تجربتى مع الكورولا موديل من 92 الى 97

الكثير يسال عن هذا الموديل نظرا لانه من الموديلات المحبوبة للسيارة كورلا ذات السمعة الجيدة فى مصر ونظرا لامتلاكى هذه السيارة لمدة طويلة فدعونى انقل لكم من واقع تجربتى مميزاتها وعيوبها..
السيارة بدأ انتاجها منذ سنة 1992 واستمر هذا الموديل لسنة 1997 وقد لاقى قبولا كبيرا على مستوى العالم وحقق مبيعات خيالية لشركة تويوتا نظرا لانه كان يعتبر فلتة من الفلتتات التى نادرا ما تتكرر وقد بلغ اجمالى الانتاج المحلى عام 1993 80 مليون وحدة.
ودعنا نبدأ بمميزات السيارة :-

* المحرك ذو سعة 1300 سى سى 4 سلندر 82 حصان وهو محرك جيد فعلا وطويل العمر جدا بشرط عدم اهمال صيانته, وهوا غالبا ما يكون كاربراتير ولكن يوجد بعض الموديلات بها موتور 1600 انجكشن وهذه نادرة فى مصر.
* نظام تعليق قوى وحمول يتكون من مساعدين امامية ومقصات وسوست وكبالن داخلية وخارجية ومن الخلف يعتمد على مساعدين وسوست وصلات متعددة.
* صالون واسع يتسع ل 5 اشخاص بالغين وكراسى مريحة.
* صاج يعتبر قوى نسبيا الى الموديلات الحديثة وشاسيهات قوية جدا .
* سهولة الصيانة نظرا لسهولة تركيب وفك موتورها ونظام تعليقها البسيط وتوافر قطع غيارها بكثرة سواء الجديدة او المستعملة.
* سيارة ثابتة ومتزنة على السرعات العالية وتعطيك الاحساس بالامان داخلها نظرا لثباتها الممتاز.
* سعر اعادة البيع اكثر من ممتاز نظرا لوجود قبول كبير على هذا الموديل وتتراوح اسعارها من 50 الى 65 الف جنيه حسب الحالة والموديل والكماليات المتاحة.

عيوب السيارة:-
*محرك 1300 مع التكييف لن يعطيك التسارع الذى ترغبه ولكن بدون تكييف فهو جيد جدا
* " العفشة ناشفة " هذه هى مشكلة السيارة ان عفشتها صممت لكى تتحمل الخدمة الشاقة فجائت " ناشفة " قليلا ولكنها ليست كالسيارة لادا مثلا ولكنها اقل من اللانسر فى موضوع نعومة العفشة .
*خلوص السيارة صغير اى ان ارتفاع السيارة عن الارض ليس بالحد الكبير ( السيارة واطية بعض الشىء ) وهذه تكون ميزة لانها تعطى السيارة ثبات ممتاز وتكون عيب نظرا لظروف الطرق فى بلدنا ويمكن التغلب عليها بوضع جلب ولكن هذا سوف يؤثر على ثبات السيارة طبعا.

هذا ما تطرق فى ذهنى من عيوب ومميزات للسيارة واتمنى ان اكون قد افدتكم وهذه بعض الصور للسيارة...
http://www.mansoura.info/upload/front.JPG
http://www.mansoura.info/upload/tabloh.JPG
http://www.mansoura.info/upload/back.jpg

فعلا يا جماعه العربيه دي تحفه و طلعت ازاي من شركه تويوتا انا م عارف و كان ليا واحد صاحبي في اليابان بيقولي ان دا الموديل المحبوب في الكورولا حتي هناك و انا كنت في الامارات و كان المستعمل بتاعها تمنه اعلي من العيون اللي نزلت بعدها كان زي مصر بالضبط

فعلا انا لاحظت ان سعرها اعلى من العيون وفعلا هيا تستاهل بس يا ترى العيون فيها مشاكل فعلا ولا مظلومة؟؟؟

هيا مافيهاش مشاكل بس الكل بيقول شكلها وحش مش حلو بس انا من رايي ان شكلها معقول و جديد مش تقليدي و غير كده التابلوه بتاعها مش حلو و ثباتها مش زي ال 93 اقل شويه بس مش بطال

شكرا على المعلومات الجميلة اوى :P

العربية دى هى والعيون ممتازين، انا سقت دى وسقت دى

الإتنين روعة

ممكن يكون عيب العيون بس ان شكلها مش على مزاج ناس كتير وتدى إيحاء انها اصغر

بس بصراحة الغتنين ف ى الاداء احلى من بعض

انا من رأى ان اكيد موتور العيون هيبقا اعلى من موتور الموديل الى قبلها بس الحقيقة مبصتش على الموتور بتاع العيون قبل كدة.

1-انا معايا تويوتا كورولا 1994 ومشكلتى ان مش عارف كود الموتور وحولت اجيبه من على انت بس كل مرة يطلع انجيكشن ( اغلب الموديلات منها فى الخارج انجيكشنوموتير 1800 2000 1600 ) لو حد يعرف الكود ممكن يقلى عليه وهو يبقى مكتوب على الكبوت من جوه علشان ده يتوقف عليه حاجات كتيرة فى ظبط الموتور
2-انا شفت فونيس اماميه حديثة للعربية دى محدش يعرف بتتباع فين فى القاهرة وسعرها كام وشاكرين الافضال

اغلب حاجات اليابانى عموما حتلاقيها استيراد و كثيرة جدا فى الحرفيين

تويوتا كورولا 1994 xl1300
ما هى اقصى رعة يمكن تحقيقها بهذه السيارة

أقصى سرعة 175

اقتباس:

---

أقصى سرعة 175

---

مش كتبر شوية على عربية 1300 موديل 94
يعنى 13 سنة
دى حد جابها ولا من الكتالوج