اشتريت تليفزيون توشيا 32 lcd يوم الخميس وطلع فيه عيب فى الصوت

التليفزيون موديل BP10E فيه امكانية تشغيل الافلام من منفذ Usb
المشكلة لما بشغل فيلم من الفلاشه بيحصل ساعات صوت زنه جامده ومزعجه جدا ولما اطلع من مشغل الفلاشه وارجع للتليفزيون الصوت بيوطى اوى ولازم اقفل التليفزيون خالص وافتحه تانى عشان الصوت يرجع طبيعى
انا اشتريت التليفزيون يوم الخميس واتصلت بالصيانة يوم الجمعة والفنى جالى النهارده السبت وشاف العيب وقالى اعاوز يغير Software وكان عاوز يأخذه التوكيل معاه عشان يحط Softwareجديد لكن انا رفضت وقلت عاوز واحد جديد
انا همشى فى موضوع انى اخد تليفزيون جديد بس حاسس ان موضوع تليفزيون جديد ممكن يكون مش سهل وهيكون عاوز حماية مستهلك والسكه ديه وانا مبحبش الصداع
وموضوع Software موضوع بسيط والتليفزيون مش هيتفنح
ايه رأيكم ؟؟؟

السوفتوير بينزل من على فلاشة بتركب في نفس المكان ال بتركب فيه فلاشتك عشان تشغل الافلام
و انت ممكن تعمله بنفسك "سهل جدا"

طالما سوفت ويير يبقى مش مستاهله تغيير
وعلى فكره توكيل توشيبا العربى محترم جدا

اقتباس:

---

المشاركة الأصلية كتبت بواسطة moustafa_saad

طالما سوفت ويير يبقى مش مستاهله تغيير
وعلى فكره توكيل توشيبا العربى محترم جدا

---

الصراحه توكيل توشيبا من افضل توكيلات الاجهزه الكهربائيه وهما لو شايفن انوا محتاج تغير هيغيروا بنفسهم بدون اى كلام انا راى خليك معاهم وشوف لو العيب لقدر الله اتكرر قولهم لازم يتغير

السلام عليكم و رحمة الله و بركاته

اخوك مصطفى فني صيانة t v بتوشيبا العربي

موضوعك مفيش اي مشكلة فيه اطلاقا

العطل بسيط و لا يستدعي استبدال الجهاز ............لكن عموما لو دي كانت رغبتك ده طبعا حقك

برجاء ذكر الموديل و تاريخ الشراء و الاهم فاتورة الشراء موجودة و لا لا

و اسف بالنيابة عن الشركة لازعاج حضرتك

تعليق اخير : واضح ان حضرتك ما اتعاملتش مع الشركة قبل كدة و واخد فكرة غلط

الشركة عندنا ليها سياسة خاصة دونا عن باقي الشركات الا وهي ان راحة العميل دائما في المقام الاول ....

منتظر ردك و متابع للموضوع ان شاء الله

متشكر جدا يا جماعه على اهتمامكم

اقتباس:

---

المشاركة الأصلية كتبت بواسطة aly_hosny

السوفتوير بينزل من على فلاشة بتركب في نفس المكان ال بتركب فيه فلاشتك عشان تشغل الافلام
و انت ممكن تعمله بنفسك "سهل جدا"

---

امال هو عاوز يأخذ الجهاز ليه الشركه ما كان ينزل السوفت وير فى البيت عندى لما جه

اقتباس:

---

المشاركة الأصلية كتبت بواسطة moustafa_saad

طالما سوفت ويير يبقى مش مستاهله تغيير
وعلى فكره توكيل توشيبا العربى محترم جدا

---

المشكله انى مش متأكد هل كلام الفنى فعلا مظبوط والمشكله مشكله سوفت ولا لا

اقتباس:

---

المشاركة الأصلية كتبت بواسطة mahamedaraby

الصراحه توكيل توشيبا من افضل توكيلات الاجهزه الكهربائيه وهما لو شايفن انوا محتاج تغير هيغيروا بنفسهم بدون اى كلام انا راى خليك معاهم وشوف لو العيب لقدر الله اتكرر قولهم لازم يتغير

---

انا برضه رأى انه توكيل محترم بس على الله تفضل وجهه نظرى كده وميخلوهاش تتغير

اقتباس:

