موضوع مش مهم اوى بس بجد محتاج اجابة

رمضان كريم عليكم الاول وكل سنة وانتم طيبين
الاول انا معايا كيا سيراتو 2011 sx وامبارح اشتريت فلاشة سونى 8 جيجا عشان اشغلها على العربية لقيت الكاسيت بيعمل reading كتير اوى حوالى 5 دقايق وفى الآخر بيقولى يا اما
no media او يجيب الاغانى اسامى بس من غير التايمر بتاعها ميتحرك
على الرغم من انى كان معايا فلاشة 4 جيجا وكانت شغالة زى الفل
الفلاشة السونى ال 8 جيجا شغالة على كل حاجة تانية كويس اوى بس على العربية بتقف
كلمت الراجل الى انا جبت منه الفلاشة لقيته بيقولى ممكن الكاسيت مبيقراش السعة دي وان هوه جاب الفلاشة دي قبل كده مشتغلتش غير لما غير الموديلاتور عشان معندوش usb فى عربيته اصلا وقالى جربها على عربية تانية لو نفس المشكلة هاتهالى ونغيرها
لو فيه يا جماعة حد واجهته الحكاية دي ياريت يقولى
عشان اعرف السبب منين بالظبط
لو فعلا العملية ان الكاسيت مبيقراش السعة ديه نخلينا مع الفلاشة الاصغر
اما لو المشكلة مشكلة فلاشة نغيرها خالص
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟:120146b

ممكن تكون ماليها علي الاخر
فرمتها علي نظام 32 مش 16 وانشاء اللة تشتغل

جريت افرمتها على كل حاجة وكان منهم fat32 وماكنتش ماليها على الآخر بس بردو مفيش فايدة

ايه يا جماعة مفيش حد حصل معاه الموضوع ده قبل كده ولا ايه؟

اسمع كلام الراجل وجرب فلاشتك على جهاز تانى ؟؟؟؟

او جرب فلاشة 8 جيجا على الجهاز بتاعك ... لو مقرهاش يبقى الجهاز مش بيقرى السعة دى

لأ يا باشا كاسيت السيراتو بيقرا الفلاشة ال 8 جيجا عادى جدا، الفكرة ممكن تكون فى الفلاشة نفسها لان السونى على ما أعتقد مش مضبط جرب كينج ستون

بص يا باشا انا كان حصل معايا موقف مشابة بس من نوع تانى وهى انى كنت اول مبدور العربية كانت الفلاشة تشتغل لوحدها وكمان كا مرة تشتغل من الاول مش من اخر حاجة كانت شغالة والفلاشة كانت نوعها سكان دسك كروزر بلاد وكانت تمانية جيجا.
وكان عندى فلاشة قديمة 2 جيجا شغلتها واشتغلت زى الفل من غير مشاكل
وعلى فكرة سى دى السيراتو يقرا 8 جيجا عادى
بس نصيحة احسن فلاشة تشغل مع سى دى السيراتو او غيرة بدون مشاكل هى الكنجستون هاتها وريح دماغك

السلام عليكم
انا معايا فلاشه كينك ستون 16 جيجا و الحمد لله شغاله زى الفل
بس كل كام شهر ممكن تعلق مره و مترضاش تشتغل و ممكن يكون للاتى
1- مركب زينون فى الشبوره
2- ممكن اكون بكلكس بسرعه و كتير فممكن يكون ده السبب
الحل لما تعلق
1- تدوس فرامل تشعر فرامل 8 مرات تقريبا و انت ماشى عادى هتلاقى الفلاشه اشتغلت تانى .
2- تركن على جنب وتشيل مفتاح العربيه من الكونتاكت و تستنى 10 او 20 ثانيه كده و هتلاقيها اشتغلت
3-الحل الاخير و الخلاصه و هو انك تركب توصيلات ارضى مه القطب السالب مع البطاريه مع العربيه و كده هتدعيلى فى كل حاجه لان الحركه دى بتظبط كهربة العربيه
و السلام ختام و الله اعلم

نفس مشكلة الاخ moha4tec الفلاشة مش عايزة تقرأ(NO MEDIA) وكمان الكلاكس فصل
وموضوع الكلاكس حصل مرتين ورا بعض ركنت وفصلت العربية واستنيت شوية وشغلت كل حاجة زى الفل
بس كل فترة الفلاشة تعمل نفس المشكلة فأزيل الفلاشة من USB PORT واركبها تانى و بتشغل كويس بدون مشاكل

اقتباس:

---

1- تدوس فرامل تشعر فرامل 8 مرات تقريبا و انت ماشى عادى هتلاقى الفلاشه اشتغلت تانى

---

صعبة دى شوية ... ومرهقة على ما اعتقد ..

اقتباس:

---

2- تركن على جنب وتشيل مفتاح العربيه من الكونتاكت و تستنى 10 او 20 ثانيه كده و هتلاقيها اشتغلت

---

مش هتعرف تعمل كدا لو انت على المحور ولا الدايرى ...

اقتباس:

---

حل الاخير و الخلاصه و هو انك تركب توصيلات ارضى مه القطب السالب مع البطاريه مع العربيه و كده هتدعيلى فى كل حاجه لان الحركه دى بتظبط كهربة العربيه

---

ده الصح ... تدعيم كابلات الارضى ...

انا متشكر جدا على ردودكم يا اجدع شباب
انا فعلا لسه مجرب فلاشة كينج ستون 8 جيجا دلوقتى حالا وشغالة تمام
جربت السونى على كاسيت تانى سونى اشتغلت بردو:U_thin1[1]:
هى العربية مش طالبة معاها سونى تقريبا

هى حكاية التعليقة دى محصلتش معايا قبل كده والحمدلله بس الصراحة انا قلقت
هو الى كان حصل معايا انى كنت بغسل العربية بعدها لقيت الساعة علقت ومكانتش بتفصل خالص وكانت بترعش وتلعب حتى والمفتاح مش فى الكونتاكت وفضلت كده كام يوم لحد مودتها التوكيل صلحوها وقالولى المشكلة مشكلة فيوز كان لازم يتغير

أنا هاقولك حاجة مرت عليه كدة فى ال mp3 modulator. مش ال usb port يمكن يكون صح ..
حط الأغانى بتاعتك فى فولدرز مش على الفلاشة على طول .

انا ساعات بشغل هارد 500 جيجا فى العربية عليه حوالى 70 جيجا اغانى يعنى تقريبا 12 الف ملف وبيجمع بسرعة جدا اكنها فلاشة عادية .. اظن المشكلة من الفلاشة.

موضوع الفلاشة اللى بتفصل ديه دا عيب من الفلاشة باردوا
عندى واحدة 4 جيجا لما بشغلها ساعات بتفصل .. لكن الـ 8 جيجا بتاعت العربية عمرها محصل معاها المشكلة دى وساعات بتفضل شغالة بالـ 5 ساعات من غير ما الكاسيت يتقفل ومفيش اى مشكلة.