الموضوع: شوية كماليات للنوبيرا حد عندو افكار؟؟؟

هقلك الي اعرفه
بالنسبه interior ممكن تركب الفرامات الابانوس بتاع الطبلوه الاتوماتك ودي تجبها من عند حد بتاع استيراد
بس معرفش اسعار
وممكن تدور على حليه كاربون فايبر او ابانوس بتركب فى فرامات التبلوه الي هى around مفاتيح التكييف والتسجيل والكب هولدر و حولين فيبر الابواب من جوا

ممكن تعمل فرش جلد للابواب بيكون الجزء البيضاوي بس ودا هتجبله 1 ونص جلد تقريبا المتر ب 25 وعلبتين لزق العلبه ب 10 جم
وتروح لسروجي يعملهملك هياخد مصنعيه تقريبا 50 جم
فى نيكل مسطره بيتباع بالمتر ممكن تجيبه وتحد بيه اجزاء من الطبلوه والابواب
فى دواسات super glow بتلمع اوي بيبقى لونها احمر او ازرق او سيلفر وشكله جوا شيك جدا وبالنهار خرافه انا جايبهم عندي فى عربيتي
الفوانيس بيجلها نواكل الامامي ب 70 والخلفي ب 70 والمريات با 50 فى لمبات بتركب فى النور الصغير ليدات فى الفنوس الامامي
بالنسبه لنور interior فى ليدات بتركب مكان نور الصالون ونور القراءه ولونها تلجي بليل بتبقى تحفه
بالنسبه لجرايد الابواب دور على لزق دبل يكون سمكه رفيع جدا وركبهم وان شاء الله موش هيطلعوا تاني

بالنسبه للتجليد الي شفته اسود مط ونيكل واسود لامع واحمر وابيض وفى كمان كاربون فايبر دا اشرس واحد فيهم كنت جبته عملت بيه العتب من برا تحت كل باب كدا بتحافظ على العتب وتدي شكل حلو وممكن تعملهم باك جروند لنمر العربيه

غير cover الدركسيون هات حاجه فىها شغل سعره 40 جم هتحس بفرق او ممكن تجيب طاره دركسيون race
نيجي لحاجات اعلى شويه ممكن تركب شاشة عرض و بركينج سينسور او فى مرايه الصالون عباره عن شاشه عرض فيها usb port +aux تقريبا سعرها 300 وهى برده فى نفس الوقت مرايه وفيها تعتيم ذاتي و مرايات ضم ب 1700 جم علبة شكمان ديفل من 400 وانت طالع


على فكره التجليد الاسود مط المتر ب 3 جم بس طبعا فى حاجات احسن وعلى حسب المكان الي بتشتري منه

بالنسبه لنور النمر الخلفي مع النور الصغير بيركب فيه نور لونه مزرق تقربا ليدات برده
لو كنت موش مجنط فى covers للجنوط الحديد نيكل كروم اشكال كتير الي يشفهم يفتكرهم جنوط الا اذا ركز وشاف الافيز
فى حاجات كتير ممكن تعملها انا كنت بحتار اعمل ايه فكنت انزل عند اي حد بتاع اكسسوارات وافتح معه فى الكلام واقله عاوز اروق العربيه طب عندك اي اكسسوارت للنوبيرا وكدا بس لوالاكسسوارات معجبتنيش موش بطول معاه يعني اخري 10 دقايق واقله شكرا بس ممكن اخد من عنده معطر عشان ممكن يكون عنده حاجات بس موش وقتها فاهم انت وشاطرتك فى التعامل
بس عموما فى افكار كتير واحسنلك انزل واتفرج اكيد هتلاقي حاجات كتيره تعجبك