---

المشاركة الأصلية كتبت بواسطة darsh_

السلام عليكم و رحمة الله و بركاته

اخوك مصطفى فني صيانة t v بتوشيبا العربي

موضوعك مفيش اي مشكلة فيه اطلاقا

العطل بسيط و لا يستدعي استبدال الجهاز ............لكن عموما لو دي كانت رغبتك ده طبعا حقك

برجاء ذكر الموديل و تاريخ الشراء و الاهم فاتورة الشراء موجودة و لا لا

و اسف بالنيابة عن الشركة لازعاج حضرتك

تعليق اخير : واضح ان حضرتك ما اتعاملتش مع الشركة قبل كدة و واخد فكرة غلط

الشركة عندنا ليها سياسة خاصة دونا عن باقي الشركات الا وهي ان راحة العميل دائما في المقام الاول ....

منتظر ردك و متابع للموضوع ان شاء الله

---

شكرا يا استاذ مصطفى على اهتمامك
انا اشتريت التليفزيون يوم ا لخيمس 11/ 8 ( الخميس الى فات ) من فرع العربى بالموسكى وهو موديل lcd 32bp10e والفنى جه السبت وشاف العيب بنفسه وكتب تقرير ان العميل رفض الاصلاح وصور فاتورة الشراء (الاصل معايا ) وقالى هنرد عليك فى خلال يومين
انا مش واخد فكرة وحشه عن الشركه ولا حاجه ده انا على العكس مغرم بمنتجات العربى والثلاجه والمروحه والخلاط والدفاية والتليفزيون القديم كلهم العربى بس ديه اول احتكاك بينى وبين خدمة ما بعد البيع وعلى الله افضل على ثقتى فى منتجات العربى
شكرا مرة تانيه على اهتمامك وتحياتى ليك على انتمائك وحبك لشركتك بالشكل ده

اقتباس:

---

المشاركة الأصلية كتبت بواسطة zkralla

شكرا يا استاذ مصطفى على اهتمامك
انا اشتريت التليفزيون يوم ا لخيمس 11/ 8 ( الخميس الى فات ) من فرع العربى بالموسكى والفنى جه السبت وشاف العيب بنفسه وكتب تقرير ان العميل رفض الاصلاح وصور فاتورة الشراء (الاصل معايا ) وقالى هنرد عليك فى خلال يومين
انا مش واخد فكرة وحشه عن الشركه ولا حاجه ده انا على العكس مغرم بمنتجات العربى والثلاجه والمروحه والخلاط والدفاية والتليفزيون القديم كلهم العربى بس ديه اول احتكاك بينى وبين خدمة ما بعد البيع وعلى الله افضل على ثقتى فى منتجات العربى
شكرا مرة تانيه على اهتمامك وتحياتى ليك على انتمائك وحبك لشركتك بالشكل ده

---

طالما ال job sheet اتكتب فيه العميل رفض الاصلاح يبقا استبدال ان شاء الله

لو ليك اي تعليق على مستوى الخدمة او شكوى من الفني او اي شيئ كان مكالمة بسيطة على 19319 و اطلب شكوى ........رقمي بعتهولك في رسالة لو حبيت تستفسر عن اي شيئ

و ادعوكم للانضمام للعربي جروب عالفيس بوك

Elaraby Group | Facebook

في رعاية الله

طب معلش يا جماعه الافضل التوشيبا ولا السامسونج 32 بوصه الفئة الرابعه والاسعار ايه ؟

هو الموديل lcd 32bp10e سعره كام ؟

اقتباس:

---

المشاركة الأصلية كتبت بواسطة elbeheri

هو الموديل lcd 32bp10e سعره كام ؟

---

2590 فى فروع العربى
2500 فى شارع عبد العزيز

اقتباس:

---

المشاركة الأصلية كتبت بواسطة zkralla

2590 فى فروع العربى
2500 فى شارع عبد العزيز

---

نفسي افهم ليه دايما منتجات العربي عندوا اغلى من شارع عبدالعزيز وباقي الموزعين ؟؟؟
مع ان المفروض العكس !!!!

اقتباس:

---

المشاركة الأصلية كتبت بواسطة محمد الجرجاوي

نفسي افهم ليه دايما منتجات العربي عندوا اغلى من شارع عبدالعزيز وباقي الموزعين ؟؟؟
مع ان المفروض العكس !!!!

