ايجار سياره لمده ثلات اسابيع

**araberphilosoph** · 15-08-2011 12:02 AM

السلام عليكم جميعا

انا جاي اجازه مصر ان شاء الله 3 اسابيع وعايز ااجر غربيه من غير سواق في المده دي
حد عنده اقتراح معقول او شركه محترمه ويكون سعرها معقول

وعندي سؤال برده
اخبار الحاله الامنيه ايه في تقديركم انا جاي بالاسره كلها وحماي وحماتي (المان) ومزرتش مصر من سنتين تنصحوني بايه

شكرا مقدما

**M.Alaa92** · 15-08-2011 12:31 AM

بص فى شركة avis مثلا و كدة و دول ناس محترمة جداااااا
انصحك ابعد عن محلات الايجار حتى و لو ببلاش
بالنسبة للحالة الامنية الحمد لله شبه مستقرة بمعنى بلاش السفر بليل ع الطرق السريعة
ان شاء تستمع ب اجازتك ف مصر

**elrasy** · 15-08-2011 03:00 AM

انا اتعاملت مع avis و hertz
الاتنين محترمين اوى هما بيكونوا اغلى من محلات الايجار العادية بس بتريح بالك من حيث حالة العربية والتأمين.

ودايما بحجز من المطار وبتلاقى اغلب الشركات الكبيرة وبتسال وتختار احسن سعر,,

بخصوص الحالة الامنية الامور زى الفل كنت لسة فى اجازة من اسبوعين ولفيت كتير والحمد لله الامور كلها بخير

**araberphilosoph** · 15-08-2011 11:27 AM

شكرا جزيلا علي الاجوبه
انا باحجز دايما من علي النت
العربيات الموجوده ايه تقريبا انا قرات عن لانوس او لوجان
حد يعرف في الحجز العادي ايه الموجود حاليا عشان احنا اربعه وطفل ومش عايزها تبقي ضيقه اوي يعني
شكرا

**محمد عز** · 15-08-2011 01:37 PM

أخي العزيز

قدامك شركات كتيره محترمة بس اعمل حسابك ان ايجار العربيه فى ال 3 اسابيع هيكلفك حوالى 6 الاف جنيه

المميزات :

معاملة محترمة
عربيات كويسه
مبياخدش منك اى ضمان (شيك - كمبيالة - وصل امانة)
فى حالة السرقة او التلف بتخسر مبلغ التامين اللى بيكون حوالى من 200 ل 500 دولار وده يعتبر رقم صغير لو قارنته بتمن العربية فى المكاتب التانية

الشركات اللى اتعاملت معاها

يوربكار Europcar

سيكست SIxt

سمارت كار

الحقيقية كمعاملة واسعار سيكست افضل من يوربكار ، لكن يوربكار بتديك كليومتر مفتوح وده بينفع فى الاجازات القصيرة

طالما انت نازل 3 اسابيع ف 150 كليو فى اليوم هتبقى كفاية

سمارت كار رخيصة لكنهم فى الاخر شركة محلية بحاولوا يقلدوا الشركات العالمية ، كاتبين شرط غريب ان لو العربيه اتسرقت تدفع تمنها

انا ارشحلك سيكيت اجرت منهم الاجازة اللى فاتت سوبار امبريزا سيدان اتوماتيك موديل 2009

**egyptawy2010** · 15-08-2011 01:59 PM

طيب كام سعر الايجار ههل ممكن الاقى حاجة ب 200 جنيه

**evram** · 15-08-2011 02:53 PM

المشاركة الأصلية كتبت بواسطة araberphilosoph

السلام عليكم جميعا

انا جاي اجازه مصر ان شاء الله 3 اسابيع وعايز ااجر غربيه من غير سواق في المده دي
حد عنده اقتراح معقول او شركه محترمه ويكون سعرها معقول

وعندي سؤال برده
اخبار الحاله الامنيه ايه في تقديركم انا جاي بالاسره كلها وحماي وحماتي (المان) ومزرتش مصر من سنتين تنصحوني بايه

