الموضوع: يا تري انا صح ولا غلط

السلام عليكم جميعا

اولا تحية للجميع وتحية خاصة للأخ اكسال على نصيحته الرائعة واعذرونى لو فى اخطاء فى كتابتى لأنى اتعلمت الغة العربية لوحدى تعليمى فرنسى

اولا عوزه اقل للأخ الى نفسو يسيب البلد ويعيش بره يعنى فى الخارج نصيحة لوجه الله متسمعشى كلام حد وصدقنى زى ما قال اخونا العظو اكسال الى كلامه صح ميه فى الميه
انا نفسى اقلك الصراحة وانصحك مفيش دولة اروبيه ايان كانت حتكون احسن من مصر صدقنى
انا واعوذو بالله من كلمت انا عندى 30 سنة فى الغربة ومعاية الجنسية الفرنسية وجوزى مصرى وانا اصلى من بلد عربى غير مصر ومع ذالك غريبة وهفضل طول عمرى غريبة سوا هنا او فى بلدى كل ده سببه انى اتغربت
اوعى تفتكر ان هنا فى الخارج الدنية جنة!!!هنا معاملتهم للعرب زى الزفت وبيكرهونا كره العمى ولو فاكر انك هتبتدى حياه جديدة انسى ده كان زمان دلوقتى الشوارع بس الى ممكن تسيع الناس الى تجى من بره
يا اخى كفاية انك بتسمع الاذان فى بلدك هنا احنا فى رمضان حتى فطارنا عبر الراديو مفيش اذان ولا حتى تحس انو رمضان غير فى بيتك انا والله وكمان والله لو مكانتشى دراست اولادى تروح هدر كنت نزلت بلدى اومصر لاكن الدراسة وفى حاجة كمان انى بقيت اما انزل اجازة بلدى احس بنفسى غريبة والناس بتعاملنى موعملت خد معدى فى الشارع ومش هتشوفو بعد كدة وارجع هنا نفس الشىء اه صحيح عندى بيت ووخذة حقى فى البلد بذراع بس بردو ناقصنى حاجة بلدى انزل مع جوزى مصر بتعامل على انى اجنبية وانت اكيد عارف المصريين على راسى من فوق طيبين و ولاد حلال بس بردو فيهم شويت عنصرية من ناحية العرب الى مش من مصر ممكن الوضع حيتغير بعد الثورة والناس ابتدت تفهم اننا كلنا عرب اخوات بس ميمنعشى انى بخس بنفسى بردو غريبة غير ان ولادى كمان محتارة فيهم دلوقتى اما سألتهم هل ترضو ننزل مصر بعد ما تخلصو تعليمكم؟ قالو لا احنا اتولدنا هنا ودى بلدنا
فا مختصر الحكاية اوعى تسيب بلدك نصيحة اخوية والله المستعان
وربنا يوفق الجميع ويدلكم على الطريق الصح انشاء الله

الهجرة قد تكون لاسباب متعددة....
السبب الاول هو الاحتياج لمستوى مادى افضل و فرصة عمل افضل.... و ده لا ينطبق عليك
السبب الثانى هو الاحتياج الى نوعية افضل من الحياة، و ده اللى انت فيه و محتاجه..... و لو وصلت فعلا للمرحلة اللى انت فيها و فقدت استمتاعك بالحياة هنا بكل ما فيها و مش شايف غير السئ، يبقى اتكل على الله و سافر لان ده افضل من معانة الاكتئاب و القرف النفسى هنا....

سؤال اساسى اللى بيفكر فى الهجرة لازم يفكر فيه هو: انا محتاج ايه فى حياتى الهجرة هتحققهولى؟ لو مستوى مادى عشان مش عارف اعيش هنا و استمتع بأى حاجة بسبب الاحتياج المادى يبقى هاجر.
لو الاحتياج لمستوى ارقى فى الحياة من نظام و انضباط و غيره مما نفتقده، يبقى هاجر بس لازم تعرف ان التمن فى الحالتين هو افتقاد الحياة الاجتماعية المصرية الدافئة (رغم ما يشوبها من عيوب)، وهى الحياة التى يفتقدها كل من يتغرب عن مصر، بالاضافة الى افتقاد الاستقرار المادى اذا كان متحققا هنا..... على الاقل فى بداية الهجرة او السفر....

انا مسافرتش ولا حاجة
بس الشبكة كانت واقعة عندي فترة
زي اي حاجة في مصر ما هي واقعة

لولا اشكر كل من قدم لي النصيحة ايا كان رأيه
وبخص بالشكر الاخوة والاخوات اللي جربوا الهجرة والغربة وافادوني وافادونا بخلاصة تجربتهم

بس انا عندي رد علي الاخت ghariba اللي حكت عن تجربة 30 سنة غربة
انا صحيح مجربتش الهجرة ولا السفر للخارج فترة طويلة
لكن لا اعتقد ان الحياة بره السوء ده يا جماعة
انا مش بقول انها وردي ولا المدينة الفاضلة
لكن انا ببص بس للي ناقصني هنا
واللي بتمناه من هناك
انا ناقصني النظام
الهدوء
ناقصني قانون صارم حازم يطبق ولا ىرحم
نعم لا يرحم
انا بحاسب جداااااااا عني اجرح او اضايق جار او صديق
انا منظم في حياتي
اكره الفوضي حتي لو علي مكتبي
مش شارعي ولا بلدي

زمان كانت عجباني اوي اغنية لمحمد فؤاد بتقووووووول
" يعني ايه كلمة وطن . . . يعني ارض .. حدود .. مكان ... ولا حالة من الشجن "
البلد - اي بلد - بناسه واهله

ممكن يكون دول اوروبا مثلا فيها جفاء وفيها انهيار لعلاقات اجتماعية
مفيهاش الحميمية اللي كانت موجودة في بلدنا لحد وقت قريب

لكن اؤكد ليكم يا جماعة ان حتي الحاجات الحلوة اللي كانت محببانة في البلد ومخليانا مستحملين
شوية بشوية بتختفي

هي اصلا كانت بتختفي واحنا عايشين في امن
ويوجد شئ ولو بسيييييط من النظام

فما بالك دلوقتي والامن انهار والنظام معدش له وجود

والكلمة العليا للغوغاء والهمج

زي ما قلت
انا مجربتش عشان احكم
وجايز فعلا لما اهاجر احس باللي بتقولوا عليه
بس انا كل اللي محسسني بالخنقة والوحدة والقرف من البلد هنا
هو نفسه اللي متوفر هناك

طب اعمل ايه

فيه ناس ربنا مديها اعصاب وبرووووووووووود يكفي شبرا بحالها
انا ربنا خلقني كده
معرفش ابقي بارد
وكل طلبي
نظام - هدوء - امن - راحة بال - قانون يطبق فورا بدون اعذار او كلمة معلش

ايه ... كتير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