تقرير بسيط ومبدائي عن عربيتي الالنترا ال2012 المانيوال

**bigwarrior** · 14-08-2011 03:43 PM

السلام عليكم
وكل سنه وانتم طيبين
ده تقرير بسيط ومبدائي عن عربيتي الالنترا ال2012 المانيوال معلش من غير صور علشان مبعرفش ارفع الصور ازاي
1- سعرها 115000 جنيه
2-مواصفاتها ( فتيس 6 سرعات -سنتر - مرايات كهرباء - فوج لايت - كاسيت بusb - جنط عادي 15 - امكانية فتح الشنطه من الريموت -عدادات شيك كمبيوتر-التحكم في الكاسيت من الدريكسيون)
3-مميزتها
عاليه عن الارض مفيش اي مشاكل مع المطبات-الصالون شيك وواسع-الشنطه واسعه-طبعا الشكل جميل وملفت للنظر بس ربنا يحوش العين عنا-العربيه لما بتقفل الابواب نور االصالون يتطفي بالراحه بطريقه شيك-الكاسيت فيه usb-فيه مدخل 12فولت تحت درج التابلوه -التكيف كويس-2مفتاح قابل للطي ممكن تفتح منه الشنطه- البور بتاعها خفيف جدا( مش عارف ده ميزه ولا عيب) بس هو جميل جدا -العدادات شكلها شيك
العربيه لسه مقدرش احكم على ثباتها علشان لسه مسفرتش بيها
4-عيوبها صوت احتكاك الكوتش مع الاسفلت مسموع مش عارف ليه (هل هو عيب في الكوتش نفسه او في عزل العربيه مش عارف) - لو انت في العربيه وفيه باب مفتوح بتظهر علامه في التابلوه ان فيه باب مفتوح بس مبتبينش ايه باب اللي مفتوح - تحت غطاء الكبوت مفيش عزل - لو قفلت العربيه من الريموت وفيه باب مش مقفول كويس مش بتدي تنبيه بيه.

**kliken** · 14-08-2011 05:06 PM

ما شاء الله و الف مبروك و ربنا يديك خيرها و يكفيك شرها

**Hussein_Ramdan** · 14-08-2011 06:42 PM

المشاركة الأصلية كتبت بواسطة bigwarrior

السلام عليكم
وكل سنه وانتم طيبين
ده تقرير بسيط ومبدائي عن عربيتي الالنترا ال2012 المانيوال معلش من غير صور علشان مبعرفش ارفع الصور ازاي
1- سعرها 115000 جنيه
2-مواصفاتها ( فتيس 6 سرعات -سنتر - مرايات كهرباء - فوج لايت - كاسيت بusb - جنط عادي 15 - امكانية فتح الشنطه من الريموت -عدادات شيك كمبيوتر-التحكم في الكاسيت من الدريكسيون)
3-مميزتها
عاليه عن الارض مفيش اي مشاكل مع المطبات-الصالون شيك وواسع-الشنطه واسعه-طبعا الشكل جميل وملفت للنظر بس ربنا يحوش العين عنا-العربيه لما بتقفل الابواب نور االصالون يتطفي بالراحه بطريقه شيك-الكاسيت فيه usb-فيه مدخل 12فولت تحت درج التابلوه -التكيف كويس-2مفتاح قابل للطي ممكن تفتح منه الشنطه- البور بتاعها خفيف جدا( مش عارف ده ميزه ولا عيب) بس هو جميل جدا -العدادات شكلها شيك
العربيه لسه مقدرش احكم على ثباتها علشان لسه مسفرتش بيها
4-عيوبها صوت احتكاك الكوتش مع الاسفلت مسموع مش عارف ليه (هل هو عيب في الكوتش نفسه او في عزل العربيه مش عارف) - لو انت في العربيه وفيه باب مفتوح بتظهر علامه في التابلوه ان فيه باب مفتوح بس مبتبينش ايه باب اللي مفتوح - تحت غطاء الكبوت مفيش عزل - لو قفلت العربيه من الريموت وفيه باب مش مقفول كويس مش بتدي تنبيه بيه.

بص ياباشا ان العربية عامل بيها كدة تقريبا 2000 كيلو
العربية جميلة جدااا الحمد لله
موضوع صوت الكاوتش دة انا لحظتو بس بتختلف من مكان للمكان يعنى ممكن على طريق الصوت يبقا عالى وطريق تانى الصوت يبقا واطى على اختلف الاسفلت
تانى حاجة هى فعلا مش بتتدى انهى باب اتقفل بس معتقدش دة عيب دة اوبشن
والامهم بس ياباشا لو فى باب مفتوح وقفلت بالريميوت نور العربية مش هيتنور ودة نوع من التحزير الى هو الاشارات
على العموم ياباشا انا عملت صيانة الالف كلو تمام والمهندس هانى قام معاايا بالواجب وذيادة

**Ghosts** · 14-08-2011 06:45 PM

ألف ألف مبروك ....
ربنا يبارك لك فيها ويبعد عنك شر العين ....

