أخر أخبار أسعار المهر و الشبكة إيه

**waleed2614** · 14-08-2011 08:41 PM

بص ياسيدى الجواز فى بلدنا دلوقتى عرض وطلب واى عروسة لو لم يكن بينك وبينها معرفة مسبقة فهى حتمآ واكيد ملرتبطة البنات هنا بترتبط من كى جى 1---هههههه---وبالتالى فانت هتتقدم لعروسة كانت او مازالت على علاقة بحد--او سنها كبر وضيعت وقت كتير مع الحبيب الأول اللى سافر ونفض لها وهى مستنياة --وبالتالى هى مش بتحبك حاليا---وبالتالى انت لازم تخليها تحبك هى وامها وابوها وأخوها عمتها وخالتها----الخ- وكا دول هيقولو رأيهم فيك --وأكيد هتطلع كلك عيوب وبخيل --علشان مش بتصرف على اللى خلفوها---وتفسحها فى اغلى الأماكن --وبعد سنة ولا اتنين خطوبة وكع يامعلم --يرجع الحبيب الأولى وتبد تزهقك هى واهلها بطلبات مبالغ فيها وتحسسك انك عاجز ولما انت مش قد الجواز ومصاريفة كنت بتتجوز لية --وعنها يا معلم مشاكل ووجع دماغ لحد ما تقول حقى برقابتى وتسيب الشبكة وكل الهدايا وتخرج ملط---
نصيحتى ليك عاوز تتجوز يبقى الشبكة مع كتب الكتاب والدخلة --والخطوبة ماتزيدش عن 6 شهور ودبلتين بس --

**Ghosts** · 14-08-2011 08:50 PM

المشاركة الأصلية كتبت بواسطة waleed2614

نصيحتى ليك عاوز تتجوز يبقى الشبكة مع كتب الكتاب والدخلة --والخطوبة ماتزيدش عن 6 شهور ودبلتين بس --

وفين يامعلم اللى هيرضى بالكلام دة دلوقتى ؟

**amr.elsayed** · 14-08-2011 09:17 PM

ليه بس يا استاذ وليد شايف الدنيا سودا كدة ... وحد الله يا باشا
و بنات الناس كتير بس اللى يجتهد ويدور على الاخلاق والدين وجمال الروح
ويسيبه من البوهية اللى فى الوش واللينسيس والبنطلونات الديقة
وانت تلاقى بنت الناس اللى تتمسك بيك وتخليك عايز تشيلها فوق راسك

**heshamzaky** · 14-08-2011 09:31 PM

........ منقول ......
مش معايا غير دبلتين تتجوزينى..
حملة على الـ"فيس بوك" تدعو لإلغاء الشبكة
الأحد، 14 أغسطس 2011 - 14:30
أطلق مجموعة من الشباب حملة جديدة على موقع التواصل الاجتماعى "الفيس بوك" بعنوان "مش معايا غير دبلتين تتجوزينى.. الحملة القومية لإلغاء الشبكة"، ودعوا فيها إلى إلغاء الشبكة للتقليل من تكاليف الزواج.

وطالب الشباب بتسهيل الزواج بدون تعقيدات شكلية مثل: "شراء الشبكة، وفرح باهظ التكاليف"، داعين إلى أن تذهب هذه التكاليف لشراء الاحتياجات الأساسية للزوجين فى منزلهم الجديد، وقالوا: "كفاية الشبكة تكون دبلتين وتوينز وخاتم أو دبلتين ومحبس".

الحملة لاقت إقبالا خاصة من الشباب، والبعض عارض الفكرة وقالوا على الجروب: "الحقيقة أن الرجل فى مجتمعنا لا يدفع شيئاً فى جوازه، الشقة وكده كده له وباسمه، والمهر أن دفع بيأخذ به عفش فى بيته أيضا، وأوقات بتكون الأجهزة على البنت اللى هى برضو فى شقته، وكمان الفرح نوفر أحسن والمؤخر لا لحسن المأذون هياخد فلوس، فستان قومى بتأجيره يا عروسه ووفرى للعريس قايمة أية ،لأ ميصحش، والشبكة اللى يادوب بتبقى خالصة للبنت والحاجة الوحيدة اللى قدمها لها، مع أنها ممكن تبيعها فى زنقته.. كمان عاوزين تلغوها.. جبروت والله".

ودافع أصحاب الحملة عن فكرتهم قائلين إن الحملة تهدف إلى التقليل من مشكلة العنوسة بعد انتشارها، وخاصة بعد الارتفاع الجنونى لأسعار الذهب الذى وصل لـ300 جنيه للجرام.

