نيسان ليفينا

**link** · 15-08-2011 12:21 AM

انا محتار في السيارة ليفينا جميلة وشكلها عاجبني وخصوصا انها قريبة من التيدا في الموتور وكده...بس خايف من كذا حاجه:
1) موضوع التقفيل الصيني
2)موضوع سعر اعادة البيع
3)موضوع ان العربية مش منتشرة وده ساعات بفكر فيه على انه ميزة انك ماتركبشي عربية مرطرطة في الشارع بس ف مصر لازم تكون مرطرطة عشان تعرف تلاقيلها قطع غيار وكمان انا هقسطها على 5 سنين ف نفسي بعد الخمس سنين دول تبقى لسه بحالتها ومش عارف اعمل ايه خصوصا اني بفكر في الالنترا الجديدة برضه.....محتااااااااااااااا� �ر اويييييييييي

**SonaSteel** · 15-08-2011 12:48 AM

طيب انت ممكن تمسك العصايا من النص وتشوف التيدا وتقفيلها المكسيكسي راائع ومحدش اشتكي منه و منتشرة الي حد ما الانتشار اللي يطمنك ... والعربية واسعه جدا ماشاء الله والشنطة بحر
لو الليفينا ... ناس كتير بتشكر فيها وتكييفها والتكنولوجيا بتاعتها ... حتي التقفيل الصيني مش باين خالص
وادام نفس ماتور التيدا يبقي متقلقش من اي حاجة في الماتور .. ووممكن تلف لفة في فهرس نيسان هتلاقي اسعار قطع غيار اللفينا لكي يطمئن قلبك :))
ومتنساش الاستخارة وربنا ييسرلك الخير يااااارب

**Bishoy.Girgis** · 15-08-2011 01:22 AM

رأيي الشخصي ان تشتري الليفينا و بصراحة حتي لو مش منتشرة ايه المشكلة ؟؟ قطع الغيار هتلاقيها في التوكيل و صيانتها في التوكيل و بالنسبة لموضوع اعادة البيع عايز اقول لك ان السوق المصري ابتدأ نوعا ما يفهم في العربيات القيمة زي ما كانت النيسان بتتجمع في مصر من 2006 و بدأت في الانتشار الفظيع فقط نت 2008 او 2009 و بصراحة انا برجح الليفينا عن التيدا و خصوصا انك عايز تطلع من الهاتش باك و كمان شنطة محترمة وواسعة و علي فكرة التقفيل الصيني في عربية زي الليفينا لا يمكن هيكون زي اي عربية صيني زي الاسبرنزا مثلا

الصراحة كده انا من النوع المجازف اللي بيحب الحاجات اللي مش منتشرة و في نفس الوقت تكون قيمة و كنت هختار الليفينا لو كان معايا فلوسها لما كنت بشتري

**Gen2Sniper** · 15-08-2011 06:17 AM

انا زيك برضة بافكر فى العربية دى بجدية ان شاء الله واحتمال اخلص فيها خلال اسبوعين
ياري لو فى حد يفيدنا لانى شابف انها افضل من الكارينز ومش عارف ازاى العربية دى مش منتشرة
وما تنساش الاستخارة وربنا يقدم اللى فيه الخير

**Said Elmasry** · 15-08-2011 01:11 PM

العربية تقفيلها أكثر من ممتاز
كل حتة محفور عليهااسم نيسان
سحب مالوش حل
ارتفاع عن الأرض ممتاز
واسعة جدا
شنطة كبيرة
ثبات لحد 190 ودي اكثر سرعة جتها بيها على طريق الكريمات
توكل على الله العربية داخلها على 3 سنين معايا وماشاء الله عليها
عيبها الوحيد بتستهلك فرامل أمامي

**egypt0777** · 15-08-2011 06:51 PM

المشاركة الأصلية كتبت بواسطة Peaceman

و علي فكرة التقفيل الصيني في عربية زي الليفينا لا يمكن هيكون زي اي عربية صيني زي الاسبرنزا مثلا

انت جبت من الاخر

**alaasaid** · 16-08-2011 01:36 PM

المشاركة الأصلية كتبت بواسطة Said Elmasry

العربية تقفيلها أكثر من ممتاز
كل حتة محفور عليهااسم نيسان
سحب مالوش حل
ارتفاع عن الأرض ممتاز
واسعة جدا
شنطة كبيرة
ثبات لحد 190 ودي اكثر سرعة جتها بيها على طريق الكريمات
توكل على الله العربية داخلها على 3 سنين معايا وماشاء الله عليها
عيبها الوحيد بتستهلك فرامل أمامي

الله يطمنك