هل توافق على سن قانون يفرض على النساء فى المجتمع ارتداء الحجاب ؟

**hobiko** · 14-08-2011 10:36 AM

هل توافق على سن قانون يفرض على النساء فى المجتمع ارتداء الحجاب ؟

**م.احمد زكريا** · 14-08-2011 11:03 AM

فرنسا فيها قانون يمنع النقاب

سويسرا فيها قانون يمنع بناء الماذن

تركيا فيها قانون يمنع المحجبات من التعليم في الجامعات ودخول البرلمان اعتقد تطبيقة قل

السعودية فيها قانون يجبر النساء على النقاب فيما عدا بعض المدن

بعض دول وسط اسيا تحرم الفتيات فيها من التعليم بسبب الحجاب

مصر تمنع النقاب في الجامعات

الحجاب في المدارس بموافقة كتابية من الاب

كل دولة حرة في قانونها مادام بقر من مجلس الشعب

ولا إيه

ده من حيث المبدأ ..... أما الواقع فهذا القانون مستحيل تطبيقه او طرحه في مصر لسببين

1- الموروث الثقافي لبعض العائلات المصرية
2- وجود ديانه أخرى

ملحوظة اخيرة : ليس كل محجبة متدينة وليس كل محجبة محتشمة

**hobiko** · 15-08-2011 10:00 PM

شكراً للإدارة على عودة الموضوع ...... و أرجو المشاركة في الإستطلاع من الأعضاء الأفضل

**رزق** · 15-08-2011 10:05 PM

المشاركة الأصلية كتبت بواسطة hobiko

شكراً للإدارة على عودة الموضوع ...... و أرجو المشاركة في الإستطلاع من الأعضاء الأفضل

هي الإدارة قفلت الموضوع ولا إيه

أظن إنها من الحاجات اللي اختلف معاك فيها

موافق لو عرض عليَّ

**nevozaky** · 15-08-2011 10:11 PM

اوافق لو عرض الامر على .ولو انى محجبة والحمد لله .
بس انا مش باحب الاجبار فى امور الدين .ولو انه فرض من الفروض .
مش بحب الاجبار لازم ييجى بالاقتناع علشان البنت المحجبة تتصرف تصرفات الاسلام ولا تسىْ اليه بحجابها .

وزى ما قال الباشمهندس احمد زكريا ليس كل محجبة محتشمة وليس كل محجبة متدينة .
وده فعلا صحيح والامثلة كتيرة

وربنا يهدينا جميعا

**Mik_t4** · 15-08-2011 10:18 PM

ومش كل واحدة مش محجبة بردو مش كويسة ولا اية رئيكم؟

**AmAhmed** · 15-08-2011 10:21 PM

لا, لا أوافق فى حالة عرض الأمر على

مش بالاجبار انما بالاقتناع
لان ممكن نعمل القانون و الناس تتفنن في كسره بالاسبانش و البنطلونات الضيقة يبقي كده لم نحقق شئ
يجب ان يكون الامر نابع عن قناعة و ثقافة سائدة في المجتمع و توعية شاملة باتفاق الازواج و التفاهم مع اولياء الامور
و يجب الغاء اي اوامر تمنع لبس الحجاب في وظائف معينة

و جدير بالذكر ضرورة ترك الحرية للبس النقاب و توفير موظفات الامن في الجهات الحكومية لمراجعة البطاقات و كشف الوجوه للتأكد من شخصية المنقبة

**nevozaky** · 15-08-2011 10:21 PM

المشاركة الأصلية كتبت بواسطة mik_t4

ومش كل واحدة مش محجبة بردو مش كويسة ولا اية رئيكم؟

اكيد .مش كل واحدة مش محجبة مش كويسة .

بس الحجاب عندنا فرض ومذكور فى القراْن .

يعنى مش اختراع احنا بنعمله .او نافلة من النوافل .
ده فرض من الفروض زى الصلاة والصوم والزكاة .

ربنا يهدينا جميعا