الفتييييييييييييييس

**zoom1984** · 17-08-2011 05:17 AM

المشاركة الأصلية كتبت بواسطة star1991

ايه ياجماعه محدش قابل المشكله دي قبل كده
انا النهارده روحت التجمع الخامس حوالي 70 كيلومتر من عندي
والعربيه تمام
وخايف اروح لحد يشتغلني ويعمل نصبه عليا

اعمل ايييييه

الفتيس لو بايظ عمره ماينقل النقلات كلها مظبوط زى ماحضرتك ذكرت
المشكله ممكن تكون كهربا وده لان الاوتو بيعتمد بشكل كبير على الكهرباء بس لو البطاريه عندك تمام يبقى مش من الكهرباء وممكن يكون سلك الكيك داون عايز يتغير والافضل من وجهة نظرى تفصله أحسن زى ما انا عامل وممكن تكون مشكلة فى حساس الفتيس أو ان كومبيوتر العربيه واخد أوامر خطأ فبرجل الفتيس معاك
ولكن لو دلوقتى مفيش مشكله ماتقلقش وماتروحش لأى ميكانيكى لانه هيشتغلك

**tarek_2005** · 17-08-2011 03:06 PM

لم تذكر الفتيس بتاعك كهرباء ولا هيدروليك لان النوبيرا الاوتوا نزل منها المواصفات الاوربية فتيس كهرباء والعادية فتيس هيدروليك لو الفتيس كهرباء احتمال كبير تكون مشكلة عرضية ولن تعود مرة اخري

**mahmoudysf** · 17-08-2011 08:06 PM

يعني العربية ظبطت بعد الصيانة دي ولا لا
لو اتظبتت يبقى خلاص متحيرش نفسك

**star1991** · 17-08-2011 09:32 PM

العربيه ظبطت 100% بس كلام الميكانيكي حيرني
قالي متسافرش وكلا تشات محروقه وحوارات كده
فانا مش مقتنع ان كلاتشات محروقه وفتيس بايظ يمشي وينقل نقلات مظبوطه
فخلاني في حيره بكلامه ده

**elpasha1** · 18-08-2011 01:46 AM

بص يا باشا
لو العربية بتدب مع الغيار او ال rpm بيعلى مع نقلة الغيار يبقى كدة دا فتيس
والافضل انك تصلحة بدل ما تغيرة لانك متضمنش اللى جاى هيبقى عامل اية ( بطيخة يعنى) وبالتالى اوفر لك
يعنى الفتيس استيراد بـ 1700 جنية غير المصنعية
لكن لو صلحتة هيتكلف حوالى 1000 او 1200 جنية بالمصنعية
ولو حصل فية حاجة تانى لاقدر الله تروح للى عملك الفتيس دا ويصلحة غصب عنة لانه كفيل بية
اما الاستيراد فشكرا
وفى واحد كويس جدا بتاع فتيسات اوتوماتك (ممتاز) بس حراء شوية وبتاع حوارات فلازم تبقى مصحصح للى بيقولة اسمة -حمادة سكلة- فى المنيل

على فكرة فى فتيس للبيجو يركب على النوبيرا ويشتغل فل الفل الفل بس ربنا يكرمك وتعتر علية دا لو لقدر الله احتاجت فتيس

**drmomoking** · 18-08-2011 05:16 PM

المشاركة الأصلية كتبت بواسطة star1991

اللي حصل معايا كنت ماشي تمام التمام بالعربيه فجاه لقيتها بتقطع بطلتها ودورت عادي اشتغلت ومشيت شويه ولقيتها بتنقل متاخر وفيه صوت طالع منها عرفت فيما بعد انه صوت الفتيس
وقفت بالعربيه علشان الامور متتفاقمش وروحت لميكانيكي مقطور طبعا
طلع جرب العربيه الفتيس بينقل 4 نقلات وتمام التمام ولحد140كم سرعه مفيش مشاكل
فجاه العربيه تتخنق والار بي ام يعلى لوحده وتلاقي العربيه متسحبش لحد ماتقف
تبطلها وتدورها عادي تشتغل تاني وتمشي مع ظهور صوت الفتيس
المهم الميكانيكي قال عاوزه فتيس قلت استنى شويه واخد راي ناس تانيه زي حضراتكم
في هذه المشكله كان الكاسيت سكت لوحده كده معرفش ليه فصل خالص
النهارده الصبح لقيت مفاجاه الكاسيت اشتغل لوحده برده وطلعت اجرب العربيه لقيتها شغاله تمام
والفتيس تمام والصوت اللي كان طالع منه اختفى بس العربيه مخنوقه شويه

واحد قالي ممكن تكون مشكله كهرباء في العربيه والفتيس ممكن يكون سليم
المهم انا مش عارف اعمل ايه

وعاوز اقولكم ان الفتيس بينقل كل النقلات مظبوط
والزيت كويس ومش محروق ومش باين فيه روايش
وبعدين تفتكروا فيه فتيس بايظ بينقل؟؟؟؟؟؟

ايه رايكم وايه العمل؟؟؟؟؟

نفس الكلام حصل معايا فى الاسبيرو وكان عيب بطارية ولما غيرتها الدنيا ظبطت راجع الكهرباء فى الغالب العيب كهرباء

**star1991** · 19-08-2011 12:22 AM

المشاركة الأصلية كتبت بواسطة drmomoking

نفس الكلام حصل معايا فى الاسبيرو وكان عيب بطارية ولما غيرتها الدنيا ظبطت راجع الكهرباء فى الغالب العيب كهرباء

على الله لو بطاريه تبقى هينه انا كده كده بطاريتي ضايعه وعماله ترشح ميه وهاستبدلها بواحده جافه ان شاء الله

**drmomoking** · 20-08-2011 10:33 PM

المشاركة الأصلية كتبت بواسطة star1991

على الله لو بطاريه تبقى هينه انا كده كده بطاريتي ضايعه وعماله ترشح ميه وهاستبدلها بواحده جافه ان شاء الله

طب كدة ممكن تكون بطارية فعلا جرب و طمنا عشان انا بسبب العيب دة كنت حغير فتيس و هو سليم واكتشفت تاثير البطارية بالصدفة

**semsem_saad** · 21-08-2011 02:38 AM

أولا زى ماقال بعض الزملاء إبداء بالأسهل يعنى غير الزيت وشم هيكلف كتير ...بس هو عموما إحتمال كبير تكون فعلا المشكلة مشكلة كهرباء لأن الفتيس لية ضفيرة كهرباء وفيش ممكن يبقى فيها مشكلة ودى ممكن تتعالج وبعدين هو لو بايظ مش معقول هيشتغل مرة ومرة لاء .....ممكن برضوا تروح لمحمد السيد بالدقى وعندة الإسكانر بتاع العربية وهو كهربائى وممكن يفيدك فى المشكلة دى ...إن شاء الله