عرض للطباعة
السلام عليكم
انا معايا عربية 132 و دلوقتى بظبطها كلها و قولت بالمرة اجبلها جنط و لما سالت على الجنوط ناس كتير قالتلى ان الجنط ال 16 او 17 هيدمر العفشة و لو العفشة متدمرتش لو اخدت مطب هيبوظ الكاوتش او هيعوج الجنط فايه الحل فى الموضوع ده هل مثلا ممكن اغير حاجة فى العفشة عشان تبقى اخف شوية على الجنط و لا ايه...
و شكرا
متابع
الحل الوحيد انك تركب جنط 17 خفيف جداااااااااا او بوزن الاصلى
ودة بيبقى غالى جدا
انا ايام مكنت مظبط العربية ال 32 جربت ركبت جنط 16 تايوانى مش خفيف ودمرلى العفشة وانت ماشى تسمع احلى طقطقة واصوات غريبة
لحد لما زهقت شلتة وركبت 14
شكرا يا باشا على ردك انت كان معاك ال 32 الفضى صح اصل انا من طنطا و شفت صور عربيتك هنا قبل كده هى فين العربية دلوقتى ؟؟ مشوفتهاش فى البلد بقالى فترة كبيرة
طب انت مسالتش حداد على حل للمشكلة دى؟؟
اللى بياثر على العفشة هو وزن الجنط مش مقاسة... اعتقد صعب تلاقى جنط 17 بوزن جنط 14... الا فى الانواع الغالية جدا
MMamdouh
+111111111111اقتباس:
المشاركة الأصلية كتبت بواسطة mmamdouh
أعتقد مش وزن الجنط وبس
لأن النهاردة طلعت على الرصيف
بارتفاع حوالي 25 سم والجنط اتعوج بس حتة صغيرة
وعشان الكاوتش البروفايل بتاعه كبيييييييييييير امتص كتير جدا من الصدمة
لدرجة اني لما نزلت من على الرصيف ماحسيتش بأي حاجة
وجريت بالعربية ماحسيتش بأي حاجة خالص وجربت أفرمل مالقيتش حدفة ولا رجة ولا حاجة
ربنا يكفيكوا الشر
بالحق..العربية هوندا أكورد 1994 في الرياض
ودخلت في الرصيف عمودي في يو ترن
الأسفلت سخن وناعم والكاوتش للأسف صيني ماركة إفر جرين ومش عريض
بفرمل العربية رحفت و...
الحمد لله..ربنا يسترها علينا وعليكوا
ياباشا ملهاش اى حلاقتباس:
المشاركة الأصلية كتبت بواسطة shaabox
سالت كل الناس ولفيت على كلة روحت لمصطفى فوزى لوتعرفة ونزلت ااقاهرة على دمشق وجو وانزو ملقتش اى عفشة خاااااااااااالص
واحد عفشجى مرة قالى اركبلك سوست مرسيدس بس اكتشفت انها حتبقى ناشفة جدا وحتفتحلى فى الشاسية
لو مصمم تركب 17 يبقى هاتلك طقم مساعدين مونرو غاز من التوكيل فى ش الشيتى الى حد ما حيضبط معاك شوية
العربية بتاعتى لسة موجودة بس اديتها لاخويا الصغير لانى جبت الهوندا الحمد الله
بس هو حاليا مطلع عين ابوها :))))))))))
انا برضه سمعت عن مساعدين المونرو دول بس قالولى بيكونوا ناشفين اوى
متعرفش بكام الاتنين او الطقم كله بكام ؟
اقتباس:
المشاركة الأصلية كتبت بواسطة ShaaboX
انا كنت جايب الطقم كامل امامى وخلفى سنة 2008 ب 480 جم
الامامى ب 240 والخلفى ب 240 حم
وادى صورة الفاتورة ::::
http://img714.imageshack.us/img714/1971/photo002465.jpg
تمام يا باشا
معلش بقى انا هتقل عليك و عايز اعرف منك معلومة كده الفوانيس اللى كانت عندك كنت عاملهم بكام و فين؟
و شكرا اوى
بص يا برنس هات طقم سوست مسعدين ورا و قدم
سوست بس من الخلفى هتقص حلقه كامله من السوسته هات جنوط 16 بلاش 17 انا قبل ماجيب اوبل كان معايا 132 فضى ميتالك متجبش كاوتش سوسته 3 زومبه هات العادى الصغير العربيه هتظبت معاك باذن الله عايز اى حاجه انا فى الخدمه
طب بالنسبة للسوست دى اجيبها منين و بكام و ياريت لو تبعتلى فى رسالة معلومات اكتر لانى تقريبا مفهمتش :) !!
السلام عليكم
لو المصنع اللى صنع العربية شايف إن يركبلها جنوط 17 مكنش بخل على العربية بيها غير كدة الجنط هيبقى تقيل جداً و يدغدغ العفشة بالإضافة أنك لما تحب تغيير الكاوتش حيبقى غالى جداً مقاس 17 حتشتريه بثمن ضعف ثنت الجنوط
العربيه فيات 132 يعني قديمه والمصنع بيدور ع أقل تكلفه للعربيه عشان تتباع وخصوصا لو فيات والموديل قديم يعني ثقافه االجنوط الكبيره وكدا كانت لسه بردواقتباس:
المشاركة الأصلية كتبت بواسطة abumohammed
هوا يركب الجنط بس بشويه تعديلات طبعا هوا هيضحي بالراحه في العربيه بس هياخد منها شكل وثبات ملهمش حل