التربية العسكرية

**theking2690** · 15-08-2011 07:22 AM

المشاركة الأصلية كتبت بواسطة yoko

انا رايح بكلريوس وعندي مشكله في ظهري (ديسك) ومش عارف أعمل إيه؟؟؟

عادى يا يوكو بتروح مستشفى حكومى و تجيب تقرير طبى بحالتك و بيعفوك من العملى إنما حتحضر النظرى و لازم برده تحلق شعرك و دقنك و الحوارات ديه

**nouranwar** · 15-08-2011 07:54 AM

انا كانت عليا يوم 31-7 لغاية 8-8 كسلت و مروحتش
شكلي هتعلق
بس رايح بكرة ان شاء الله اقدم من جديد و اشوف ايه الكلام !!؟

**Amr Axel** · 15-08-2011 08:05 AM

المشاركة الأصلية كتبت بواسطة nouranwar

انا كانت عليا يوم 31-7 لغاية 8-8 كسلت و مروحتش
شكلي هتعلق
بس رايح بكرة ان شاء الله اقدم من جديد و اشوف ايه الكلام !!؟

خلي بالك لازم تدخلها و تمتحن فيها و تنجح عشان تعدي منها و تاخد الليسانس او البكالوريوس
و اللي بتحتاجه عشاان تنجح الانضباط ثم الانضباط ثم الانضباط و الحضور لأن يوم واحد غياب الدورة ممكن تتلغي ليك و تعيدها كلها تاني و الكشكول اللي بتقدمه تكون كاتب كل كلمة قالوها و البحث او المجسم اللي هيطلبوه منك تقدمه في الاخر غير الامتحان النظري و العملي بس كده

**MohssenRashed** · 15-08-2011 09:11 AM

لما تدخل جيش و في مركز التدريب تقعد من 30 ال 45 يوم طوابير في الشمس و سلام سلاح و لياقه هتعرف ان اللي انت فيه دلوقتي دلع.

**Zika9909** · 15-08-2011 09:36 AM

المشاركة الأصلية كتبت بواسطة Ralliart

انا هندسة القاهرة ومش عارف اروح في نص السنة ولا آخر السنة وبقدم امتى وفين؟ والموضوع بهدلة جامد ولا لأ؟

أنا بردو هندسة القاهرة زيك.
مكان التقديم في المدينة الجامعية في مبنى 10 تقريبًا (المبنى ده قرب آخر المدينة، يعني هتمشي لما تقول يا بس).
أنا قدمت السنة دي على التربية العسكرية لكن لما جدول الامتحانات نزل لاقيت إن أنا عندي امتحان في أول يوم في التربية العسكرية و طبعًا ماروحتش و كسلت أقدم تاني.
أنا كنت بفكر أروح تاني الأسبوع ده أشوف لو في مواعيد أقدر أقدم فيها حتى لو هتاكل أسبوع من الدراسة بس أبقى خلصت، لو تحب تيجي معايا أهلاً و سهلاً.
الأوراق المطلوبة:
1- صورة البطاقة.
2-صورة الكارنية أو إثبات قيد أو إذن دفع (مش متأكد من إثبات القيد و إذن الدفع، الكارنيه أفضل).
3- صورتين شخصيتين 4x6.

أي خدمة.

**romiobek2000** · 15-08-2011 01:59 PM

المشاركة الأصلية كتبت بواسطة ralliart

انا هندسة القاهرة ومش عارف اروح في نص السنة ولا آخر السنة وبقدم امتى وفين؟ والموضوع بهدلة جامد ولا لأ؟

لو انت السنة الجاية بكالريوس خدها السنة في دورة جديدة في اول 9
بس لو لسه قدامك شوية خدها في رمضان الجي احسن بكتييير

**Islam_Shady** · 15-08-2011 02:31 PM

بص يا كبير
نصيحه
انت ممكن تاخدها من اى جامعه تانيه و بتعمل تحويل بسيط جدا
اسمع ان عين شمس مقرفين و عايشين فيها دور الميرى و بالتالى ممكن تقدم تحويل و تاخدها من جامعة القاهره
انا عملت كده لان ليا صديق كان بيقضى خدمته فى جامعة طنطا و هو اللى ماسك الموضوع ده و قاللى هات بس ورقه انك هاتعملها فى طنطا و جيبتهاله و بعدها بشهر جابلى شهادة تقدير انى قضيتها بامتياز و الحمد لله

فعلا اللى بيتعب بيلاقى :d

**Ralliart** · 15-08-2011 02:32 PM

شكراً على ردودكو يا رجالة هندسة القاهرة
لو قدمت شهر 9 تبقى الاجازة ضاعت
فهقدم في نص السنة او رمضان الجاي ان شاء الله

**Eng.Geo** · 15-08-2011 10:25 PM

المشاركة الأصلية كتبت بواسطة cheetos_892005

ساصنع ...من دمي

طالعلك يا عدو طالع

صاعقه ...هممممم

داحنا شفنا ايام :_alshmokh11:

و محسوبك خدها في شهر المشروع 12 يوم من 8 ل 12

ومفيش اذونات تروح مقابلة دكتور ولا حاجه

كنت بتشطف في الكليه و اغير و اطلع للدكتور

ايام سوده

ههههههههههههههههههههههه
حبيبي :)
انا دلوقتي عرفت اللي كان هيحصل لما قلتلي هلملك بتوع العسكرية ساعة موضوع اللوجان :))))

-

الموضوع: التربية العسكرية

LinkBack

أدوات الموضوع

عرض

-

-

-

-

-

-

-

المواضيع المتشابهه

عن التربية العسكرية أتحدث !

مشكلة التربية العسكرية ..

امتحاااااااااااااان التربية القومية ......!!!!!!!

فين الاهالى و فين التربية ؟؟

الكلمات الدلالية لهذا الموضوع

المفضلات

المفضلات

ضوابط المشاركة