أنا واتصالات والسيستم !

**grand hand** · 14-08-2011 01:06 AM

انا خط اتصالات وانهاردة لليوم التانى ألاحظ ان بعد انتهاء المكالمة رصيدى بيفضل
زى ماهو والرسالة تقول تكلفة المكالمة 0:0:0 والرصيد زى ماهو قلت يمكن
عرض ولا حاجة بس موقع اتصالات مش جايب سيرة اى عروض فاتصلت بخدمة
العملاء قلت يمكن يكون عرض لفترة مؤقتة وانا مش عارف وشرحت القصة قالى
لحظة لو سمحت ورجع بعد شوية وقال فعلا يافندم كلامك صحيح الظاهر ان فيه
عطل فى السيستم وهنصلحه علطول قلتله ياريتنى مااتصلت مينفعش حضرتك
تعتبر مكالمتى دى محصلتش وتسيب السيستم عطلان فضحك وقالى إحنا آسفين
يافندم على العطل دة وهنحاول نصلحه فى اقرب وقت .. اى استفسار تانى ؟!
قلتله لا شكرا

وبدعى ان السيستم يكون باظ وعايز قطع غيار غالية من بلاد بره مثلا او على
الاقل ميعرفوش مكان العطل فين هههههه
الله يرحم ايام فودافون كنت كل ما اشحن كارت ملقاهوش واتصل بيهم يقولولى
آسفين يافندم عطل فى السيستم اكتر من مرة لحد ما كسرت الشريحة انتقاما من
السيستم الحرامى ده

ايييييييييه هناك فرق

**yoko** · 14-08-2011 01:14 AM

مش قادر أمسك نفسي من الضحك

**swimmer25** · 14-08-2011 01:13 PM

بس إحقاقا للحق...كان لما بيحصل حاجة زي دي مع فودافون...ويتخصم من الرصيد عن طريق الخطأ
كنت بتصل بيهم ويرجعولي الرصيد المخصوم...بس كانت بتبقي حاجات بسيطة...يعني 5 جنيه مثلا

**أحمد كمال** · 14-08-2011 04:49 PM

المشاركة الأصلية كتبت بواسطة mohamadfawzy

تمام حضرتك ودة المفروض يحصل لأنه حقك
كان خدمة العملاء يقولى هنرجعلك الرصيد ومش عارف ايه ومكانوش بيرجعوه
طب هما ليه يسرقوا أصلاً من الرصيد وبعدين يرجعوه ؟!!!
مع العلم ان نسبة بسيطة جدا من العملاء بتلاحظ استخدامها وتتابع الرصيد
ونسبة كبيرة من النسبة البسيطة دى بتكسل انها تطالب بحقها وتتصل بخدمة العملاء
وده معناه سرقة منظمة لأرصدة العملاء واللى ياخد باله نرجعلو رصيده وخلاص
وللأسف اسمها شركة عالمية !

مفيش حد في اي شركة قاعد على مكتب و شغلته انه يسرق من رصيد الناس ..... دي بتبقى مشاكل فنية غير مقصودة و غير متعمدة بالمرة

**أحمد كمال** · 14-08-2011 07:50 PM

المشاركة الأصلية كتبت بواسطة mohamadfawzy

أحمد بيه كمال نورت الموضوع كل سنة وانت طيب
طب ليه الشكوى فى موضوع الرصيد ده ملحوظ أكتر فى فودافون دونا عن اى شركة !
انا مع اتصالات مواقف الرصيد دى مش بتحصل أبدا والحساب مظبوط دايماً
وانا مش من مصلحتى طبعا افترى على شركة او اى حد بدون سبب

اختلاف في جودة الشغل مش اكتر ...... بس مهما كانت مش مقصودة ...... يعني مفيش واحد قاعد في الشركة وظيفته يقلب اتنين جنيه من هنا و خمسة من هنا :)

طبعا انا مش بادافع عن فودافون بس كلمة الحق وجبت .....

**MohaMed_Refaat** · 14-08-2011 08:31 PM

انا بقى بعد كل مكالمة لو مثلا اتكلمت دقيقة يكتبلى تكلفة المكالمة 30 قرش وهو المفروض 15 يعنى اية وازاى مش عارف:(((((((((((0 مع انى ابقى متكلم دقيقة مش اتنين