هام جدا لملاك CD changer الآصلي في اللانسر السبورت
اللانسر السبورت والسوبر اكشن الشكل القديم تحتوي على وحدة راديو كاسيت ووحدة CD changer يتم التحكم فيها من وحدة الراديو كاسيت وهي بالمناسبة audio فقط مش MP3
تكرر أكثر من مرة أن يأتي العميل الى مركز الخدمة في التوكيل شاكيا من انحشار السيديهات في وحدة CD changer وللأسف بيتم في الغالب اعتبار الموضوع ده سوء استخدام وتحمل العميل تكاليف الاصلاح.
علشان كده حبيت أوضح ايه التعليمات المطلوبة في استخدام وحدة CD changer علما بأنها تحتوي على 6 سيديهات
1- طريقة ادخال السيديهات ان يتم ضغط زر رقم (1) فتنور اللمبة متقطع ولما تقف يتم ادخال السي دي ثم تنور متقطع وتقف ، بعدها يتم ضغط زر رقم (2) فتنور اللمبة متقطع ولما تقف يتم ادخال السي دي الثاني وهكذا ... وتستغرق العملية دي حوالي نصف دقيقة لادخال السيديهات الستة
2- نتيجة ان حجم الوحدة صغير (ده في رأيي الشخصي) فالمساحة المحددة لكل سي دي محدودة جدا ومقاسة بالملي وبالتالي تعلميات الشركة لازم تستخدم سيديهات أصلية فقط حيث أن السيديهات المقلدة او الفاضية وانت تملاها بتكون مش مستوية وبها بعض الانبعاج البسيط لكن مع وجود السيديهات كلها بيحصل انها تنحشر خاصة كمان لو كان واحد فيهم عليه cover ورق - لذلك ينصح باستخدام السيديهات الأصلية (رائد) وبلاش (مزيف) :D :D
3- لو ضروري تستخدم سيديهات عادية انت اللي ناسخها ومش اصلية (الواد مزيف يعني) يبقى كفاية تستخدم ثلاثة سي دي فقط في نفس الوقت مش الستة كلهم علشان يكون فيه space يسمح بحركتهم (وده من خبرات مجرب).
كفاكم الله شر (مزيف) وسداد تكاليف اصلاح السي دي
