أنا ليا في كل عربية تشد إنتباه الناس وهي ماشية في الشارع هل في سبب وراء سؤالك أخيرا جبتلي عربية مفيدة مثلا
بص انا وانا راكب المكروباص شفتها هي عربية من الاشكال القديمة اوي دي الي برفارف وعتب بس ضخمة كدا ومتبهدلة ولونها بني وفيها كشافات مدورة
لو ليك فيها ممكن ابق انزلك مرة شبين الكوم اسالك عنها وكدا
يا راجل يا طيب إنت لسه حتستنى كنت تسألني كده إنت شوقتني على طول يا صحبي تجيبلي قرارها نشوف حكايتها إيه وبكام وإسمها وشوية صور في موبايلك الكريم عشان أجيلك شبين الكوم نشوف إيه قصتها أرجو تسرع الموضوع قدر الإمكان قبل أن أشتري سيارتي السادسة عشان نظبط الميزانية
صدقني لو كان معايا ملاكي كنت وقفت وسالتلك بس هي برا شبين مش جوا البلد فا مكنش ينفع اوقف المكروباص وانزل اسال لان السواق الكريم بيركب اربعات
بس هحاول انزلك تاني واشوقلك قصتها
بجد شكرا يا غالي وأنا حستناك أرجوك متموتليش الموضوع أحسن الكآبة ركباني ومفيش عربية تستاهل الواحد يشد فيها ويتسلى ويقضي وقت جميل ده أنا النهارده من زهقي بعد مصليت الفجر في الجامع نزلت عملت بولش وواكس تحت البيت لنص عربية من عربياتي عشان زهقان أوي وقلت النص أخلصو في يوم تاني حسب الزهق بئه ومستنيك
ههههههههههههههههههههههههه ه
و الله يا باشا ضحكت
اولا فبل الضحك لما تنزل شبين الكوم لازم تشرفني و الله و نقعد مع بعض قعده حلوه ان شاء الله - انا قاعد مابين شبين و كايرو
ثانيا يا راجل يا طيب انت غاوي وش الضنايعيه و لا انت عتدك ورشه اخوك مثلا بينفذولك اللي انت عاوزه ؟
هههههههههههههههههه
و الله هيا هوايه محترمه جداا بس مش لدرجه لاكتئاب ان ما فيش عربيه تشدها ...... ربنا يوفقك يا رب
==============
انت لو فاضي كده انا ممكن اوكلك بحاجه انا عاوز اعملها بس مش فاضيلها انا عاوز اشتري عربيه ماروتي لمراتي في حدود عشرينات كده بس اهم حاجه انها تكون نظيفه علان انا مش فاضي لوش الصنايعيه
ايه رايك في البروجكت ده و الله لو موافق ان ها اجيلك و اسيبك الفلوس
ربنا ما يحرمك من صلاه الفجر
سلام
هو في سبب ...انني عاشق للسيارات حتي النخاع و هاوي للكلاسيك و مدمن حاجة اسمها مرسيدس - بنز
ربنا معاك في شدهم الponton عربية جميلة بالفعل انا ركبت واحده 220S ال W180 كانت عربية حلوه و بعدها ركبت 220SE كوبيه فابريكة متلمستش من اي ناحيه شكلها مميز و ظريف...اتصدمت من نعومة العربية اللي راكبتها قبلها ماكنتش ناعمة اما ال220SE كانت ناعمة و مريحة و موتورها انجكشن كامل 6 سلندر و فيها باور جيد جدا و ازاز كهربا و كل الصالون جلد طبيعي و التابلوه فخم للغايه كانت مانيوال الفتيس زي العربيات الامريكاني عن الدريكسيون
اتمني في يوم امتلك W100 600 او W113 SL pagoda الاتنين اروع من بعض في نظري
