عرض للطباعة
السلام عليكم ياشباب
انا عندي فريم لكاسيت الأفيو للي عاوز يغير الكاسيت الأصلى بتاعها طبعا هيحتاج فريم عشان شكل التابلوه وطبعا هو جديد بدون اي خدوش نهائي كأنه زيرو هو ينفع للكاسيت السينجل والدبل لأنه معاه علبه شيك جدا لو هتستخدم كايت سينجل ولو كاسيت دبل بتشيل العلبه.
المهم انا كنت جايبه ب 300 جنيه من عند ادريان مصر الجديده
ودلوقت عرفت ان سعره 250 جنيه
وان شاء الله انا طالب في الفريم بتاعي 150 جنيه
أ/ سامر - 0105842752
السلام عليكم
ازيك يا ا سامر
انا عندي افيو و فعلا كنت محتاج الفريم ده
بس بعد اذنك انا كنت عايزك تحط صوره ليه و هو راكب و ياريت توضح في صوره تانيه الدرج الي معاه ده شكله ايه مفتوح و مقفول
و كنت عايز اعرف حضرتك عايز نتقابل فين لو في نصيب عشان انا مش من القاهره
و اخر حاجه ان السعر بصراحه كتير عليا شويه عشان انا كان في واحد بتاع كاسيت هيعملي الفريم ده و بسعر ارخص من كده بكتير و بيعمله بنضافه جدا علي فكره و شوفته في عربيه واحد صاحبي
فالسعر مش مناسب فشوف ايه يناسب حضرتك
شكرا جدا و متنساش الصور :)
كنت فين من شهر:) ...! ربنا يبارك في البيعه.. علي فكره الجديد ب 250 و برضوا السعر اللي انتا كاتبوو مغري جدا ..
طب بقولك ايه يا سيجما
متعمل فيا معروف و تصورهولي و هو راكب عندك؟
و بعدين انت حاطط كاسيت سينجل ولا دبل؟ عشان انا عايز اركب سينجل و عايز اشوف الدرج الي بيركب ده شكله ايه؟
حاطط سينجل بايو 9350 بص الشكل زي ده بالظبط مع فارق الكاسيت طبعا و الفرش بيج عشان اوتوماتيك...بص يا باشا انا عن نفسي شايف ان 150 جنيه مش كتير لاني جيبتوا ب 250 و علي فكره الدرج بيكون درج تحط فيه الريموت..الموبايل ..الخ
نصيحه الفريم بيكون بتاعها مكان المسامير بيكون موجود..يعني مفيش اي فراغات بين التابلوه و الفريم او بين الفريم و الدرج..و مبيخليش شكل التابلوه ملعبك.. او وحش لان زي منتا عارف تابلوه الافيو كبير و اي لعب هيخلي شكل الدنيا عندك مش مظبوط..
و نفس الفريم ده بتحتاجو لو هتركب دبل دن بس طبعا بتشيل الدرج..لان مقاس كاسيت الافيو بيكون اكبر من الدبل ..فلازم فريم يعوض الفرق..يا ريت تصورلنا الفريم اللي بتتكلم عليه و نقارن الشكل ..
ملحوظه ..الصوره من العضو اشرف العدوي ..من الموضوع ده ايام لما كنت بسأل علي شكل السينجل في الافيو.
http://www.nileup.com//uploads/image...5a5ba9533f.jpg
طبعا انتو حرين اتفقو علي السعر اللي انتو عايزينو بس ده رايي و الله اعلم :)
شكله شيك فعلا بس صاحب الموضوع مدخلش تاني اصلا..هبقي اكلمه عالموبايل ان شاء الله
الفيبره اللي بتكلم عليها بتتعمل مخصوص مش بتتباع.. و لو عرفت اجيبلها صوره هرفعها بس هي من غير درج بتتحط عالمقاس و خلاص
اسف جدا عالتأخير في الرد ياجماعه بس النت كان فاصل عندي
وتم بيع الفريم الحمد لله بالسعر المطلوب
ورمضان كريم واسف مره تانيه عالتأخير في الرد