-
الحمد لله الغطا اتسرق
السلام عليكم رجال الاوبل المحترمين
ويارب تكون ايام خير على الكل
ابن ال..حلال قبل ماخلص صلاه الفجر كان شال الغطا مع انى باصص على العربية وانا بتوضا
سبحان الله مش عارف عملها ازاى دى ده لو مراقبنى فى البيت يقول يمكن يخلص صلاه بسرعه
مع انه غطا عادى كنت لسه من امبارح بفكر اجيب الوتوبروف علشان النضافة
كده خلانى مش عارف اعمل ايه
الحمد لله
-
انا مبغطيهاش اصلا فى الصيف
لكن بعمل فكرة لما اجى اغطيها عشان الغطا ما يتسرقش
بحشر حته من الغطا نفسة فى كل باب من الاربعة وبقفل الباب عليها وبكده ميعرفش يشد الغطا لان الابواب بتبقى مسكاه
-
والله انا كمان فكرت فى كده بس مش الاربع ابوب كفاية باب يعنى او تنين بالكتير
المشكلة انى كنت ناوى اشترى الوتوبروف التقيل تقريبا سعره 200 جنية
فدلوقتى خايف اشترية يتسرق هو كمان
والغطا بيحمى شوية العربية من الشمس ومن الشياطين اللى بيجرحوا العربية
-
او على راى واحد هنا فى المنتدى قالها قبل كده لو خايف على الغطا من السرقة ابقى خده معاك البيت وانت طالع:)
-
الاربعه يا باشا عشان ميفكرش أصلا
الغطا 165 جم من شارع دمشق
-
-
يا باشا هات أوسخ غطاء .. ~لأنه ممكن يتسرق في لحظة
وياسلام كمان لو كان مقطع ومرقع وطالع ثلاثه .......
هات واحد من ابو 25 جنيه
-
يا باشا فداك بس خليك فى الرخيص بلاش تجيب غطاء غالى
-
انا من كتر سرقة العلامات و الستيكر
بطلت اجيبهم
-
انا عامل ليه حتتين قماش جامدين وبدخلهم فى الباب واقفل عليهم وفى نهايتهم حطه تخينه علشان مايعرفشى يشده ويسحبه من الباب
طبعا ممكن يجيب مقص ويقصه بس هى حاجه تعطل وخلاص
Content Relevant URLs by
vBSEO 3.6.0 PL2