الأسعار زى بعض
كرولا 151 اتوماتك كاملة ،،،
308 142 اتوماتك كاملة
ألنترا 141 اتوماتك كاملة و شوية تحابيش ابشن زيادة
يعنى الأسعار متقاربة ،، المهم عندى اتوماتك تكييف يعنى التحابيش بتاعت الإلنترا مش مؤثرة قوى ..

الكرولا عاجبانى جدا بس شكلها مشكلة ، و المشاكل اللى سمعت عنها ، اللى مشجعنى عليها التوكيل سمعته فى الصيانة كويسة

البيجو 308 تحفة فنية بس اللى مخلنى افكر كتير ،، سمعة التوكيل وحشة جداا

النترا الشكل الجديدة وهمية بس اللى مش عاجبنى فيها التوكيل بتاعها السمعة بعتاته وحشة

ياريت اللى يجاوب يكون مجرب العربية ،، و التوكيل ،،، بلاش رأى سماعى

بص لو بتقارن بين تويوتا 2011 و النترا 2012 فانا باكدلك ان الالنترا 2012 افضل فى كل حاجة و حتى الاعتمادية
الالنترا افضل من التويوتا فى

• الشكل الخارجى
• الشكل الداخلى
• الوسع
• الكماليات
• سعر اعادة البيع
• اسعار قطع الغيار و الصيانة
• استهلاك البنزين
• حتى الاعتمادية و الخامات و كل حاجة

و بص على الريفيوهات الاجنبية و اكبر السيتات العالمية فى تقييم السيارات حتلاقى الالنترا الجديدة مبهدلة الكرولا فى كل حاجة
فى فيديو بيتكلم على اكبر مواقع تقييم السيارات قالو اية عن الالنترا الجديدة:
cars.com said the elantra is home run in a compact segment
car connection.dom said its officailly left the corolla on the dust
motor trend.com declared ford and honda have to work cut out

2011 Hyundai Elantra: To the Drawing Board - Oscar Commercial - YouTube

اما بخصوص البيجو 308 فانا معرفش عنها حاجة, بس البيجو بردة حلو

ميرسى على الرد ،،، بس ليا سؤال ،،، التوكيل سمعته عاملة أيه ؟؟ لان كل فى المنتدى سمعته مش تمام ،، و فيه عذاب و مشاكل ،،، و الناس بتنصح بأن الواحد يدور على ميكانيكى من بره

على فكرة الفيدو تحفة ،، و بجد ميرسى ....

انا لو مكانك هشترى الفلونس
لو من جوه المقارنه ال 308 افضلهم من حيث اقوى ماتور وفتيس وافضل نظام تعليق

308 شكلها تحفة ،، و جميلة بس عيبها :: التوكيل و الصيانة سمعة التوكيل مش كويسة ،،، ضيقة حبتين من ورا ،،

الفلوينس :: جميلة و عجبانى بس حاسس إنها مش فرنساوى يعنى صناعة بلد تانية (( التوكيل تمام ،، و الرينو عربية حلوة ))
ياريت حد يتأكد من المعلومة دى

بصراحة الرينو أحلى حاجة فيها الميجان ،، الميجان 3 شكلها حلو قوى و حاسس إنها عربية حمالة أسية فى الطرق المصرية

اقتباس:

---

المشاركة الأصلية كتبت بواسطة mahmoudawad247

ميرسى على الرد ،،، بس ليا سؤال ،،، التوكيل سمعته عاملة أيه ؟؟ لان كل فى المنتدى سمعته مش تمام ،، و فيه عذاب و مشاكل ،،، و الناس بتنصح بأن الواحد يدور على ميكانيكى من بره

على فكرة الفيدو تحفة ،، و بجد ميرسى ....

---

بص معظم التوكيلات هنا فى مصر سمعتهم وحشة و كل الناس بتشتم فيهم, متفكرش كتير فى النقطة دى لان كله محصل بعضة, بس لو مهمة بالنسبالك يبقى الهيونداى بردة افضلهم فى النقطة دى لانتشار مراكز الصيانة فى كل حتة, يعنى اكيد حتلاقى مركز قريب منك و مش محتاج تروح مشوار لاخر الدنيا عشان تعمل صيانة.
انا رايى الالنترا او بيجو 308 حلوين بس اسال على البيجو لانى معرفش عنها حاجة, و الفلوينس كمان حلوة.

