الموضوع: العربية زى السلحفة

مساء الخير يا جماعة ان معايا لانسر 2002 مانيوال سفرت بيها كذا مرة وانا جيبها ملهاش 10 شهور مرة جابت معيا على الطريق 125 ومرة جابت معايا سرعة 150 واخر مرة رحت بيها راس صدر كونت شايل عجل الولاد على الشنطة وكانت الشنطة مليانه حاجات المصيف جابت معايا بالعافية 120 مع التكييف وبدونه وكانت اوقات تتخنق على 80 وتبقى مش قابله زيادة ودواسة البنزين جايبه الاخر وبالعافية تجيب ال 100 وبعد كده تجيب 120 لكن لا زيادة بعد كده اما وانا راجع من راس صدر كانت الحمولة اخف قليلا ولكن كانت العربية متكتفة على 100 بدون تكييف لدرجة ان كنت ماشى على الرابع ولما اجيب الخامس العربية تتخنق اكثر وفين قبل القاهرة بقليل جابت معايا 120 بالتكييف
وناس قالتلى الكربراتير مخنوق فجبت اسبراى تنظيف الكربراتير وفضيت العلبة فى الكربراتير كلها وجربت العربية على الدائرى بدون تكييف وحمولة سفر يدوبك كان معايا الاسرة جابت معايا 130 بس كنت حاسس انها جاية بالعافية شوية مع العلم انى مجبتش الدواسة للاخر فده عيب ايه ديسك واسطوانة والا ايه مع العلم ان rbm على الخامس مش بيعلى عن 3
ارجوكم افيدونى مع العلم انى مغير بوجيهات جديدة فلتر بنزين وهواء جداد قبل التجارب دى كلها