الموضوع: هي القاهرة مليانة زبالة ليه ؟

المشاركة الأصلية كتبت بواسطة axel

فعلا الشوارع بقت غير طبيعية
بس ع فكرة احيانا بشوف عربيات النضافة لكن مش بالانتشار زي الأول
و للأسف ان الناس بدل ما تحترم نفسها بيرموا الزبالة في وسط الشارع و ميحللهمش الرمي غير في وسط الاشارات
و تلاقي صندوق زبالة محطوط و بدل ما يرمي جوة يطوح جنب الصندوق و الصندوق فاضي اساسا
غير الدبش بتوع اللي بيبنوا و يرموا
انا خلاص تعبت من كتر ما ماشي عمال افهم في الناس و اقولهم اننا نكون زفت متحضريين و نحافظ ع نضافة الشوارع
عرفت ليه بقولك احنا شعب فيه كتيير كده

المشاركة الأصلية كتبت بواسطة shaddadfalcon1

مخلفات البناء دلوقتي علي الطريق الزراعي
انا من بعد كوبري ابيس في الأسكندريه كل يوم الاقي الرزراعي بيتردم منه جزء ودلوقتي الحاره اليمين كلها مليانه ردم وطوب وبيحص بسببه حوادث واعرف واحد عربيته اتدمرت بسببه وغيرها خالص
دلوقتي داخلين علي الحاره اللي في النص

المشاركة الأصلية كتبت بواسطة shaddadfalcon1

المشكله فعلا في الناس الزباله اللي بترمي في الشارع
انا كتير ابقي نازل رايح الشغل واول مااشيل الغطاء من علي العربيه الاقي كام كيس زباله تحت العربي قالي يعني كده خلاص رماها ومره واحد زعق معايا وبيقولي شوف عربيتك بتعمل ايه ولقيت زباله تحتها والراجل بيقولي متركنهاش هنا تاني عشان الناس مترميش زباله

يا اخواننا لا اعتراض على تغليط الناس اللي بترمي زبالة في الشارع , لكن بالمنظر اللي احنا شايفينه ده المشكلة اسوأ , مافيش اصلا مكان تترمي فيه الزبالة غير الشارع , و مافيش حد بيشيل الزبالة لا من الصناديق (اللي اتشال اغلبها مؤخرا) ولا من الشارع نفسه

و خدوا بالكم انتم بتدفعوا رسوم نضافة كل شهر مع فاتورة الكهربا , يعني مش حتى خدمة عامة , دي خدمة مدفووووووووووووووعة
و بالمنظر الحالي اترفع الحرج بصراحة عن الناس اللي بترمي في الشارع (مع اني مازلت بالومهم) زي ما كنت باقول , انا بارمي زبالة بيتي بالعربية في اي صندوق اقابله , و النهارده لاحظت ان الصناديق مليانة كمان , اللي ما عندوش عربية هايعمل في زبالته ايه ؟؟؟؟؟

المشاركة الأصلية كتبت بواسطة swimmer25

الراجل اللي كان بياخد الزبالة من البيت ده أحسن حل....كانت ساعتها الشوارع نظيفة والجو غير ملوث

كان احسن كتير و الله