رشحوا لاخوكم عربية فى حدود ال 20 ألف

ايه انواع العربيات اللى فى حدود ال 20 ألف ؟ , انا اعرف ان السيتروينAX و كمان الدايهاتسو شاريد ,انا عايز اعرف ايه تانى فى نفس الكاتيجرى ده (يعنى مش كاتيجرى ال 128 مثلا) مع انى عارف انهم زى بعض فى السعر بس انا بتكلم من حيث العربية و وجود تكييف بها و بوور و كده , و عايز اعرف رأيكم فى ال Ax و الشاريد و عيوب و ميزات كلا منهم و اسعارهم تبقى فى حدود كام للحالة الجيدة مع العلم انا عايز حاجة مانيوال طبعا و مكيفة , أتمنى انكم تساعدونى يا جماعة لان المنتدى ده ياما اتعلمت منه و عشمى انى لما أجى أشترى يبقى هو اللى رشحلى السيارة :,:

فى صديق ليا معاه الستروين دى و بيبعها ( عايز يجيب اللى اكبر منها )
لو نويت على الستروين و حابب تشوفها حديلك رقمه

اقتباس:

---

المشاركة الأصلية كتبت بواسطة speed4speed

فى صديق ليا معاه الستروين دى و بيبعها ( عايز يجيب اللى اكبر منها )
لو نويت على الستروين و حابب تشوفها حديلك رقمه

---

طب ياريت يا باشا تبعتلى التفاصيل و الرقم و مكان المعاينة . شكرا لاهتمامك

ممكن تدور علي دايو ماتيز ... بس هاتزود شويه و هاتكون موديل جديد و فيها تكييف و باور و سنتر

لا بلاش الماتيز بذات , حاسس انها بناتى أوى أوى و مش هتبقى مناسبة ليا بصراحة و كمان ضعيفة جدااااااا , شكرا يا باشا لاهتمامك

وانا معاك برده بدور فى نفس الرينج

وربنا يوفقنا ونلاقى حاجه بس جديده الدياهتسو دى اول مره اسمع عنها فى الرينج ده طب ودى فيها تكييف وكده؟؟ وليها قطع غيار متوفره واكسسوارات ؟؟ واعادة البيع بتاعها كويس ولا ايه ظروفه

ممكن فورد فيستا القديمة
بس هتكون اغلى شوية 25000 تقريبا

اقتباس:

---

المشاركة الأصلية كتبت بواسطة hogoboss

وانا معاك برده بدور فى نفس الرينج

وربنا يوفقنا ونلاقى حاجه بس جديده الدياهتسو دى اول مره اسمع عنها فى الرينج ده طب ودى فيها تكييف وكده؟؟ وليها قطع غيار متوفره واكسسوارات ؟؟ واعادة البيع بتاعها كويس ولا ايه ظروفه

---

الدايهاتسو فى منها مكيف و فى عادى و أعتقد انها 1000 سى سى أو 1100 (ده الهاتش باك) و دى اللى فى حدود الما بالنسبة لقطع الغيار فبسمع انها مش غالية و سعر اادة البي كويس برده

اقتباس:

---

المشاركة الأصلية كتبت بواسطة mahmoodallam

ممكن فورد فيستا القديمة
بس هتكون اغلى شوية 25000 تقريبا

---

شكرا لاهتمامك يا باشا بس و اللهى الفلوس يا دوبك:_Alshmokh11:

طيب اونو

طيب ماتخليك فى الريجاتا او مازدا 323 او بيجو 205 قطع غيار واعادة بيع كويسين وعربيات عملية

اقتباس:

---

المشاركة الأصلية كتبت بواسطة ferfsh

الدايهاتسو فى منها مكيف و فى عادى و أعتقد انها 1000 سى سى أو 1100 (ده الهاتش باك) و دى اللى فى حدود الما بالنسبة لقطع الغيار فبسمع انها مش غالية و سعر اادة البي كويس برده

---

بعد البحث عرفت انها عربيه تعبانه شويه هيا كويسه اه بس تعبانه برده يعنى 3 سلندر بس والتكيف اللى فيها مش هيشتغل كويس عليها علشان السى سى ضعيف

من الاخر يعنى واضح انها عربيه حريمى

ياريت الناس بس هنا الخبراء فى البيع والشرا والعربيات والبيجو يقولولنا اخر اسعار العربيات لان الاسعار على النت سعات بحس انها مبالغ فيها حبتين