**amrsabet** · 15-08-2011 03:07 AM

المشاركة الأصلية كتبت بواسطة hussein_ramdan

بص ياباشا ان العربية عامل بيها كدة تقريبا 2000 كيلو
العربية جميلة جدااا الحمد لله
موضوع صوت الكاوتش دة انا لحظتو بس بتختلف من مكان للمكان يعنى ممكن على طريق الصوت يبقا عالى وطريق تانى الصوت يبقا واطى على اختلف الاسفلت
تانى حاجة هى فعلا مش بتتدى انهى باب اتقفل بس معتقدش دة عيب دة اوبشن
والامهم بس ياباشا لو فى باب مفتوح وقفلت بالريميوت نور العربية مش هيتنور ودة نوع من التحزير الى هو الاشارات
على العموم ياباشا انا عملت صيانة الالف كلو تمام والمهندس هانى قام معاايا بالواجب وذيادة

ا/ حسين
مبروك على عربيتك وربنا يبارك لك فيها ان كان لى شوية استفسارات وياريت لو تساعدنى فيها :

ياترى لو حضرتك امامك شراء الفئة قبل الاخيرة اللى 143 الف و لا تشترى الفولى لودد والتى تفرق مثبت وفتحة وستارت و فرش جلد مع العلم انه يمكن تركيب فرش جلد عن جينز كار للفئة اللى ب 143 والنتيجة هتكون فرق 3 حاجات فقط

الحاجة التانية اخبار العربية ايه من حيث :

استهلاك البنزين فى الصفيحة 20 لتر داخل البلد وخارجها
اخبار العزل ايه داخل البلد يعنى لو حضرتك مشغل التكييف وقافل الزجاج بتسمع اصوات بره ولا خفيف مقارنتا بالانترا الشكل 2010
صوت الكاسيت اخباره ايه مع usb .
التكيف اخباره ايه وهل بيقصر على السحب
راحه الجلوس فى العربية لمده طويلة اخبارها ايه متعبة للظهر ولا لآ
ركنة العربية بالباركينج سنسور سهلة ولا لأ
لو حضرتك بتقارن بين فتحة السقف و ال abs مره تانية كنت هتختار ايه ولو قصادك كافة الفئات انك تشتريها كنت هتشترى ايه
لو هتدفع 155 الف فى الفولى لودد وممكن تزود وتجيب فانتازيا كنت ممكن تقرر ايه وقتها
هل العفشة مع الجنط 16 بتخلى العربية من الخلف بتتنطط زى السيراتو خاصة انها ctba زى السيراتو
التكيف التاتش عملى ولا لآ
الفتيس سلس وناعم فى النقلات بمعنى ان النقلات غير محسوسة ولا لأ

انااسف سامحنى ان كنت هتعبك معايا من كتر الاسئلة بس فى الحقيقة انت الوحيد اللى ممكن يساعدنى فى المنتدى لوجود الفئة gls مع حضرتك وكل سنة وانت طيب ورمضان كريم

شكرا

**Screenplays** · 15-08-2011 04:52 AM

1000 مبروك يا فندم

**seso100100** · 24-08-2011 07:35 AM

الف مبروك يا باشا يا ريت تقولنا ايه اخبار الثبات على سرعة عالية فى المنحنيات ؟

**Mzeid** · 24-08-2011 08:03 AM

الف مبروك و ربنا يبارك لك فيها باذنه تعالى

**bigwarrior** · 06-09-2011 08:55 PM

بعض الملاحظات البسيطه بعد كام مشوار
1-مفيش صفارة تحذير لو زدت عن سرعة 130
2-العربيه حلوه لغاية 140 بس بعد كده العربيه مش ثابته
3-الكاسيت بتاع العربيه عجبني الاوبشن بتاعه كويس
4-درج التابلوه ملوهش مفتاح
5- العفشه نشفه
6- فيها ميزه لو فتحت الابواب بالريموت وسبتها بتقفل لوحدها
7-الوحده الرئيسيه اللي في مسند باب السائق فيها 7زراير اربعه بتاع البيبان الاربعه ودول منورين وال3 التانيين بتاع المرايات والسنتر والرئيسي بتاع تحكم الازاز مش منورين
الملاحظات البسيطه ديه زاد اللي فوق
ان شاء الله هعمل صيانة الالف عندنا هنا في بني سويف وطبعا ديه ميزه
وشكرا