خبر فى الجرنال عن ترخيص سلاح للاشخاص اللى معاهم سلاح مسروق

**amz2011** · 14-08-2011 12:49 PM

خبر فى الجرنال عن ترخيص سلاح للاشخاص اللى معاهم سلاح مسروق من ايام الثورة . دلوقتى اللى شارى سلاح مسروق او استولى على اسلحة من ايام الثوره عليه انه يروح يسلمه و وزارة الداخليه هتعمله تصريح بترخيص سلاح طيب و الناس اللى معهاش سلاح مسروق تعمل ايه ؟. هل تروح تشترى سلاح مسروق علشان يبقى معاها ترخيص و لا نعمل ايه؟. انا نفسى ارخص سلاح

**prisoner** · 14-08-2011 02:00 PM

ده اكيد كمين علشان يقفشوا الناس اللى معاها سلاحححححححح وبصراحة عندهم حق بس مش كده يعنى مكشوفة قوى

**grand hand** · 15-08-2011 01:27 AM

اكيد فخ اصله كلام مش معقول !

**madawbs** · 15-08-2011 01:49 AM

هما علي ما اظن هايعرفوا مين الي معاه سلاح ويحطوهم في قاعدة بيانات وهايبقوا اول ناس هايحققوا معاهم في اي جريمه تحصل في المنطقه ده اولا تاني حاجه انت هاتسلم السلاح الي معاك وهايدوك بداله تصريح بحمل السلاح لا يسري الا لما تشتري مسدس وخلال ٣ شهور تقريبا لو ما اشتريتش تضيع عليك الرخصه واقل مسدس دلوقتي طبنجه حلوان وصل سعره الرسمي ل ١٨٠٠٠ جنيه والايطالي او الاسباني بيعدي الاربعين الف (صاحبي معاه الترخيص بقاله شهرين ومش عارف يشتري بسعر مناسب) والاستيراد مقفول الا بامر من الجيش وابقي قابلني وكمان غالبا لو اشتريت واستلمت الرخصه ممكن بعد شهر ولا شهرين يلغوا الترخيص وتبقي اشتريت مسدس علي الفاضي وممامعاكش رخصة وماقدامكش غير تسليمه للداخليه وتبقي اتقلبت مرتين

هو مسدس الصوت حلو قوي يخوف علي بال ماتجري وبيعور لو اتضرب من قريب علي فكره

**BMW5260** · 15-08-2011 02:22 AM

هو ممكن فعلاً يكون كمين بس دي فكرة فاشلة جداً لأن محدش هيدخل عليه الكلام ده

**WaleeD-ZidaN** · 15-08-2011 02:25 AM

ههههههههههههههههههههههههه هه
فاكرينهم عيال صغيرة هيضحكو عليهم بمصاصه

**mahmoudysf** · 15-08-2011 03:44 AM

على فكرة حركة مفقوسة اوي

**samcar** · 15-08-2011 04:01 AM

ده يدل على مستوى ذكاء الداخليه - تخلف اصلى - لو الكلام صحيح تبقى مصيبه - يعنى المخالف بندى له جايزه - ولو فخ يبقى بنضيع الباقى من الثقه المفقوده بين الداخليه والشعب- ماهو القبادات الحاليه هم اللى كانوا بيدخلوا ب 50 فى الميه ايام ما كان دخول الشرطه عيبه ودليل على الخيبه - اه يا زمن