وطبعا مع السعر الحقيقى ممكن انواع تانيه تدخل معانا فى نفس الرينج اهم حاجه فى العربيه بس انها تكون بتسافر مسافات طويله ونط حواجز

ماهو أنت لو عايز حاجة نط حواجز و نط جبال كمان
بس مش بيهمك قطع الغيار و الكلام دة أو هتعرف تتصرف
كنت هقولك ممكن تجيب حاجة قديمه أرخص من عشرين زى دودج أو لاندروفر و بعد الصرف هتبقى زى الفل لكن للأسف فى مصر هنا محدش فاضى عشان يعمل كل دة لأنها هتحتاج وقت طويل جدا جدا جدا


فالأفضل أنا شايفة من وجهة نظرى ستروين ax بس خلى بالك بقى عشان أنا عارفة ان فيه موديلين منها واحد الماتور مش عارفة عامل أزاى و التانيه الماتور برضة متغير فياريت واحد يكون معاك وفاهم فى الموضوع دة كويس

أو ممكن تجيب بيجو 205 و دى برضة كويسة

و أنا مش عارفة بصراحه أكتر من كدة يعنى

اقواك كمان على حاجة جامدة قوى هوندا اكورد 84 -85 1600 cc -مكيفه باور زجاج كهربه و فى السفر اوعى بس تشوف واحده نظيفه

اقتباس:

---

المشاركة الأصلية كتبت بواسطة MaNoLa

ماهو أنت لو عايز حاجة نط حواجز و نط جبال كمان
بس مش بيهمك قطع الغيار و الكلام دة أو هتعرف تتصرف
كنت هقولك ممكن تجيب حاجة قديمه أرخص من عشرين زى دودج أو لاندروفر و بعد الصرف هتبقى زى الفل لكن للأسف فى مصر هنا محدش فاضى عشان يعمل كل دة لأنها هتحتاج وقت طويل جدا جدا جدا


فالأفضل أنا شايفة من وجهة نظرى ستروين ax بس خلى بالك بقى عشان أنا عارفة ان فيه موديلين منها واحد الماتور مش عارفة عامل أزاى و التانيه الماتور برضة متغير فياريت واحد يكون معاك وفاهم فى الموضوع دة كويس

أو ممكن تجيب بيجو 205 و دى برضة كويسة

و أنا مش عارفة بصراحه أكتر من كدة يعنى

---

بص انت شكلك بتفهم فى البيجو فمعلش اسمحلى استغلك شويه يا معلم

بص انا عايز عربيه تسافر ومش كل شويه اصلح فيها حاجه تبوظ التانيه وقضيها تصليحات علطول ومش عارف كتر التصليح ده من الحاله بتاعت العربيه قبل الشرا ولا من الموديل ونوع العربيه نفسها دى حاجه

الحاجه التانيه مش لازم يكون قطع غيارها موجوده عند البقال لا المهم انها تكون موجوده بس وتكون سعرها مناسب يعنى مجيش فى مره حاجه تبوظ او تتخبط واجى ادور على قطعه غيار الاقيها مش موجوده فى مصر ولازم استوردها مخصوص مستعمله او اصنعها بنفسى او ارمى العربيه فاهمنى؟؟!!

وبعدين انت قلت انواع عربيات عجيبه دودج ولاند روفر الحجات دى ازاى يعنى ؟؟ انا اعرف انها غاليه ولو موديل قديم يعتبر اثر وهتبقى غاليه اكتر فا ازاى بقى ؟؟ ولو كانت رخيصه هل ليها قطع غيار

وعلى فكره مش مهم قوى التكيف فى العربيه

انا قدامى دلوقتى عربيه رينو فيجو موديل 81 كوبيه العربيه شكلها جامد ومع شويه تظبيطات فى الشكل هتبقى جامده قوى وفيها تكيف ومتور قوى
عملت عنها موضوع هنا اخد راى الناس قالولى ابعد عنها علشان قطع غيارها مش موجوده وانقرضت من مصر

فهل عندك اى معلومات عنها ؟؟؟

ومعلش سؤال اخير لو بتعرف فى اسعار السوق دلوقتى لو عربيه 128 موديل 89 الىل هيا 1300 لو حالتها ايه وان يعنى متروشه ومتظبطه زى كانها جديده تعملها فى رينج كام؟؟