الصديق الطيب أنا أشكر ليك ثقتك أنا عندي كذا هواية في الدنيا بس لما تضيق عليا الدنيا وتكون مخنوق من حال البلد سياسيا وإقتصاديا أو تكون مش مستريح في بيتك أو مش مهتم بإهتمامات أصحابك فأهم حاجة تلاقي لنفسك حاجة تشغل نفسك بيها وأنا بارع جدا في التصاميم وتغيير أشكال السيارات ولما أمسك عربية أقعد معاها كام شهر أغير حياتها وأخليها ماشية في الشارع بشرط كل اللي حواليك وإنت ماشي يا يصوروا العربية يا يبعتولك إشارات إعجاب باللي إنت عاملو في عربيتك وده حسب مزاجي وأنا مرة مسكت عربيتي رقم 2 لمدة سنة صرفت عليها حوالي 40 ألف جنيه كماليات وفي الآخر بعد مبقت أشهر عربية في الشارع المصري وجننت الناس رحت راكنها ومغطيها وقررت أدخلها المرحلة التانية من التعديلات بس حتكلف مبالغ ضخمة وأنا للأسف عندي عربيتين ماسكين دور على الشد والتالتة بتتشد ولسه سكتها طويلة أما موضوع حب الصنايعية فأنا بكرههم بس أنا عندي طريقة تعامل حلوة وأنا شبعان فمحدش منهم يقدر يعمل معايه حركة مش محترمة وبعدين مثلا العربية شدها إيه أهم حاجة في العربية هي السمكري ثم السروجي ثم البوهيجي ثم بتاع الفيبر ثم العفشجي ثم الخراط ثم شغل الجنوط والكماليات المستوردة دي تخضع لخبرتك أما أنا أشتريلك عربية فإعفيني أنا مبحبش الدور ده أنا ممكن مجانا أعاينلك عربية من باب العشم ممكن أبعتك لأشخاص يشدولك شوية حجات ممكن أشوفلك موضوع إني أطورلك عربية أنا مرة شخص معانا هنا في المنتدى معاه عربية مرسيدس موديل 91 بس حجم 560 إس إي إل طلب مني أطورلو العربية أحسن من أي أم جي قلتلو أنا ممكن أعملها هدية مني ليه بس يسيبلي العربية 3 أو 4 شهور ويسيبلي 20 ألف وحسلمو مرسيدس أخلي اللي راكب عربية أم مليون ونص يزعل إنو دفع في عربيتو فلوس وهكذا زي مبعمل مع عربياتي وأنا تحت أمرك بعدين تعالوا هنا يا رجالة أخبار طلبي وحد وصل لعربيتي اللي أنا طالبها رويال صالون تويوتا كراون موديل 1990
يا باشا ربنا يوفقك و يكرمك في اللي انت عاوزه .... و ماتزعلش مني لو قلتلك عل موضوع الماروتي قصدي بس اني مش فاضي ادور و الله و انت قلت انك زهقان ..
مره تانيه اعتزازي الشديد بهوايتك مشكله عربيتك انك ممكن تلايها بس في السعوديه انا رحت الكويت و ما شفتهاش هناك عموما الشمكله التانيه ازاي تجيبها من السعوديه لان لو انك هاتشتريها و تنزلها يبقى لازم تكون اول يد و لا انت ليك سكه لو حد جابها تربتيك ؟
انا ليا اخويا في السعوديه و ممكن نخدمك بس مش عارف ازاي هانبعتها مصر.
انا هانزل قريب جدا مدينه نصر و لو حضرتك هاتكون فاضي يشرفني اقابلك و اشرب معاك شاي
جزاك الله كل خير يا راجل يا محترم أنا بروح مدينة نصر أحيانا بس أنا عزلت من مدينة نصر من فترة بس أحيانا بروح أركب كماليات والكويت فعلا العربية قلت فيها بشكل فظيع بسبب إن العراقيين لموها كلها أما موضوع أخوك في السعودية ففعلا كلامك صحيح بس بتاعت السعودية بتكون تعبانة وحقعد أشد فيها كتير بس ممكن أخو حضرتك ينزل بوحده وهي على فكرة هناك تمنها مش حيزيد عن 5 آلاف جنيه يعتبرها تذكرة طيارة رايح جاي ينزل بيها مصر سواقة وأنا حدفع التربتيك وحدفع البنزين ويخلص أجازتو ويسيبهالك ويسافر وأنا أشتريها منك بعد متخلص لفتك فيها وملكش إنت دعوة أنا حظبطها هنا بطرق قانونية أما بالنسبة لموضوع الشاي فعيب عليك الشاي ده للصنايعية ولفض المجالس إحنه ممكن نتقابل وأعزمك على عشا مثلا أكلات مش مصرية عشان تعلم معاك وتفتكرني يا راجل يا طيب بعدين من عشمي ممكن أقول حاجة ومتزعلش إنت عارف شكلك مبتحبش مراتك بقه يا راجل عايز تجيب لمراتك ماروتي هي دي آخرتها طب هاتلك عربية صيني أشرف بس ماروتي عييب عليك لا شكل ولا أداء ولا أي حاجة بس إنت أدرى يا راجل يا طيب