المشاركة الأصلية كتبت بواسطة alsindrella
كريم قولى بليز
ايه هو مفهومك للتدين لانها بقت كلمه مطاطه
و ازاى حتعرف انه حافظ و لو جزء يسير من القران ؟
حتسمعله و لا ايه :rolleyes:
انا اعتقد من وجهه نظرى ان ممكن يكون انسان بس رجل بمعنى الكلمه و ده اصلا بقى نادر جدااااااا
ممكن يكون احسن من واحد رايح جى عالجامع ( لان الصلاه دلوقتى بقت عاده عن المتدين و جزء من الشكل العام للتدين و ليست عباده )
و حافظ جزء يسير زى البغبغان( بس مش فاهم و لا عارف ينفذ حاجه من اللى حافظها)
و فى كتير مبيشربوش سجاير بس بيشربوا الاهم من كده
السجاير دى موضه قديمه و غاليه عالفاضى
الاطفال دلوقتى بيشربوها :cool:
و بحذرك من حكايه انه لو معهوش دبله انت تجيبهاله
اللى بيجى بلاش بيروح بلاش
الانسان بطبيعته بيحافظ عالحاجه اللى تعب فيها و جت بعد عذاب خصوصا مع وجود هذا الجيل من الشباب اللى ميعرفش معنى الرجوله و لا معنى المسئوليه
زى بالظبط الولد الفافى المدلع لما تجيله العربيه اخر موديل بتدمر فى سنه و متملاش عينه و يدور على احدث موديل نزل بعد عربيته لانه ببساطه متعبش فيها
لكن لو هو اشتغل و اتفرم و جاب عربيه 127 كان حطها فى عينيه لانه عارف قيمتها و عارف جابها ازاى
انا مش ضد انك توافق على شاب لسه بيكون نفسه لكن عالاقل لازم يكون فى ضمانات
شكلها ايه و ازاى معرفش لكن لازم تكون فى ضمانات
و لو وافق عليها اظهر حسن نيته و ريح قلبك و طمنك على بنتك
و كمان انا ضد مبالغه بعد الاهالى فى متطلبات الزواج
بس اللى بيعمل كده غالبا الاسر المتوسطه او الفقيره نسبيا لانهم بيكونوا عايزين يجوزوا البنت ببلاش و عايزين الشاب هو يتحمل كل حاجه يجيب شقه و يدفع مهر اللى هما بيه حيجيبوا الاوضه اللى اتفقوا مع العريس عليها
و تبدأ هنا المشاكل يا اما الشاب خلاص مش متحمل الاعباء
و بتطول فتره الخطوبه ووووووووو
و فى الاسر الميسوره و الغنيه لما بيدخل عليها شاب متوسط الاماكنيات بيكون غالبا داخل على طمع لانها جوازه مستريحه نسبيا لان اهل البنت عينهم مليانه و عايزين راجل و هو فعلا مش موجود
و لا يهمهم شقه و لا غيره
الموجود كويس و هما بيكملوا على مزاجهم كل اللى هما عايزينه لبنتهم
لكن فى الاخر تلاقى الولد مبيحافظش عالبنت و بيحس بعقد النقص لانه شايف اسره البنت احسن منه
بيخاف تتنط عليه و تبدأ المشاكل و الطلاق
نرجع للبدايه بجد بجد محتاجه خبرتك فى معرفه ازاى تفرق بين المتدين من اللى بيمثل
علما بأن اللى بيمثل التدين و زى مقلتلك طول اليوم فى الجامع بتكون سمعته حلوه عند السؤال عليه
لان الناس لها بالظاهر
ايه رأيك ؟