الموضوع: اهل اسكندريه ( مساعده )

بص قدوره فى رمضان شغال بالحجز اما قبلها بيوم او يوميها الصبح لان لو مفيش حجز يبقى انت وحظك وطبعا يوم الاحد والجمعه انسى تلاقى مكان الا بالحجز

يعنى الافضل تيجى الصبح على 12 او 1 تختار اللى انت عاوزه وتحجز وتتفسح براحتك فى المنتزه وترجع على الفطار

وبعد الفطار اطلع على القلعه او المعموره وبعدين القلعه بس المعموره فى رمضان نايمه خالص خالص

المشكله ان المناقشه هتخلص الساعه 12 مثلا فاحنا ممكن نوصل اسكندريه على الساعه 4

4 دي ممكن تلحق مكان في ال food court في سان استيفانو
نصيحة ابعد عن الاماكن الزحمة .. يعني خالد بن الوليد .. القلعة
المعمورة تمام لو عايز تروح هناك

المشاركة الأصلية كتبت بواسطة osama.m

4 دي ممكن تلحق مكان في ال food court في سان استيفانو
نصيحة ابعد عن الاماكن الزحمة .. يعني خالد بن الوليد .. القلعة
المعمورة تمام لو عايز تروح هناك

خالد ابن الوليد وميامى بقت فاااااااااااااااااضيه خاااااالص زى الشتا واكتر على فكره

ده السكه على البحر كانت بتبقى واقفه من اول فندق رمادا لحد الشيراتون امبارح اخدتها فى 5 دقائق المصيفين بتوع الارياف روحو خلاص الموجودين دلوقتى الناس الرايقه اللى عاوزه تتمتع بأسكندريه

المشاركة الأصلية كتبت بواسطة eng/muhamad

المشكله ان المناقشه هتخلص الساعه 12 مثلا فاحنا ممكن نوصل اسكندريه على الساعه 4

ده كده على 5 كمان لان السكه من مدخل اسكندريه لحد المنتزه قبل الفطار بتبقى واقفه شويه وخصوصا الحته بتاعه محرم بك لو جاى من الصحراوى من مدخل كارفور

فكده قدوره انت وبختك ممكن تلاقى مكان بنسبه 30% مثلا

طيب ممكن احجز بالتليفون مثلا و لا مينفعش ؟
و مفيش حد قالى الاسعار اخبارها ايه ؟؟؟؟
و مفيش حد اقترح اماكن بعد الفطار

لا بالتلفون مينفعش الحجز بيبقى بتطلب الطلبات وبتدفع عربون ده نظام اغلب المطاعم فى رمضان مش قدوره بس

غير كده يبقى تروح بدرى وانت وحظك لو فيه اماكن مش محجوزه ده نظامهم فى رمضان

والاسعار عاديه مش غاليه ومش رخيصه وعموما قدوره معندهوش قائمه اسعار لان السمك كل يوم فى سعر فأنت وانت بتختار بتسأل الكيلو بكام وهو بيقولك وعموما ارخص سمك عندهم هو البلطى كان فى رينج ال 40 جنيه للكيلو

شكرا للردود ياريت بقى تقترحوا اى مكان تانى يكون قريب من المندره عشان لو روحنا و ملقناش مكان فى قدوره نغير المكان
طبعا يفضل المكان يكون مطعم سمممممممممممك