وموديل 90-91 وموديل 98 -99

معلش انا عارف انى افورت فى الاستغلال بس المثل بيقول ((لو لقيت حد بيفهم فى العربيات.......استغله)) :M_yes[1]:

اقتباس:

---

بص انت شكلك بتفهم فى البيجو فمعلش اسمحلى استغلك شويه يا معلم

بص انا عايز عربيه تسافر ومش كل شويه اصلح فيها حاجه تبوظ التانيه وقضيها تصليحات علطول ومش عارف كتر التصليح ده من الحاله بتاعت العربيه قبل الشرا ولا من الموديل ونوع العربيه نفسها دى حاجه

الحاجه التانيه مش لازم يكون قطع غيارها موجوده عند البقال لا المهم انها تكون موجوده بس وتكون سعرها مناسب يعنى مجيش فى مره حاجه تبوظ او تتخبط واجى ادور على قطعه غيار الاقيها مش موجوده فى مصر ولازم استوردها مخصوص مستعمله او اصنعها بنفسى او ارمى العربيه فاهمنى؟؟!!

وبعدين انت قلت انواع عربيات عجيبه دودج ولاند روفر الحجات دى ازاى يعنى ؟؟ انا اعرف انها غاليه ولو موديل قديم يعتبر اثر وهتبقى غاليه اكتر فا ازاى بقى ؟؟ ولو كانت رخيصه هل ليها قطع غيار

وعلى فكره مش مهم قوى التكيف فى العربيه

انا قدامى دلوقتى عربيه رينو فيجو موديل 81 كوبيه العربيه شكلها جامد ومع شويه تظبيطات فى الشكل هتبقى جامده قوى وفيها تكيف ومتور قوى
عملت عنها موضوع هنا اخد راى الناس قالولى ابعد عنها علشان قطع غيارها مش موجوده وانقرضت من مصر

فهل عندك اى معلومات عنها ؟؟؟

ومعلش سؤال اخير لو بتعرف فى اسعار السوق دلوقتى لو عربيه 128 موديل 89 الىل هيا 1300 لو حالتها ايه وان يعنى متروشه ومتظبطه زى كانها جديده تعملها فى رينج كام؟؟

وموديل 90-91 وموديل 98 -99

معلش انا عارف انى افورت فى الاستغلال بس المثل بيقول ((لو لقيت حد بيفهم فى العربيات.......استغله))

---

ركز تاني كده في موضوع يا معلم ده :)

و عموما ... لو انا لو بشتري في رينج ال20 هاجيب ريجاتا 85-86 ... و في منها بتكييف و باور و حبشتكنات
و حاجتها رخيصه و اعاده البيع سهله
و الريجاتا كعربيه احسن من الستروين ax or zx و من البيجو ال 205 و من الرينو الفيجو و السوبر سانك 11
و كل العربيات دي شفتها مع ناس صحابي مش من السمع

رأيي حط كل الأنواع دي في بالك ودور عليها كلها
يعني ما تقيدش نفسك بنوع معين
وفي النهاية أهم حاجة هي حالة العربية
اللي حالتها انضف تاخدها حتى لو شكلها مش عاجبك أو سعرها غالي سنة

عندي مازدا 929 موديل 84 والاعضاء يقولولك طبعا الياباني برقبة الفيات يعني لو ركبت شاهين ولا تمبرا ولا اي حاجة تسعينات المازدا برقبتهم في النعومة ومتانة العربية وكنت عارضها ب 23000 وحالتها كويسة جدا والمعاينة تحكم كلمني علي الرقم دا شغلي في حدايق المعادي جمب المترو 0179090135

You Can think about Golf 1 also
1300 CC and you can add the A/C

رينو 5 سوبر سانك وسيتروين ax ‎الفرنساوى ياباشا

بص يا سيدى انا برجحلك السيات ابيزا او الفورد فيستا بس هتعلى السعر تقرياً الف او اثنين
ده رابط لفورد بتتباع ((عربيتى))
http://www.nilemotors.net/Nile/240081-a.html

ابعد عن الشاريد قطع غيارها مقرفة
الستروين كويسة بس قطع غيارها غالية شوية

ممكن شاهين