الموضوع: العلاقة بين الاطارات و سحب السيارة

المشاركة الأصلية كتبت بواسطة megadeath

ان بشكر كل اللى بيحاول يشارك معنا بس بعد اذنكم ليا تحفظ بسيط
ما لوش لازمة اننا نقلل من شأن بعض و اسف لو سببت حرج لحد

دا مش تقليل من شان حد... دة سؤال منطقى جدا

هل ينفع انك تاخد نصيحة طبية من محامى؟... هل ينفع تاخد نصيحة هندسية من صيدلى؟... طبعا لا... هل دة تقليل من شان ايا من الناس دى؟... برضة لا... كل الفكرة ان الناس دى صحيح متعلمة لكن مجال علمها بعيد عن موضوع السؤال بالتالى رائيهم غالبا حيبقى مش صح... او بمعنى اخر حيكون الراى الاكثر صوابا صادر من شخص دارس هذا المجال

مجال السيارات محتاج اما مهندس فى المجال دة او على الاقل واحد دارس و فاهم كويس عشان تاخد منة معلومة صح... هل ينفع تسال اى حد تانى غير الناس دى فى المجال دة؟؟... و مع احترامى الشديد ما 99% من الناس اللى هنا ناس متعلمة.. هل معنى انهم بيسالوا ان دة بيقلل من شائنهم؟؟؟ لا خالص... كل واحد متخصص فى مجال معين و عارفة كويس و بالتالى لما يواجة مشكلة فى غير مجالة لا حرج من انة يسال

بتاع الكاوتش مش رجل علم اساسا... دة راجل تخصصة الشغل اليدوى... يعنى هو ممكن يفك و يركب 50 فردة كاوتش فى اليوم فى حين ان اى واحد فينا لو غير فردة واحدة بيحس انة بيهد فى جبل... اذا معنى كدة ان الراجل تخصصة حاجة تانية خالص ليس لها علاقة بالجانب العلمى للكاوتش ولا يصح اننا نعتمد علية كمصدر للمعلومات فى الجزئية الفنية

و العكس بالعكس مش معنى ان واحد مهندس ميكانيكا انه حيبقى احسن واحد بيغير كاوتش

و بعدين الكاوتش اللى ورا عندى حالة جيده جدا بس انا عايز اعرف هو السبب اننا نحط الجديد ورا الoversteer بس و لا فيه اسباب ثانية

لا هو الاوفر ستيير فقط

MMamdouh