الشوارع والمسامير والاخرام والعجل ! ! ايه الحل ؟ ؟

**Ahmod** · 14-08-2011 04:00 AM

السلام عليكم ورحمة الله وبركاته

انا بعاني من مشكلة بدات تتعبلي اعصابي واعتقد ان كتير مننا بيعانو من نفس المشكلة دي

المشكلة اني ساكن في شارع التلاتين متفرع من العشرين (فيصل)

الشارع ده من حوالي سنتين كان شارع عمومي زيه زي فيصل بالظبط وبيمشي فيه اتوبيسات النقل العام واخر حلاوة

للاسف من حوالي سنة ونص بداو يركبو الغاز في الشارع

وطبعا تكسير وونشات والالات وحفر لما الشارع بقى حالته تصعب على الكافر

وللاسف طبعا الاهمال موجود فينا بعد مانكسر الشارع ونهدم ونحفر نسيب كل حاجة زي ماهي متكسرة ويكش يولع الشارع باللى فيه

حسبي الله ونعم الوكيل على الحكومة واللى بيعملوه

طبعا مش دي المشكلة لان ده العادي والطبيعي في المحروسة

المشكلة ان من كتر مالشارع حالته زي الزفت طبعا ماليان مسامير من الات الحفر والونشات والكلام ده

وبشكل شبه يومي العجل مفسي وفيه مسمار وكل مسمار اطول من اللى قبله

لدرجة اني بقيت زبون دائم عند بتاع الكاوتش

اخر مرة من يومين كان داخل في كل عجلة مسمار والعجلة اللى قدام مسمارين واحد فيهم قعد بتاع الكاوتش يطلع فيه اكتر من 10 دقائق ! مسمار طوله حوالي 20 cm ! !

وطبعا لو فضلت الامور بالطريقة دي هبقى محتاج اغير الاربع الفرد كل كام شهر ! !

اعصابي تعبت من الموضوع ده ومن الشارع المهبب اللى الحكومة بوظته وسابته على كدة ! ومابقتش عارف اعمل ايه

حد عنده اي حلول ؟ ؟

**AhMeD MeTwAlY** · 14-08-2011 05:01 AM

الحمد لله عندي نفس المشكله المنطقه الي انا فيها كانت بتعتبر من اهدي المناطق في العالم من سنه بظبط
دلؤقتي كلها ابراج سكنيه وكل برج قافل شارع ومسامير نجاره بالعبيط في الشارع واحد جاري مغير طقم كامل بسبب المسامير مطلع 12 مسمار
واكتر من مره اروح بالعربيه سليمه اصحي الصبح القي واحده نايمه علي الصبح اعدي من قدمهم يدخل مسمار ينام الكاوتش من هنا وطبعا انا بكون ماشي يبوظ اروح اشتري واحده تانيه لحد لما باقي الكاوتش الي وره شكلين مختلفين نهائي
مستني يخلصو واجيب طقم كامل هعمل ايه حسبي الله ونعم الوكيل فعلا
حتي الونش شغال دلؤقتي احنا الفجر لسه مأذن والونش شغاله بيطلع طوووب ومش عارف انام

**MOUSTAFA_SAAD** · 14-08-2011 09:25 AM

حاول ماتركنشى فى الشارع على اد ماتقدر انا عارف انه حل صعب
بس ممكن تنركنها فى شارع تانى قريب منك وخلاص

**mohkhattab** · 14-08-2011 10:37 AM

للاسف مفيش حل
للاسف هى دى مصر
الله يكون فى عونك

**amz2011** · 14-08-2011 12:44 PM

بص ياباشا انا ساكن فى شارع العشرين و نفس اللى بيحصل معاك بيحصل معايا فى عربيتى و فى عربية اخويا لسه امبارح اخويا مطلع خمس مسامير من كاوتش عربيته و بعدين شارع التلاتين كان من احسن الشوارع انما دلوقتى مليان مسامير و كمان بوظلى العفشة بتاعة العربية
حسبى الله و نعم الوكيل فى الحكومة و الحى

**prisoner** · 14-08-2011 02:03 PM

الحل الامثل انك تركن فى شارع قريب منها تبقى رياضة وتحافظ على الكاوتش لانه حرام طبعا كل يوم اخرام عمرها ما هاتكمل معاك كام شهر

