سلك دبرياج الابيزا اتقطع مني ؟

يا جماعة النهارة الساعة 3 صباحا و انا راجع البيت سلك الدربياج بتاع الابيزا اتقطع ... يلا.. شكلي اخدت عين محترمة :(

انا عايز حد بتاع قطع غيار كويس في مصر الجديدة ( غير سامح اللي في شارع دمشق ) و ينفع انا اركبة ؟

في محل في شارع دمشق اسمه سامي هلال بيشتغل في الألماني, و هو محل نظيف بصراحة. و في أكتر من محل شغال في الvw , Seat
في شارع دمشق.

سلك الدبرياج لموديلات الابيزا 94-99 سعره حوالي 70-90 جنيه و دة كان صناعة الاتحاد الأوروبي. أنا مركبه عندي و شغال كويس الحمد لله.
سلك الدبرياج لموديلات 2000 أو أعلي كان سعره حوالي 270-300 جنيه.

بالنسبة للتركيب, دة حسب خبرتك, بس الأفضل ميكانيكي يركبه و علشان يضبط علو الدبرياج صح.

انا نزلت اشتريتة دلوقتي من سامح اللي في شارع دمشق .. و ركبتة ..

جبت سلك الدبرياج تركي ب 40 جنيه .. و ركبتة ب 10 جنيه ؟؟؟؟ هل كدة كويس ؟؟

أعتقد كدة كويس.
اتأكد بس انه أثناء تركيبه ظبطلك علو الدبرياج زي ماأنت متعود عليه علشان تحافظ علي الاسطوانة و البلية .
ربنا يباركلك فيه :)