---

افهمك ليه

ده مبدأ اقتصادي بسيط جدا

لو الشركة خلت سعر معارضها ارخص من المحلات الناس هتشتري منين ؟؟؟ طبعا من المعرض هيقولك اضمن و كدة و برضه السعر اقل

في الحالة دي التجار مش هيبيعوا منتجات الشركة عشان اغلى من المعرض...............و في الحالة دي التاجر هيبطل يسحب شغل من الشركة ...............و في الحالة دي التاجر هيقنع الزبون الي داخله ان حاجة الشركة مش كويسة و يبيعلوا منتج من شركة تانية منافسة عشان هو لازم يبيع

مين الخسران ؟؟؟ الشركة طبعا و التاجر برضه

انما في حالة ان سعر المعرض اعلى من التاجر التاجر يعرف يبيع و المعرض برضه هيبيع

هتقولي مين هيقبل انه يشتري المنتج اعلى من سعره في عبد العزيز او عند التجار؟؟؟

اقولك في ناس كتير بتعتبر ان المنتج مضمون اكتر من معرض الشركة مش من عبد العزيز و طبعا معاهم حق

بس كدة

اقتباس:

---

المشاركة الأصلية كتبت بواسطة darsh_

افهمك ليه

ده مبدأ اقتصادي بسيط جدا

لو الشركة خلت سعر معارضها ارخص من المحلات الناس هتشتري منين ؟؟؟ طبعا من المعرض هيقولك اضمن و كدة و برضه السعر اقل

في الحالة دي التجار مش هيبيعوا منتجات الشركة عشان اغلى من المعرض...............و في الحالة دي التاجر هيبطل يسحب شغل من الشركة ...............و في الحالة دي التاجر هيقنع الزبون الي داخله ان حاجة الشركة مش كويسة و يبيعلوا منتج من شركة تانية منافسة عشان هو لازم يبيع

مين الخسران ؟؟؟ الشركة طبعا و التاجر برضه

انما في حالة ان سعر المعرض اعلى من التاجر التاجر يعرف يبيع و المعرض برضه هيبيع

هتقولي مين هيقبل انه يشتري المنتج اعلى من سعره في عبد العزيز او عند التجار؟؟؟

اقولك في ناس كتير بتعتبر ان المنتج مضمون اكتر من معرض الشركة مش من عبد العزيز و طبعا معاهم حق

بس كدة

---

طبعا وجهة نظرا حضرتك مظبوطة من الناحية التسويقية مليون الميه وعلى فكرة معظم منتجات العربي مش موجودة في معرضوا على طول خلصانة ومفيش ؟؟
تيجي على اي منتج تاني منافس تلاقي المعرض ارخص من الموزع زي مثلا منتجات ايديال
معرضهم ارخص من الموزعين وشركة ناجحة في التوزيع وفعلا بعض التجار وكتير منهم متلاقيش عندهم منتجات ايديال واللي تلاقي عنده تلاقيه اغلى من المعرض وكلوا بيتباع في الاخر

اقتباس:

---

المشاركة الأصلية كتبت بواسطة darsh_

طالما ال job sheet اتكتب فيه العميل رفض الاصلاح يبقا استبدال ان شاء الله

لو ليك اي تعليق على مستوى الخدمة او شكوى من الفني او اي شيئ كان مكالمة بسيطة على 19319 و اطلب شكوى ........رقمي بعتهولك في رسالة لو حبيت تستفسر عن اي شيئ

و ادعوكم للانضمام للعربي جروب عالفيس بوك

elaraby group | facebook

في رعاية الله

---

الف شكر و جزاك الله خير يا استاذ مصطفى على اهتمامك

اتصلت بيا النهارده واحده من الصيانة
وقالتى ايه المشكله الى فى التليفزيون الى انت اشتريته من العربى
قلتها حضرتك مش فيه فنى جه شاف المشكله
قالتى ايوه هو كتب انك بتقول ان الفلاشه لما بتتحط بتعمل زنه
قالتها انا ما قلتش ده هو شاف بنفسه
قالتى طيب مش ممكن العيب يكون من الفلاشه
قالتها والله انتم ادرى منى ما تسالى الفنى الى جه
قالتى هبعت لك فنى تانى عشان يجرب فلاشه تانيه
قالتها ماشى