اقتباس:

---

المشاركة الأصلية كتبت بواسطة samehnoshi

بص معظم التوكيلات هنا فى مصر سمعتهم وحشة و كل الناس بتشتم فيهم, متفكرش كتير فى النقطة دى لان كله محصل بعضة, بس لو مهمة بالنسبالك يبقى الهيونداى بردة افضلهم فى النقطة دى لانتشار مراكز الصيانة فى كل حتة, يعنى اكيد حتلاقى مركز قريب منك و مش محتاج تروح مشوار لاخر الدنيا عشان تعمل صيانة.
انا رايى الالنترا او بيجو 308 حلوين بس اسال على البيجو لانى معرفش عنها حاجة, و الفلوينس كمان حلوة.

---

لو سمحت ياباشا ماتجمعش

توكيل نيسان بيحببك فى العربيه و الشركه

و اسمع ان توكيل كيا برضه كده

و اسمع ان توكيل دايهاتسو احسن بمراحل من نيسان و كيا

لكن غبور ياراجل العربيه بتدخل سليمه تخرج مسروقه و معلش انا موش جايب جديد و فى الضمان علشان الف على الصنايعيه و مراكز الصيانه و اجرب

و المنتدى ماليان شكاوى من غبور و كمان قواضى مرفوعه عليه

و شوف اللينك دى

http://www.nilemotors.com/Nile/26847-a.html

و اللى زيه برضه توكيل منصور اللى معاه اوبل بيبيعها بسببه و افتكر كان معانا واحد فى المنتدى باع الاوبل كورسا مو 2004 و جاب لانوس 99 فقط علشان التوكيل مطلع عنيه و ماعرفش يصلحها بره

و بالتالى التوكيل انا شايف انه مهم جدا

انا شايف ان حضرتك تعمل صلاة استخارة وتشوف انهى افضل بالنسبالك والي انت مرتحلها اكتر
واتوكل علي الله
بس من راي لو عايز عربية تنسي مشكلها تبقي كورولا
وبالتوفيق ف القرار السليم

اقتباس:

---

المشاركة الأصلية كتبت بواسطة islam_shady

لو سمحت ياباشا ماتجمعش

توكيل نيسان بيحببك فى العربيه و الشركه

و اسمع ان توكيل كيا برضه كده

و اسمع ان توكيل دايهاتسو احسن بمراحل من نيسان و كيا

لكن غبور ياراجل العربيه بتدخل سليمه تخرج مسروقه و معلش انا موش جايب جديد و فى الضمان علشان الف على الصنايعيه و مراكز الصيانه و اجرب

و المنتدى ماليان شكاوى من غبور و كمان قواضى مرفوعه عليه

و شوف اللينك دى

http://www.nilemotors.com/nile/26847-a.html

و اللى زيه برضه توكيل منصور اللى معاه اوبل بيبيعها بسببه و افتكر كان معانا واحد فى المنتدى باع الاوبل كورسا مو 2004 و جاب لانوس 99 فقط علشان التوكيل مطلع عنيه و ماعرفش يصلحها بره

و بالتالى التوكيل انا شايف انه مهم جدا

---

اولا انا مجمعتش, انا قلت معظم التوكيلات مش كل التوكيلات و ده انا لحظتة من مختلف الماركات ذى هيونداى, شيفرولية, فولكس, فيات, ....
روح شوف بره مصر التوكيلات بتعامل ملاك العربيات اذاى, و اذاى بيحترموا العميل و راحتة...و خش على الماركات المختلفة فى المنتديات هنا و انت حتلاقى المعظم بيشتكى من التوكيل.
اما من ناحية توكيل نيسان و انة كويس فانت ادرى بية و متشكر على المعلومة

