حكمت المحكمة على أبو غالى / سوبارو إمبريزا 2008

**hugan** · 14-08-2011 06:50 PM

1000000000000 مبروك
المهم التاكيد انك قبضت الفلوس وبقت في ايدك
ده الاهم

**old_cars_lover** · 15-08-2011 12:36 AM

أولا شكرا جزيلا جدا على تعليقاتكم اللى رفعت معنوياتى بجد وحسستنى إنى مش راجل جاى من الفضاء زى ما ناس تانية قالتلى .

يا جماعة الغرامة الــ 50 ألف دى للدوله مش ليه.
و الــ 10 آلاف دى تعويض مؤقت ليه (ولكن له إجراءات طويله لصرفه) ويستكمل بقضيه أخرى فى القضاء المدنى (تأخذ تقريبا سنتين كمان) ليصبح تعويض نهائى

ولكن القضيه المدنى للتعويض النهائى ترفع بعد ان يتم الإنتهاء من النقض اللى رفعه أبو غالى على حكم الإستئناف :::: شوفوا الإصرار والعناد على الغلط !!!!!!!!!!!!!!!!!!!

العربيه لسه معايا مركونه تقريبا من أواخر 2008 حتى الآن وطبعا الحكم اللى أخده أبو غالى ده علشان هو معاند ومش عايز يغيرها أو يرجعها.

**medo_2060** · 15-08-2011 05:03 AM

تصدق بالله.. انا كنت متابع موضوعك القديم ولسه قريب الموضوع دا افتكرته تانى وكان نفسي اعرف حضرتك وصلت لايه...
أحييك على صبرك مع العالم دى والف مبروك الحكم :)

**shalaby2001** · 15-08-2011 05:47 AM

مبروووووووووووووووووك بجد انا فخور بيك جدا لانك غيرت وجهة نظرى عننا كمصريين
انا لو حصلى اى حاجه بعد كده مش هسيب حقى بسببك
جزاكم الله خيرا

**kisho55555** · 15-08-2011 06:14 AM

الف الف الف مبروك ... والله انا بشكرك على اللى انت عملته ...

انا كنت زمان بقرى الموضوع بتاعك كتير ومتابعك واحدة واحدة ....

وابو غالى ان شاء الله يرجع لك فلوس العربية كاملة ... وابقى اعمل قضية تعويض على الاضرار المادية والنفسية اللى حصلت ... وان شاء الله القضاء هينصفك ...

**Ali_Abo_Amr** · 15-08-2011 10:33 AM

المشاركة الأصلية كتبت بواسطة old_cars_lover

أولا شكرا جزيلا جدا على تعليقاتكم اللى رفعت معنوياتى بجد وحسستنى إنى مش راجل جاى من الفضاء زى ما ناس تانية قالتلى .

يا جماعة الغرامة الــ 50 ألف دى للدوله مش ليه.
و الــ 10 آلاف دى تعويض مؤقت ليه (ولكن له إجراءات طويله لصرفه) ويستكمل بقضيه أخرى فى القضاء المدنى (تأخذ تقريبا سنتين كمان) ليصبح تعويض نهائى

ولكن القضيه المدنى للتعويض النهائى ترفع بعد ان يتم الإنتهاء من النقض اللى رفعه أبو غالى على حكم الإستئناف :::: شوفوا الإصرار والعناد على الغلط !!!!!!!!!!!!!!!!!!!

العربيه لسه معايا مركونه تقريبا من أواخر 2008 حتى الآن وطبعا الحكم اللى أخده أبو غالى ده علشان هو معاند ومش عايز يغيرها أو يرجعها.

احييك على صبرك واصرارك فى الحصول على حقك ...
بس انت من 2008 وبتقول لسه سنتين يعنى حتى 2013 علشان تحصل على 10.000 جنيه فقط !!!!! ايه بلدنا الحلوة دى

**BMW5260** · 15-08-2011 03:45 PM

ربنا يتم باقي الموضوع على خير ويكون لصالحك طبعاً إن شاء الله

**SYD** · 15-08-2011 04:12 PM

الف مبروك يا باشا
انا متابع موضوع حضرتك منذ 2008 (مع اني لسة جديد في المنتدي) ايوة انا فتحت اللينك وسهرت عليه امبارح لحد لما خلصته (بس حقتك كنت زودت شوية في الحلقات لحد 30 وكنا اخرجناه وعملاناه مسلسل زي ادهم الشرقاوي)

اوعي تزعل انا بهرج معاك بكلمتين قبل الفطار

بس انا ليا كام سؤال واستفسار
1- حضرتك راكن عربيتك من اواخر 2008 ؟؟؟؟؟؟؟؟؟ (انا راكن عربيتي من اواخر الأسبوع الي فات واتخنقت)
2- حضرتك منتظر 10,000 جنيه فقط ولا في حاجة تاني ؟؟؟؟؟؟
3- ال50,000 ليه الدولة تاخدوهم؟؟؟؟؟؟ تعويض عن ايه ؟؟؟
4- ياتري اشتريت اي حاجة في الفترة الي فاتت دي ؟؟؟؟؟؟؟؟؟

بجد انت مثال للراجل الشريف الي تعبان في فلوسه ومش مستعد يضيع منها مليم اونطة

واعتقد انك لو قاعد الفترة دى كلها مستني استبدال عربيتك السوبارو امبريزا فأنت فعلا تستحقها

ربنا معاك واحنا كلنا بنشجعك ومعاك

والله المستعان
،
،