حادث لغايه دلوقتي عندي زهول

**evram** · 14-08-2011 01:38 AM

يا جماعة انا خالي عايش في شبرا في الخلفاوي في شارع اسمة شارع البشير المهم كان ماشي في حته امبارح بليلي اسمة المشتل مشتل الزهور الحته دي عمار و فية قهوة و كل شي هو ماشي ركن عربيتوة و نزل في امان الله يسلم علي واحد صحبة ماشي و جنبوة انسان عادي جدا شب بتاع 25 سنة و مفيش اي حاجة خالص و الواد شكلوة محترم و مفيش اي مشاكل يعني المهم سمع صوت موتسيكل جاي من اول الشارع بسرعه اويييييييييييييييييييييي و كان هيخبط الناس من سرعته و جنانة خايل بيتلفت يبص علي صرخت الناس و صوت الموتسيكل لاقي اتنين علي موتسيكل واحد بيسوق ب جنون و التاني ضرب 3 طلاقات في الهواء و الرابعه ضربه في ضهر الواد ايل ماشي جاب خالي دة في قفاة كدة من وراة و الواد وقع ميت خالي شاف نافورة دم و الموتسيكل جري و الناس اتلهت في الواد الي وقع ميت جالوة حالت زهول و اعد مبيتكلمش اكتر من ساعتين و متنح الناس تطلع من جيب الواد الموبيل بتاعه و البطاقة و الكارنياهات عرفوة انه من حوالين المنطقة اتصلوة ب اهلوة من التلفون ب ابوة باين المهم و بلغوهم الناس اعدت تصوت و تصرخ و قالو جاين حالا و بلغوة ال اسعاف و الشرطة و جم في خلال نص ساعه و اعدوة ياخدوة اقوال و يسالوة ناس يعني اتحركوة بعد يجي ساعه و معاهم جست الواد الي مجننا في الموضوع ان لغايه م مشيو ب الواد محدش من اهله جية ولا ظهر المهم قولولي انا ممكن امشي ازاي في الشارع و انا ممكن اكون ماشي عادي و حتي لو مش انا المقصود طب م ممكن الرصاصة تيجي فيا انا ممكن تقولولي نعيش ازاي في الغابة دي

**grand hand** · 14-08-2011 01:49 AM

المنطقة دى هادية وكويسة
والله ما كنت اتخيل يحصل فيها كدة فى يوم من الايام ايه اللى بيحصل دة !!!!!!!!!!!!

**Amr Axel** · 14-08-2011 02:22 AM

مش عارف ليه يا ايفرام بحس انك موعود بالمصايب هههههه

ع فكرة واضح ان من الاحداث ان دول مش ترويع للشارع دول جايين مخصوص ليه
بدليل اضرب طلق في الهوا و كده ده عايز يفرق الناس في الشارع عشان محدش تاني يتصاب
و بعدها رصاصة في ضهر الشاب

و عامة بعيدا عن موضوع انهم مخصوص ليه افرض فعلا رصاص جت غلط و حتي بدون تنشين قريب منك فعلا حاجة بقت غريبة بقينا في غابة فعلا
انت تعرف انك لو ضربت رصاص لفوق و نزلت بفعل الجاذبية ع حد علمي قوتها بتكون اقوي من الرصاص و هي خارجة من السلاح لدرجة ان ممكن الانسان يتصاب و ميحسش
و ديه في الصيد البري بتسمي سرقة الطير و هو ان البندقية قوية جدااا لدرجة ان الطير بعد ما يضرب بالرشة مش بيحس و بيطير بعيد و بعدين ينزل فبتمسي بسرقة الطير
فعشان كده بنقول بلاش سلاح حي في الافراح و المناسبات

و ربنا يستر علينا مفيش غير ان الواحد بقي ميتحركش من البيت بهزر طبعا هههههههه

انا هقولك حاجة واحدة بس

قل لَنْ يُصِيبَنَا إِلَّا مَا كَتَبَ اللَّهُ لَنَا

يعني لو ليك نصيب في حاجة مهما عملت حتي لو بقيت لابس لبس مدرع فكل واحد ليه نصيب و قبل ما تنزل سمي و توكل ع الله