أنا متفق بشدة مع نقطة إن التوكيلات في بلدك معظمهم حرامية و معاملة زبالة مقارنة ببرة
و رغم إن توكيل بيجو كان فعلا في منتهى الزبالة الا انهماتحسنوا جامد الفترة اللي فاتت و بدأوا يجيبوا عربيات عليها القيمة بعد ما كان كله ايراني
أنا شخصيا مجرب كورولا و لانسر بومة و سيفيك و حاليا عايز ابيع السيفيك و اجيب ال 308 بس مانيوال عشان أعرف استمتع بيها (الاوتوماتيك بتاعها ناعم جدا بس كاتمها شوية عن المانوال)

عن تجربة 308 عربية تحفة وواسعة وجراية بطريقة فظيعة وكماليات وأوبشنز وهم يا باشا وثبات رائه .. بس عيبها الوحيد قطع غيارها وصياناتها في التوكيل غالية جدا ومبالغ فيها ..

طبعا التويوتا كورولا2011 تكسب في التلاتة

اقتباس:

---

المشاركة الأصلية كتبت بواسطة ahmedzag1

طبعا التويوتا كورولا2011 تكسب في التلاتة

---

خير الكلام ما قل و دل:,:

الكورولا 2011 اصبحت بتيجي ياباني بالكامل مش جنوب افريقي زي زمان يعني
نقدر نقول انه بأذن الله المشاكل اتعدمت .
طبعا عربيه محترمه جدا و اعتماديه من الدرجه الأولي و تنساها خالص :M_yes[1]:
و لاتفكر في توكيل و لا اي حاجه ممكن تضايقك منهم مع الوقت :_Alshmokh11:
و طبعا توكيل تويوتا من التوكيلات المحترمه في مصر وعربيه ماسكه نفسها في اعاده البيع بقوه .:S_thum1[1]:

الالنترا الجديدة تعالى شوف انتشارها فى السعوديه برغم انها لسه جديدة على فكرة الكرولا تحتضر فى مبيعاتها بسبب قوة منافسه هيونداى بتصاميم اكثر جذبآ للعملاء من الكرولا ليس بها اى لمسه جماليه وعاديه جدآ
سوناتا ضربت مبيعات كامرى والالنترا ضربت الكرولا والاكسنت ضربت اليارس . خلى بالك قوة هيونداى فى انتشارها فى العالم كله ودعم قوى لما بعد البيع من غزارة قطع غيار
البيجو ما انصح بيها قطع غيار مش متوفرة لكل حاجه وكل موديل وحاجتهم نار واصلاح لازم عندهم فانت امام خيار افضل الالنترا الجديدة اللون الابيض الكريمى او الاحمر مع تفييم الزجاج وانوار زنون حكايه عليها قوى

اقتباس:

---

المشاركة الأصلية كتبت بواسطة raedegypt

الالنترا الجديدة تعالى شوف انتشارها فى السعوديه برغم انها لسه جديدة على فكرة الكرولا تحتضر فى مبيعاتها بسبب قوة منافسه هيونداى بتصاميم اكثر جذبآ للعملاء من الكرولا ليس بها اى لمسه جماليه وعاديه جدآ
سوناتا ضربت مبيعات كامرى والالنترا ضربت الكرولا والاكسنت ضربت اليارس . خلى بالك قوة هيونداى فى انتشارها فى العالم كله ودعم قوى لما بعد البيع من غزارة قطع غيار
البيجو ما انصح بيها قطع غيار مش متوفرة لكل حاجه وكل موديل وحاجتهم نار واصلاح لازم عندهم فانت امام خيار افضل الالنترا الجديدة اللون الابيض الكريمى او الاحمر مع تفييم الزجاج وانوار زنون حكايه عليها قوى

---

انا معاك انى لو فى السعوديه او اى مكان بره مصر ممكن شترى كورى لانه ارخص(على حسب ما سمعت)

بس فى مصر باحس ان سعرها مبالغ فيه علشان غبور باشا

و كمان سمعة توكيل غبور و القضايا اللى مرفوعه عليه بسبب العربيات المعيوبه اللى باعها تخليه يشيل الهيونداى من المقارنه تماما بالرغم من انتشارها