**casperinoo** · 14-08-2011 09:31 PM

مفيش مهر دلوقتي ...
المؤخر من 10 ل 20 الف متزودش عن كده ..
الشبكه حط مبلغ معين متزودش عنه يعني قول هجيب بكذه ..سيبك من موضوع هديه من العريس للعروسه ..
انا عن نفسي جبت ب15 ...ومراتي سلفتني نصهم لأني مكنش معايا فلوس ...وقبل الجواز اتباعت علشان نكمل باقي العفش ...
..
يعني من الاخر الشبكه فلوس بتحوشها بس دور علي العروسه اللي ميفرقش معاها الكلام ده ووقت الزنقه تدهالك :)

...
انا خطبت سنتين وكتبت كتابي سنه قبل الجواز ...

**yousef1978** · 14-08-2011 09:31 PM

شوفو الموضوع ده كان عاملة الزميل المهندس أكتو

الصراحة موضوع ظريف وشامل ويا رب يعجبكم

عنوانه

عاوز اتجوز.............. اة عاوز اتجوز فيها حاجة ؟؟؟

http://www.nilemotors.net/Nile/112636-a.html

**yousef1978** · 14-08-2011 09:34 PM

المشاركة الأصلية كتبت بواسطة casperinoo

...
انا خطبت سنتين وكتبت كتابي سنه قبل الجواز ...

يا صبر أيووووووووووووووووب

يا مصبر الصبر صبرنا على الصبايا المصبصبييييييييين

ثلاث سنوات مع إيقاف التنفيذ

ده انت كنت قضيتها سجن مع الشغل والنفاذ أهونلك
ولا كنت عملت زي سيدنا موسى لما حب يتجوز وقال لحماه ( أيما الأجلين قضيت فلا عدوان علي )

كويس إن ربنا أكرمك وتمملك الجوازة على خير

**amribrahim** · 18-08-2011 07:57 PM

يا جماعة في ناس بتقول إن إلي ماشي في البلد 40,000 أنا بفكر أمسك العصاية من النص و أقول 20,000 أو 25,000 كبرها ده على حوار الشبكة .. إيه رأيكم في المبلغ إلي أنا عاوز ادفعوا ... أنا معتقدش إن ممكن حد دلوقتي يجيب شبكة ب-40,000 بعد حوار الثورة و كدا ولا انتو إيه رايكو .. أصل أنا لو جبت شبكة ب-40,000 ده لسة فيه الفرح و كدة ولا إيه

**eng.octooo** · 19-08-2011 01:27 AM

طيب انا عندى استفسار بمناسبة الجواز والحاجات دى وياريت تساعدونى :

دلوقتى واحد صاحبى اوى سألنى على واحدة هايتقدملها قريب والواحدة دى تبقى اخت صاحبى ويعز عليا المهم ان العريس عايز يعرف عن العروسة ويسأل عنها وكدة وانا الطريقة الوحيدة الى ممكن يعرف بيها عن العروسة لانهم ساكنين فى اكتوبر ومكان جديد ف مش هايقدر يسأل الناس فى المكان والجيران وكدة ف قالى اية رأيك فيها ؟ قلتلة انها محترمة وبنت ناس وكدة
قالى طيب ما تكلملى اخوها ولو كدة اقعد معاة الاول قبل ما اروح واقابل اهلها قلتلة تمام

المهم دلوقتى البنت دى عندها مرض السكرى (السكر) (ربنا يشفى جميع مرضى المسلمين )
والموضوع عندهم وراثة فى العيلة
خايف اقول للعريس يقول بلاش واخو العروسة يزعل لو عرف
وخايف ما اقولهوش ولما يعرف يزعل منى !!!!!!

ما افتكرش ان اهل العروسة هايقولوا من نفسهم ان بنتهم عندها السكر ولا افتكر انة هايسألهم من نفسة برضة والتحاليل الى قبل الزواج دى غالبا بتتعمل بعد مقابلة الاهل والشبكة وحاجات كتير !!!

دلوقتى اعمل اية ؟ اقول للعريس ولا اقول لاخو العروسة يقولة ؟

**eng.octooo** · 19-08-2011 01:30 AM

المشاركة الأصلية كتبت بواسطة yousef1978

شوفو الموضوع ده كان عاملة الزميل المهندس أكتو

الصراحة موضوع ظريف وشامل ويا رب يعجبكم

عنوانه

عاوز اتجوز.............. اة عاوز اتجوز فيها حاجة ؟؟؟

http://www.nilemotors.net/nile/112636-a.html

:) موضوعى اية الى جابة هنا هههههههههههه بعد ما كتبت مشاركة باطلع لفوق اشوف المشاركات لقيت دة فيهم هه ’ اخبارك اية ؟

الموضوع: أخر أخبار أسعار المهر و الشبكة إيه

LinkBack

أدوات الموضوع

عرض

-

-

-

-

-

المواضيع المتشابهه

ما نسبة ما يأخزة المأذون من المهر

استفسار عن الشبكه و المهر و المؤخر

ايه آخر أخبار أسعار الصني هل زادت بالفعل؟

رجاء استشارة فى موضوع المهر و الشبكة و المؤخر

قائمة أسعار جميع السيارات 2007 - 2008 من أخبار اليوم

الكلمات الدلالية لهذا الموضوع

المفضلات

المفضلات

ضوابط المشاركة