تقرير بسيط ومبدائي عن عربيتي الالنترا ال2012 المانيوال

**abou_sama** · 07-09-2011 12:15 AM

الف مبروك وربنا يديلك خيرها ويكفيك شرها

**bigwarrior** · 07-09-2011 01:58 AM

الفتيس الجديد 6 امامي وغيار خلفي

**Diaby** · 07-09-2011 02:38 AM

شكرا ع الافادة وربنا يباركلك فيها

**osama_ruan** · 07-09-2011 03:08 AM

الف مبروك هية لونها اية وفي صور ليها

**surfer3098** · 07-09-2011 05:48 AM

ربنا يباركلك فيها يا كبير ويديك خيرها ويكفيك شرها ويبعد عنك العين.....كان عندي استفسارين كده بخصوص العربية أول واحد العربية إيه نظامها بـابس في الفرامل والزحف وكده...تاني حاجة العربية شكلها أسيرة شوية ( الصالون سقفه واطي ) بالذات في الكنبة ورا فممكن تعليق كده عن الكلام ده في التقرير علشان أنا بفكر فيها أكون متشكر لحضرتك :)

**bigwarrior** · 07-09-2011 07:20 PM

بخصوص الفرامل طبعا اللي معايا مفيهاش abs بس انا شايف ان الفرامل كويسه اما بخصوص بتزحف ولا لا بصراحه معايا ولا زحفت ولاحاجه
اما بخصوص الكنبه اللي وراء واسعه واللي قاعد وراء محدش اشتكى من السقف

**bigwarrior** · 14-09-2011 03:26 PM

كنت عاوز العربيه ( النترا 2012 مانيوال ) فيها انذار
طب ولو الاجابه ايوه اعرف انه شغال ازاي

**raedegypt** · 14-09-2011 03:58 PM

المشاركة الأصلية كتبت بواسطة bigwarrior

السلام عليكم
وكل سنه وانتم طيبين
ده تقرير بسيط ومبدائي عن عربيتي الالنترا ال2012 المانيوال معلش من غير صور علشان مبعرفش ارفع الصور ازاي
1- سعرها 115000 جنيه
2-مواصفاتها ( فتيس 6 سرعات -سنتر - مرايات كهرباء - فوج لايت - كاسيت بusb - جنط عادي 15 - امكانية فتح الشنطه من الريموت -عدادات شيك كمبيوتر-التحكم في الكاسيت من الدريكسيون)
3-مميزتها
عاليه عن الارض مفيش اي مشاكل مع المطبات-الصالون شيك وواسع-الشنطه واسعه-طبعا الشكل جميل وملفت للنظر بس ربنا يحوش العين عنا-العربيه لما بتقفل الابواب نور االصالون يتطفي بالراحه بطريقه شيك-الكاسيت فيه usb-فيه مدخل 12فولت تحت درج التابلوه -التكيف كويس-2مفتاح قابل للطي ممكن تفتح منه الشنطه- البور بتاعها خفيف جدا( مش عارف ده ميزه ولا عيب) بس هو جميل جدا -العدادات شكلها شيك
العربيه لسه مقدرش احكم على ثباتها علشان لسه مسفرتش بيها
4-عيوبها صوت احتكاك الكوتش مع الاسفلت مسموع مش عارف ليه (هل هو عيب في الكوتش نفسه او في عزل العربيه مش عارف) - لو انت في العربيه وفيه باب مفتوح بتظهر علامه في التابلوه ان فيه باب مفتوح بس مبتبينش ايه باب اللي مفتوح - تحت غطاء الكبوت مفيش عزل - لو قفلت العربيه من الريموت وفيه باب مش مقفول كويس مش بتدي تنبيه بيه.

عربيه ماشاء الله ... علق فيها سورة الكرسى من العين وحسد الناس... العربيه ملفته للنظر ماشاء الله حلوه جدآ ومبروك