و تقدر تطلع على اللينك اللى فى التوقيع بتاعى لو عايز تتعرف على هيونداى اكتر

ميرسى يا رجالة على التجاوب الجميل و الفوق ممتاز فى الحيرة اللى أنا فيها ،،، و بعد مداولات لقيت ان الإلنترا طلعت من التصفيات ،،، بسبب عمنا غبور ،، حاجة غريبة سمعة التوكيل لووووز ،،

دلوقتى الكرولا ،،، 308 بيصفوا مع بعض ،،، اللى محببنى فى الكرولا سمعتها ،،، و الى مخلينى متردد شكلها شكل الفوانيس عاملة زى الناس القصيرين بتوع اسيا ،،، وكمان برده ممكن يغيروا الشكل قريب علشان السيكل بتاعت الموديل الحالى قربت تخلص من 2008

البيجو 308 بصراحة شكلها روعة و شياكة الأوروبى ،،، روحت المعرض بتاع بيجو ،، و ركبتها حاسس بفخامة حلوة قوى فى التابلوه ،، و العربية ماشاء الله شياكة الفرنساوى ،،، بس التوكيل سمعته مش حلو خالص ،،، و ده مش حلو فى بلدنا بلد المطبات و الجبال الصغيرة ،،

بص يا باشا 308 ثم الكورولا ثم خلاص

يا جماعه انتوا اكيد بجد بتهزروا
لو بتقارن شكل انا معاك ان الالنترا شكلها شبابى هى و 308 والتيوتا شكلها رائع جدا كمان وشبابيه
بس لو بتقارن انك عايز تركب عربيه وتحس انك راكب عربيه بجد وراقبها ومطمن انك لو بعد 10 سنين مش هتخسر فيها الا تمن الى مشيتوا بيها يبقى اكيد الكرولا واليابانى طبعا ماينفعش يتقارن بأى عربيبه تانيه فى السوق الا لو عايز تطلع للالمانى
انا عايزك كده توقف النترا جنب 308 جنب كرولا وشوف ساج كل واحده هتلاقى الكرولا بجد وحش زى الفيات انما الاتنين التانيين ورق زيهم زى الكيا سيراتو بالظبط

وفى النهايه الكرولا اداء وماتور عالى جدا وفى السفر قمه الراحه والمتعه والثبات

بص بداية ... عيب عيب كبير أوي أوي لما تقارن الـ 308 بالإلنترا ... أنا معاك إن قطع غيار الكوري أرخص بمراااااااحل و إن أي ميكانيكي بيشتغل فيها و التوكيل منتشر و سعر إعادة البيع و و و ... لكن كعربية ... جنط البيجو بالإلنترا كلها كده على بعضها .. و مش عيب إننا نعترف و نقول دي عربية أحسن من دي بس أنا هاخد الأقل لإنها مناسبه ظروفي أكتر ... أنا كنت بشتري بيجو 307 فل أوبشنز سواقتها وهم بمعنى الكلمة و أوبشنز و كل حاجة .. بس لما عرفت إن المراية بألف جنيه على طول رجعت في كلامي و اشتريت لانسر و مش عيب إني أقول إن الـ 307 كانت برقبة اللانسر لكن اللانسر هي اللي على مقاسي ...
من الآخر لو تقدر على قطع الغيار يبقى بيجو بدون تفكير .. و ممكن تفكر في الميجان برضه ، أو تبص على السيات و الفيات بيعملوا حاجات حلوه جداااا .... أي أوروبي برقبة أي كوري كركوبه ... لكن السوق بيحكم .
الكورولا كويسه جدا ... هو فعلا سعرها غالي على كمالياتها لكن اللي أقدر أقوله بكل ثقة إن فراملها و ثباتها أحسن من الإلنترا و بكتييييييييييييييير جدا كمان.
و في النهاية ربنا يوفقك في الاختيار.

