الموضوع: مشورة بخصوص مواتير الجولف

السلام عليكم ورحمة الله وبركاتة
انا عايز اشركم انا معايه جولف 2 ماتور 1800 المهم شفت هوندا سيفك عرفت من ناس ان في ناس بتسقط مواتير فيها 1600 فيتك 2 كامة 170 حصان فا بصراحة ابهرني وكمان شفتها مرة هوندا شكلها مسقط المتور دة كنت وفي العاشر وعدي من امامي صروخ مشفتهوش تاني
دلوقتي انهي اقوي ماتور في الماتورين دول 1800بي بي في سحب وسرعة ولا الهوندا بي ماتورها 1600؟؟؟
وانا هصرف علي الجولف الي معايه هل اصرف عليها ولا اتكل علي الله وابعها واجيب هوندا سيفك لي اني لو صرفت هصرف جامد علي الجولف وهل بعد المصاريف الي هصرفها عليها هتجيب ليه المبلغ دة 45 لي اني هكون صارف اكتر من ساعت ما اشتررتها
لي اني اليومين دول نوي اشتري 4 ابواب كهرباء وشنطة ونوي اعمل الابواب طيارة
ونوي اشتري صالون عربية من العربيات الحديثة زي مثلآ الفيات برافو وهركب تكيف يابني بتاع تيوتا لشدة قوتة وهشتري زينون الماني اصلي وعملها مفتاح كمبيوتر ووحدات رفع هل هيا تستاهل المصاريف دي ولا حرام واشتري احسن هوندا 93 اس اي ار ها ياجماعة ؟
وانهي ماتور اقوي من الاخر ال1800 الكامة وحده البي بي ولا 1600 2كامة ؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة ahmedtunning

بص هي الجولف عربية من الاخر و اوفر في حاجات كتير من الهوندا ده عن تجربة

المواتير بقي
تكنولوجيا المتور 1600 بتاع الهوندا عليا جدا عشان كده بيولد القوة ديه و هو حامي اوي علي الار بي ام الصغير و بيجمع بسرعة جدا اسرع من ال bb بفرق ملحوظ اووووي

انما الجولف old scool لو حسبت انك عايز تبيع العربية اكيد طبعا هتزود عليها عشان تجيب الهوندا نضيفه و عشان تعدل للكلام ده شوف هتصرف كام

هات ورقة و قلم و كباية شاي تعدل المزاج احسب و شوف التكليف وربنا يهديك للصح

يعني ماتور الهوندا امتع من البي بي