**Nistelrooy** · 14-08-2011 03:34 PM

اطلب انتا والجيران ات الشارع يتسفلت ؟

من شهر عندنا كانو بيركبوا كهربا لبيوت جديدة وحفرو علي اطراف الشارع بعدها بـحوالي 15 يوم جم وسفلتوا الشارع وعملوة زي ما خربوه - مع العلم انة كان علي الحواف بس مش في نص الشارع يعني

**Mohamed.Ramah** · 14-08-2011 04:31 PM

الحل انكم تطالبو من رئيس الحى انو ينضف الشارع ويتسفلت وترفعو قضية كلكم وتسجلو الضرر اكيد مش حضرتك لوحدك المتضرر هى عاوزة مبادرة منكم لان دة اللى بيجيب نتيجة وربنا يعينا جميعا على الادغال اللى بقينا ماشيين فيها

**Ahmod** · 14-08-2011 05:12 PM

المشاركة الأصلية كتبت بواسطة mostafaismail

على فكرة انا ساكن قريب منك ويؤسفنى اقولك مفيش حل :(

المشاركة الأصلية كتبت بواسطة XMANX51

الحمد لله عندي نفس المشكله المنطقه الي انا فيها كانت بتعتبر من اهدي المناطق في العالم من سنه بظبط
دلؤقتي كلها ابراج سكنيه وكل برج قافل شارع ومسامير نجاره بالعبيط في الشارع واحد جاري مغير طقم كامل بسبب المسامير مطلع 12 مسمار
واكتر من مره اروح بالعربيه سليمه اصحي الصبح القي واحده نايمه علي الصبح اعدي من قدمهم يدخل مسمار ينام الكاوتش من هنا وطبعا انا بكون ماشي يبوظ اروح اشتري واحده تانيه لحد لما باقي الكاوتش الي وره شكلين مختلفين نهائي
مستني يخلصو واجيب طقم كامل هعمل ايه حسبي الله ونعم الوكيل فعلا
حتي الونش شغال دلؤقتي احنا الفجر لسه مأذن والونش شغاله بيطلع طوووب ومش عارف انام

عايز اقول لحضرتك ان الونشات والالات فضلت في الشارع اكتر من سنة ونص ! واكتر من مرة يحفرو ويرجعو يحفرو تاني ماتفهمش بيعملو ايه كل ده !

المشاركة الأصلية كتبت بواسطة moustafa_saad

حاول ماتركنشى فى الشارع على اد ماتقدر انا عارف انه حل صعب
بس ممكن تنركنها فى شارع تانى قريب منك وخلاص

فكرت في الحل ده بس للاسف مانا ساكن في الشارع ده يعني لو معايا الوالدة لازم انزلها قدام البيت

فكدة كدة لازم اعدي مافيش مجال

المشاركة الأصلية كتبت بواسطة mohkhattab

للاسف مفيش حل
للاسف هى دى مصر

الله يكون فى عونك

فعلا والله هي دي مصر !

المشاركة الأصلية كتبت بواسطة amz2011

بص ياباشا انا ساكن فى شارع العشرين و نفس اللى بيحصل معاك بيحصل معايا فى عربيتى و فى عربية اخويا لسه امبارح اخويا مطلع خمس مسامير من كاوتش عربيته و بعدين شارع التلاتين كان من احسن الشوارع انما دلوقتى مليان مسامير و كمان بوظلى العفشة بتاعة العربية
حسبى الله و نعم الوكيل فى الحكومة و الحى

اه ده انا نسيت اقول على قصة العفشة اللى العربية بتصعب عليا كل مابمشي في الشارع ده !

-

الموضوع: الشوارع والمسامير والاخرام والعجل ! ! ايه الحل ؟ ؟

LinkBack

أدوات الموضوع

عرض

-

-

-

-

-

المواضيع المتشابهه

طاره الدركسيون والعجل !!!

زقزقة فى ابواب اللانوس اثناء السير فى الشوارع الغير ممهده ما الحل ؟؟؟

نحس الباليو والعجل ... !!!

ضبط زوايا 128 والعجل الخلفى مقفول

عاجل جدا:عملية تركيب الشرائح والمسامير تتكلف كام.

الكلمات الدلالية لهذا الموضوع

المفضلات

المفضلات

ضوابط المشاركة