شكرا مقدما

مزرتش مصر من سنتين و جاي تزورة دلوقتي في حالته الزفت دي بص انا عن نفسي كان ليا قريبي في امريكا و جلين مصر و نصحتهم ميجوش انت ممكن تبقي ماشي في الشارع عادي جدا تلاقي رصاص جاي مش عارف منين وارد تلاقي واحد ميت علي كتفك و انت ماشي في السكه بجد الحالة بقيت زفت الزفت و مفيش شرطة و مبقوش يعملوة حاجة انا بنزل دلوقتي و بقول يارب ليا عمر ارجع بيتنا ولا لا و محدش يقولي مش للدرجة دي لاني جربت كزا مرة و الشوارع بقيت مناظر جميله ايو اوي اوي كله زباله و تكسير و قرف و علي العموم انا مليش في ايجار العربيات بس انا حبيت اقولك شكل مصر حاليا

**bisoo** · 15-08-2011 04:43 PM

مصر فيها......... عفارة
مصر فيها ....... روح شريرة
مصر فيها........ ناس همج (الا من رحم ربي) وانا عن نفسي بحاول اتعلم الهمجية والبلطجة بس مش عارف ادعولي اني اتعلمها ويا سلام لو اعرف اشيل سلااااح
مصر فيها........ ناس حرامية(بلطجية) (الا من رحم ربي) فعلا مصر دي هي العسل الاسود
علي فكرة الزمن اللي احنا فيه المحترم ف اي وقت ممكن يتحول يا اما قاتل او مقتول
في نسبة (كتيرة) من الناس مبقاش عندهم صبر ومستعدين انه يتخنقوا ف اي لحظة خلاص مفيش سماحة الدين ولا رزانة العقل انا مش متشائم .........بس للاسف ده الواقع حاليا
ادعولي بقي اكون بلطجي كده او اسافر ملهاش حل تاني (رأي الشخصي)

**أحمد كمال** · 15-08-2011 07:06 PM

المشاركة الأصلية كتبت بواسطة evram

مزرتش مصر من سنتين و جاي تزورة دلوقتي في حالته الزفت دي بص انا عن نفسي كان ليا قريبي في امريكا و جلين مصر و نصحتهم ميجوش انت ممكن تبقي ماشي في الشارع عادي جدا تلاقي رصاص جاي مش عارف منين وارد تلاقي واحد ميت علي كتفك و انت ماشي في السكه بجد الحالة بقيت زفت الزفت و مفيش شرطة و مبقوش يعملوة حاجة انا بنزل دلوقتي و بقول يارب ليا عمر ارجع بيتنا ولا لا و محدش يقولي مش للدرجة دي لاني جربت كزا مرة و الشوارع بقيت مناظر جميله ايو اوي اوي كله زباله و تكسير و قرف و علي العموم انا مليش في ايجار العربيات بس انا حبيت اقولك شكل مصر حاليا

ربنا يهديك ......

**أحمد كمال** · 15-08-2011 07:09 PM

المشاركة الأصلية كتبت بواسطة araberphilosoph

السلام عليكم جميعا

انا جاي اجازه مصر ان شاء الله 3 اسابيع وعايز ااجر غربيه من غير سواق في المده دي
حد عنده اقتراح معقول او شركه محترمه ويكون سعرها معقول

وعندي سؤال برده
اخبار الحاله الامنيه ايه في تقديركم انا جاي بالاسره كلها وحماي وحماتي (المان) ومزرتش مصر من سنتين تنصحوني بايه

شكرا مقدما

الحالة الامنية لوز العنب و انا في اخر فترة سافرت بالعربية شرم و الغردقة و الحياة زبادي في الخلاط

اجر عربية من شركة multinational زي ما الزملاء قالوا لك عشان ما تلبسش مع مكاتب الايجار (وصل امانة بتمن العربية و عربيات حالتها زفت الخ الخ الخ)

انا ما اجرتش في مصر مؤخرا ...... بس انا اتعاملت مع SixT في خدمة تاكسي لندن بتاعتهم و كانوا محترمين و مهنيين جدا في التعامل و ملتزمين بالمواعيد .....

الموضوع: ايجار سياره لمده ثلات اسابيع

LinkBack

أدوات الموضوع

عرض

ايجار سياره لمده ثلات اسابيع - انشر الموضوع فى :

-

-

-

-

المواضيع المتشابهه

سؤال عن ايجار سياره

ايجار سياره كابورليه

ايجار سياره لمده شهر ؟؟

شقه ايجار لمده اسبوع في القاهره

ايجار سياره في مصر

الكلمات الدلالية لهذا الموضوع

المفضلات

المفضلات

ضوابط المشاركة