. بس لما عرفت إن المراية بألف جنيه على طول رجعت في كلامي و اشتريت لانسر و مش عيب إني أقول إن الـ 307 كانت برقبة اللانسر لكن اللانسر هي اللي على مقاسي ...

تمام ،، و من الأخر ،،، اللى خلانى متردد من البيجو قوى ،، لما شفت مركز الصيانة بتاع بيجو حسيت إنه ورشة ،، مش مركز صيانة

على العكس مركز صيانة تويوتا ،،، شكله أحسن شويتين خاصة اللى فى التجمع اللى جنب هوندا

من الأخر شكل 308 وهمى و ميه و ميه ،، بس التوكيل سمعته لحد دلوقتى مش كويسة خالص ،، و الموضوع ده مزعلنى ،، ،علشان أنا بحب البيجو جدا ،، بس العربية مش بتتكلم مطرح ما تركنها تقف ،، التوكيل والصيانة هى الللى الواحد هيكمل معها

نصيحه اخويه هات الكورولا

الكورولا اكتر العربيات دي اعتماديه فعلا ومريحه جدا جدا جدا وواسعه فيها كل المميزات الي تخليها عربيه شعبيه ولكن فخمه وسعر اعاده البيع ممتاز وقطع الغيار ارحم من ال 308

طبعا الالنترا الجديده برا المقارنه اساسا

ال 308 قطع غيارها مبالغ فيها جدا جدا جدا وصيانتها صعبه مع انها ك عربيه ممتازه جدا جدا جدا عفشه حجر وثبات ممتاز وشكلها من برا وجوه جامد جدا جدا وفخامه ليس لها مثيل بس هاتش باك دي ممكن تبقى ميزه او عيب على حسب احتياجك والعيب القاتل فعلا قطع الغيار المتمادى في اسعارها جدا

اقتباس:

---

المشاركة الأصلية كتبت بواسطة mahmoudawad247

ميرسى يا رجالة على التجاوب الجميل و الفوق ممتاز فى الحيرة اللى أنا فيها ،،، و بعد مداولات لقيت ان الإلنترا طلعت من التصفيات ،،، بسبب عمنا غبور ،، حاجة غريبة سمعة التوكيل لووووز ،،

دلوقتى الكرولا ،،، 308 بيصفوا مع بعض ،،، اللى محببنى فى الكرولا سمعتها ،،، و الى مخلينى متردد شكلها شكل الفوانيس عاملة زى الناس القصيرين بتوع اسيا ،،، وكمان برده ممكن يغيروا الشكل قريب علشان السيكل بتاعت الموديل الحالى قربت تخلص من 2008

البيجو 308 بصراحة شكلها روعة و شياكة الأوروبى ،،، روحت المعرض بتاع بيجو ،، و ركبتها حاسس بفخامة حلوة قوى فى التابلوه ،، و العربية ماشاء الله شياكة الفرنساوى ،،، بس التوكيل سمعته مش حلو خالص ،،، و ده مش حلو فى بلدنا بلد المطبات و الجبال الصغيرة ،،

---

مدام الالنترا خرجت برا المقارنه وانا ده من رايي برضو

الكورولا كعربيه ممتازه جدا معمره جرايه كل قرش مدفوع فيها في مكانه وعموما ك مشي الكورولا عفشتها ناعمه جدا وثباتها ممتاز ودي ميزه مش موجوده في الاوروبي العفشه لازم تبقى ناشفه بس طبعا الثبات بيبقى افضل من الكورولا بس ده مش معناه ان الكورولا ثباتها وحش بالعكس هي ممتازه


ال 308 لو عايزها وعجباك لازم تسال على قطع غيارها واعتقد انك وقتها هتغيير راييك

بس لو انت عايز تدخل حاجه تانيه في المقارنه(انا شايف حرام تحسر نفسك بعربيتين)

دخل معاهم السيات ليون وشوف كده انا شايف ان الليون لا تقل على 308 من الفخامه والعفشه والثبات وكل حاجه الليون عربيه مفيهاش غلطه وقطع غيارها متوفره وارخص من البيجو وهتلاقي ناس كتيره فاهمه فيها