شوية استفسارات فى اكسارا ا

**fepsceasar** · 14-08-2011 03:31 PM

أنا عندى المكان بتاع زراير الزجاج الكهربا اللى فى التابلوه ده اتكسر ، وروحت لابراهيم الكهربائي فى عين الصيرة قالى ده كان مكسور قبل كده هات استيراد وركبهم اى حاجة كده على ما اجيب الجديد، سالت عند مؤمن فى الحرفيين لاقيته 450 جنيه اجيبوا وخلاص ولا حد يعرف واحد بيبع ارخص او فى اى اقتراحات، بس انا المشكلة نفسيا ما بحبش امشى والعربية متبهدلة
وفى حاجة كمان انا عايز اكشف على التكييف هو كويس بش عايز اعمله صيانة واشوف الفلتر والشحن لانى اول ما جبت العربية كان احسن اروح فين، هل امير وجوزيف ينفع فى الموضوع ده، خاصة لو هغير الفلتر
آخر حاجة بقى: لو عايز اعمل سمكرة تنصحونى بمكان معين زى: التوكيل ، امير وجوزيف، مركز محترم، ورشة حد اتعامل معاها ....؟ بس زي ما قولتلكوا بخاف من البهدلة فى العربية

**amrmaismail** · 15-08-2011 10:20 AM

صباحك فل يا باشا
بص يا سيدي انا مش من القاهره فهرد علي استفسارك الاول
الزراير بتاعت التابلوه بتتكسر القاعده بتاعتها في كل الاكسارا
بس انا عايز اعرف القاعده اللي مكسوره ولا الوش ؟؟
الوش لواحده ب ١٥٠ جنيه عند شعبان وبدر
لكن لو القاعده هتبقي كل الجزء اللي لافف حوالين العدادات وراكب عليه الهوايه الشمال واللي فالنص والزرار المرايه الكهربا وزرار مستوي الضوء
يعني انت لو هتشتري الجزء دا يبقي هتشتري معاه الحاجات اللي انا قلتها دي كلها ... مايديهولكش فاضي
وهاقولك ليه

لان التابلوه كامل بالعدادات بكل الهوايات والزراير ب ٩٠٠ - ١٠٠٠ جنيه تمااااام
لكن هوا لو فككه بيبيع الحاجات غاليه شويه يعني
الهوايه اليمين او الشمال ب ١٥٠
الهوايه الوسطي ٢٥٠
وش زراير الزجاج ب ١٥٠
العدادات ٥٠٠
زرار المرايه الكهرباء او تعليه مستوي النور ب ١٧٥
يعني هوا وصل كدا ل ١٥٥٠ من غير ما يبيع جسم التابلوه نفسه بادراجة
فعايزك تتشطر اوي وانت بتشتري من بتوع الاستعمال
يا اما تشوف واحد عايز حاجات تانيه من التابلوه وتشتروه شركة وتقسموه مع بعض
وانا ممكن ادخل معاك في واحد لو تحب ..... :)
بس لما تنزل روح لاكتر من واحد وقارن اسعارهم ببعض علشان تاخد افضل حاجة

**fepsceasar** · 17-08-2011 11:39 AM

هو اللى اتكسر القواعد والوش كمان اللى هو المسطر اللى فيها الزراير والكهربائى قالى القواعد كمان مكسورة أنا كمان ممكن اشترى الهواية اليمين شوف حضرتك محتاج ايه من التابلوه ونشترك فيه
وشكرا لردك يا باشا

**amrmaismail** · 17-08-2011 02:11 PM

انت كدا محتاج القاعده مع كل الداير اللي حوالين العدادات
خلاص انا هاخد الهوايه الوسطي والشمال والعدادات وانت خد الباقي كله
بس استني شويه علشان انا عايز انزل بورسعيد اجيب باور استيرنج استعمال لو لاقيت التابلوه رخيص هاخده وبرده هاقسمة معاك

**fepsceasar** · 18-08-2011 10:07 AM

شكرا يا باشا
طمنى عملت ايه وانا مش هتصرف الا لما تقولى وصلت لحد فين
وهبعتلك تليفونى ع الخاص

**scaniax** · 21-08-2011 04:57 PM

انا عاوز الهوايه الشمال بتاعة التكييف و وش الزرارين الخارجى ياريت حد يقولى يسوا كام و بالمناسبة هو ممكن يصب الوش الداخلى من غير بهدله فى اى حته فى الحرفيين فايبر بس استنضف صنايعى علشان يعمل الشغل كويس
و مش هيكلفك اكتر من 40 او 50 جنيه