الموضوع: مع بدء عامها الثالث معي اي معلومات عن الليفينا تحت أمركم

المشاركة الأصلية كتبت بواسطة said elmasry

ما أعرفش بالنسبة لقطع الغيار خارج التوكيل
بس سألت على الفرامل الامامية قبل كده في شارع دمشق لقيت الأصلية أغلي بكثير من ثمنها في التوكيل
يبقىالتزوكيل أحسن طبعا
الحمد لله ماغيرتش حاجة اساسا
انا لحد دلوقتي صيانة دورية في التوكيل واسعارهم معقولة
العربية رائعة في كل شيئ
بس بستهلك الفرامل الأمامية معايا بسرعة عشان بأجري بيها دايما وطبعا بادوس فرامل بافترا
بالنسة للبنزين لعربية 1600 سي سي وأوتوماتيك استهلاكها معقول
بس بيزيد شوية مع تشغيل المكييف
العربية سحبها رائع بكل المقاييس ورشيقة جدا في الغرز

بس مافكرتش لما جبتها في فكرة سعر اعادة البيع

السلام عليكم ورحمة الله
اولا شكرا على مساعدتك للناس وربنا يجعلها فى ميزان حسناتك ان شاء الله
بصراحة انا من فترة كنت بافكر اجيب عربية وفكرت الاول فى الجين تو بس فى حاجات خلتنى اتراجع عنها دا غير انها مش موجودة حاليا
فكرت فى البديل وقلت وشفت كذا حاجه منهم الليفينا بالنسبة للعربية انا متعجب جدا لعدم انتشارها مش عارف لية لو قارنت مثلا بالكارينز اللى المفروض الليفينا كاكماليات وسعر احسن دا غير ان دا يابانى ودا كورى ياريت لو فى تقرير كامل عن العربية ومميزاتها وعيوبها
واعذرنى لانى كخبره فى مجال العربيات صفر كبير فاريت تفيدنى اتوكل على الله واجيب اللفينا ولا حضرتك رأيك اية ( وما خاب من استشار )

ان شاء الله المفروض هاجيب عربية فى خلال الاسبوعين دول وربنا يقدم اللى فيه الخير
وشكرا جزيلا وكل عام وانتم بخير تحياتى لكم

أنا مقتنع بالعربية دى مع عدا استهلاك البنزين يا ريت حضرتك تدينا معلومات اكتر عن الاستهلاك بالارقام
وهل قطع الغيار كلها متوفرة بالتوكيل أم تضطر للإنتظار مدة حتى يتم استيرادها؟
وجزاك الله خيراً