في حالة انفجار الاطار الامامي ايه المفروض انه يحصل

فيه حاجه ياجماعه مهمه هل الباور بتاع الدركسيون بياثر في العربيه لما الاطار الامامي ينفجر
يعني بتفرق في حاله ان العربيه فيها باور علي اساس ان التحكم في المقود بيبقي اسهل ولا هي هي نفس الخطوره
لو الواحد علي 70 مثلا وفرمل بعد الانفجار بتاع الاطار يحصل حاجه وهل يفرق وجود الباور من عدمه
طيب لو العربيه علي 70 ما حصلهاش حاجه والراجل فرمل عادي وركن كمان يبقي ده عادي ولا عربيته الماركه المحترمه هي اللي عملت كده ولا ده عادي
معلش قلقتكم بس ياريت حد يفدني وشـــــــــــــــــــــــ ـــــــــــــــــــــــــ ـــكرا للجميع:)

اقتباس:

---

فيه حاجه ياجماعه مهمه هل الباور بتاع الدركسيون بياثر في العربيه لما الاطار الامامي ينفجر
يعني بتفرق في حاله ان العربيه فيها باور علي اساس ان التحكم في المقود بيبقي اسهل ولا هي هي نفس الخطوره

---

سواء في باور او لاء لازم تمسك الدركسيون جامد جدا و الباور عمره ما يفيد في الحالات دي لان الدركسيون بيحدف بغباء ناحيه الفرده المنفجره.

اقتباس:

---

لو الواحد علي 70 مثلا وفرمل بعد الانفجار بتاع الاطار يحصل حاجه وهل يفرق وجود الباور من عدمه

---

طبعا يحصل
العربيه حتتقلب بيه .
.....................
عند انفجار احدي الاطارات الاماميه:

1. تمسك الدركسيون جامد جدا بايدك الاتنين
2. اوعي تمسك فرامل علشان ما تقلبش العربيه.
3. هدي سرعه العربيه بالنقلات العكسيه (من رابع لتالت لتاني لاول)
4. لحد ما تهدي حاول تلزم يمين الطريق
5. تسيبها لحد ما تقف لوحدها

انا ابويا حفظني الكلمتين دول
و و الله انقذوا حياتي



لو فردة ضربت منك متخليش العربية تلف منك .....مش لازم تقف ...مش لازم تفادى الرصيف
بس اوعى العربية تلف علشان ماتتقلبش و تبهدلك و تبهدل خلق الله


امسك الدريكسيون جامد
ماعتقدش هاتلاقي وقت للنقلات العكسية يا حازم - دي كلها كام ثانية
و الأفضل صب التركيز على أهم نقطتين

اقتباس:

---

تمسك الدركسيون جامد جدا بايدك الاتنين
اوعي تمسك فرامل علشان ما تقلبش العربيه

---

.

اقتباس:

---

تمسك الدركسيون جامد جدا بايدك الاتنين
اوعي تمسك فرامل علشان ما تقلبش العربيه

---

100000+

هو ده الكلام ....بس عايزين حد يعمل موضوع لأسباب انفجار اطارات العربية

طيب ياجماعه حصلت والعربيه مشيت عادي فهل ده يكون من العربيه ولا لان العجل بتعها عريض والسمك بتاعه صغير يعني 185 60 14 مثلا ولا نوع العجل ولا البور
طيب فيه ناس قالت العربيه هتنقلب بس ده ما حصلش هل تفرق لو كان علي 50 مش سبعين
كمان المفروض العربيه كده كده تحدف ليه ده ماحصلش ده اللي نفسي اعرفه
وجزيل الشكر علي المعلومات القيمه للمشاركين

ممكن حظه كان كويس

حازم باشا قلك علي الخلاصة

دنتا حتي ممكن تبقي ماشي علي 50 و العربية تبهدلك لو الكوتش فرقع

انا مرة كنت ماشي علي 30 و الكوتش الادماني فرقع و مدرتش بنفسي غير وانا علي الرصيف

الحمد لله ربك سترها و غيرت جنط و عدلت عمود الكرنك

اقتباس:

---

المشاركة الأصلية كتبت بواسطة hazem_khidr

عند انفجار احدي الاطارات الاماميه:

1. تمسك الدركسيون جامد جدا بايدك الاتنين
2. اوعي تمسك فرامل علشان ما تقلبش العربيه.
3. هدي سرعه العربيه بالنقلات العكسيه (من رابع لتالت لتاني لاول)
4. لحد ما تهدي حاول تلزم يمين الطريق
5. تسيبها لحد ما تقف لوحدها

---

شكرا علي البنصيحة الغالية
وربنا يعافينا وإياكم

شكرا على النصيحة الجامدة دية

انا مش فاهم انت حصلك موقف و عايز تفسير له ولا انت بتسأل...
لو الكاوتش رفيع العربيه مش هتحدف زى مع الكاوتش التخين...كل ما الكوتش يرفع هيكون أأمن و العربيه اثبت بس ضهرك و العفشه هيتقطموا...
المشكله ان الكاوتش لما يضرب القطر بتاعت العجله المخرومه بيصغر و يخليها تمشى ابطأ، فيبقى فيه جنب ماشى اسرع من جنب و العربيه تلف...
انا قبل كده سقت البولو و كان فيها الاستبن الاصلى الصغير راكب قدام و كان مكتوب عليه تحذير متمشيش اكتر من 80 بس انا جبت 120 بس كانت بتحدف بغباء، بس طول ما انت ماسك الدركسيون كويس مش هايحصل حاجه...
و ممكن تفرمل عادى بس متخليش العجل يقفش، بس دايماالناس بتبقى متوتره فى المواقف ديه، فيستحسن متلمسش الفرامل عشان لو كبست جامد هتعمل كارثه

ببساطه الناس كلها اجمعت ان العربيه لازم تحدف - بغباء- دا اذا ما انقلبتش حلو
العربيه اللي انا بحكي لكم عنها محصلش الكلام ده :eek:
السؤال ليه الكلام ده محصلش؟
انا كنت شاكك في الباور بس الناس قالت لا
كل اللي انا عاوز اعرفه ليه العربيه ما حدفتش
ملحوظه كلام الراجل ثقه وكان فيه ناس شهدوا علي كده
مستني اعرف من خبراء المنتدي وشكرا لكل اللي فادني بالمعلومات دي و شكر مقدم للي ناوي يفدنا

يا ساده يا اعضاء في المنتدى الجامد ده انا عاوز اعرف ليه ما حدفتش تفتكروا السبب ايه او حد يفسر بس محدش فادني في الموضوع ده
والناس اللي ردت واضافت اننا المفروض نعمل ايه مشكورين للافاده

انا عاوز اعرف ليه ما حدفتش تفتكروا السبب ايه او حد يفسر بس
وشكرا مقدما