مش عارف الجين 2 ركبها عفريت ولا دى عين ولا ايه بالظبط

**moamen_badboy** · 13-08-2011 06:39 PM

العربية بقالها فترة بتعمل معايا حاجات غريبة قوى كده

اولا الازاز اللى ورا نزل ومش عايز يطلع روحت صلحته ب 70 جنيه ويومين بالظبط وباظ تانى روحت عملته تانى ودفعت 50 جنيه كمان
وبفتح الباب يا سيدى الاكرة طلعت فى ايدى

النهاردة ماشى ومشغل التكييف وفجأة لمبة الموتور نورت
ركنت وبقفل العربية وبنزل الاقيلك الازاز بتاعى مش راضى يطلع

سيبتها وطلعت البيت وربنا يستر بقى وانزل الاقيها

المهم كل المشاكل دى بغض النظر عن الاكرة ايه سببها

سمعت ان ممكن تكون الكهربه بتاعت العربية فيها حاجة او علبة الفيوزات

يا ريت يا جماعة حد يقولى اعمل ايه عشان انا هتجنن خلاص

**tamerosman** · 13-08-2011 07:24 PM

ممكن تكون غسلت العربية و فيه ميه دخلت فى علبة الفيوزات

حصل عندى مشكلة شبهها ا لما روحت التوكيل اعمل صيانة الالف خرجت من عندهم و بعدين و انا ماشى فجاءة لقيت لمبة الانذار منورة بشكل مستمر و انا ماشى و الكاسيت فصل و الريموت و السنتر

رجعت التوكيل تانى طلع انه فى فيوز ضرب لما غسلو العربية و دخلو فيها ميه

حضرتك شيك على الفيوزات و انشاء الله يكون فيوز

**moamen_badboy** · 16-08-2011 02:43 AM

بعد ما صلحت الازاز بتاعى عند الراجل

اشتغل يومين بالظبط وباظ تانى

يا جماعة لو حد عارف ايه ده يا ريت يقوللى

واللمبة بتاعت الموتور منورة برده بس العربية شغالة زى الفل والسحب زى الفل ومش حاسس بأى فرق

يا ريت يا جماعة ضرورى حد يجاوب عليا