الموضوع: يا تري انا صح ولا غلط

لو ربنا قدرني اول حاجة هعملها اني اخرج برة البلد
انا زييك كدا بس الفرق اني مش ناوي على ارتباط دلوقتي .. اخطب ولا اتجوز لية و البلد حالها كدا
الناس اللي بتقول ان البلد كويسة و احسن من غيرها فا انا اسف انتم مخطئين
البلد حالتها سيئة جدا جدا كل يوم خطف و سرقة و بلطجة و سلاح ومخدرات
بقى عادي ان سواق يخبط عربيتي و هو ماشي و يسيبني ويكمل طريقة
بقى عادي تلاقي عيل صغير ماشي بمطوة .. وبردو عادي تلاقي واحد بيبيع مخدرات على الرصيف
انا مش عايز حاجة غير بلد نضيفة .. مش بحب منظر اكوام الزبالة .. ولا التكاتك ولا الموتسيكلات الصيني
مش حابب موظف يعطل ورقي عشان عايز فلوس .. ولا دكتور في كلية يشيلني مادة عشان اختلفت معاه
عشان اعرف اعيش بعمل زي البلطجية ما بيعملوا .. بكسر اشارة .. باخد غرزة قدام واحد .. مش بربط الحزام .. ودا انا مش عايزة بس اللي حواليا بيجبروني على كدا
انا مش طالب اكتر من اللي انت عايزة .. لو لقيتة في البلد دي مش هسيبها .. بس لو الحالة هتفضل كدا يبقى هدور على اي مكان تاني