الموضوع: مكافأة 1000 جنيه للي يدلني على عربية شبه دي بالظبط معروضة للبيع مهما كانت حالتها

انا كمان كان نفسي اشوفها

المشاركة الأصلية كتبت بواسطة mr.aboody

ان شاء الله تلاقي طلبك ..
وهوايتك هواية مميزة ونادرة في ايامنا دي
معلش انا عاوز اسال حضرتك بخصووص البيتلز ... حالتها ولو امكن صور ليها
ولو عاوز اشدها شدة محترمة حتكلفني كااام
بانتظار ك يا باشا

الأخ العزيز الغالي بصراحة أنا البيتلز هي موديل 58 وأنا كانت عجباني أوي بسبب إن فيها حاجة نادرة فيها فتحة سقف فابريكة مساحتها كامل السقف ومن بعيد صورتها تبان حلوة وصاحبها أول كلامو كان 6500 وأنا من طبيعتي أما أشتري عربيتي على طول بديها بوية وسمكرة جديدة فقول عشان صغيرة العربية حتاخد بوية وسمكرة 3000 وقول أعمللها تكييف عالمي آدي 2000 جنيه أو 2500 وباقي حبشتكناتك قول حوالي 1000 وجنوطك وكاوتشك دي على راحتك يعني إنت ب 10000 حتكون عربية محترمة وب 12 ألف حتكون محترمة جدا وب 14 ألف حتكون محترمة أوي جدا وهكذا التكلفة حسب أحلامك وأنا والله كان نفسي فيها بس مشكتي أنا بشبط في كل عربية بشوفها وعندي 6 عربيات ولما أحب أشتربي عربية جديدة أروح سايب الصرف على العربيات اللي بتتشد فتلاقي عندي مثلا 6 عربيات بس 3 دايرة و3 نايمة عند المصلحين وأنا للأسف صورتها ضاعت مني ولا آعرف العربية إتباعت ولا لسه ولو حد ناوي جد فعلا يشتريها كاش دلوأتي أنا كنت مخزن نمرة صاحبها وممكن أبعتهالك لو إنت جاد أما لو كنت من باب الإطلاع فأنا بفكر أخليها تخلل كمان سنة على قلب صاحبها وأروح شاريها منو مثلا بالقسط بألف جنيه شهريا وأخلصها على 6 شهور زي معملت مع آخر عربيتين إشتريتهم وأنا تحت أمرك عايز النمرة أبعتهالك من عيني أنا أي عشمان فيا مقدرش أرفضلو طلب يا راجل يا طيب

المشاركة الأصلية كتبت بواسطة mik_t4

هههههههههههههههه جامدة حكاية الماروتي دي
انا عن نفسي شايفها تكتك لا اكتر ولا اقل
بس ازاي لو عربية داخلة تريبتك تفضل في مصر ؟؟؟؟؟؟ ولا هتغيرلها بصمة

هو في أختها أساسا عشان أغيرلها بصمة متشيلش هم إنت ليا طرق قانونية بحيث متضرش اللي جبهالي ولا تضرني وأنا كلو بالقوانين عشان أنا راجل بخاف على سمعتي والراجل اللي حيجيبهالي تريبتك حيتنازل عنها قانونيا وملوش دعوة أنا حشيل مسؤولية العربية أما إزاي فدي طريقتي ولو إتعرفت ممصر كلها تروح تعمل زيها ويروحوا يطلعولي قوانين جديدة تعبانة

المشاركة الأصلية كتبت بواسطة mik_t4

لو عايز عربية تخبيط هاتلها لادا او 128 ارخص واجمد وتستحمل التعليم

عشان خاطري يا رجالة لو بتحبوني بلاش حد يجيب العربيات المشبوهة لادا ولا سيات ولا 127 ولا 128 ولا 124 ولا 125 دي عربيات سبة في جبين جمهورية مصر العربية ولو ربنا بيكره واحد بيركبوا وحده من دول عشان يعذبوا في الدنيا عشان يرحموا في الآخرة زي المرض كده بعدين يا رجالة بتنصحوا الراجل بإيه دي لمراتو يا رجالة مراتي لازم تكون إنعكاس ليا يعني مينفعش أكون راكب مرسيدس ومراتي 128 عيب الناس تقول إيه سيبك من الناس أنا أقول عن نفسي إيه عايزة تتعلم أعلمها في عربيات وسط زي الشاهين زي الريجاتا وبعد كام خبطة أصلحها وتبيعها بس 128 عمرها محتتعلم عشان الفرامل غلط والدركسيون تقيل عليها وأنا نصحت اللهم بلغت اللهم فإشهد

المشاركة الأصلية كتبت بواسطة saddam

عشان خاطري يا رجالة لو بتحبوني بلاش حد يجيب العربيات المشبوهة لادا ولا سيات ولا 127 ولا 128 ولا 124 ولا 125 دي عربيات سبة في جبين جمهورية مصر العربية ولو ربنا بيكره واحد بيركبوا وحده من دول عشان يعذبوا في الدنيا عشان يرحموا في الآخرة زي المرض كده بعدين يا رجالة بتنصحوا الراجل بإيه دي لمراتو يا رجالة مراتي لازم تكون إنعكاس ليا يعني مينفعش أكون راكب مرسيدس ومراتي 128 عيب الناس تقول إيه سيبك من الناس أنا أقول عن نفسي إيه عايزة تتعلم أعلمها في عربيات وسط زي الشاهين زي الريجاتا وبعد كام خبطة أصلحها وتبيعها بس 128 عمرها محتتعلم عشان الفرامل غلط والدركسيون تقيل عليها وأنا نصحت اللهم بلغت اللهم فإشهد

و الله انت بتتكلم صح ... صح
اولا العربيات 128 .... دي سبه ............. اكيد
ثانيا مراتي مرايه ليا .... صح جداااااااااااا هههههههههههههه
مش عارف حكايه الشاهين دي مش هاتبقى مفرشحه عليها ؟؟ ههههه
انا قدامي جولف 2 موديل 90 سليمه برضه بس خايف تقعد تخبط فها و اتبهدل انا ما بين فانوس و اكصدام ...الخ
و الله فكرتي اني اجابلها حاجه تخبط بيها سنه و ابيعها ما ازعلش عليها زبعدين اجيبلها زيرو اوتوماتيك يا كيا كارينز يا اما دايهاتسو تريوس كده يعني
شكرا ليكم كلكم عل مشاركتكم

المشاركة الأصلية كتبت بواسطة mik_t4

لا انا كنت برد عليك انت اما قلتلي شكرا علي النصيحة بس هو سبقني بالمشاركة

ياباشا تسلم ايدك عل ذوقك و الله و متشكر عل اهتمامك

المشاركة الأصلية كتبت بواسطة wawamoha

و الله انت بتتكلم صح ... صح
اولا العربيات 128 .... دي سبه ............. اكيد
ثانيا مراتي مرايه ليا .... صح جداااااااااااا هههههههههههههه
مش عارف حكايه الشاهين دي مش هاتبقى مفرشحه عليها ؟؟ ههههه
انا قدامي جولف 2 موديل 90 سليمه برضه بس خايف تقعد تخبط فها و اتبهدل انا ما بين فانوس و اكصدام ...الخ
و الله فكرتي اني اجابلها حاجه تخبط بيها سنه و ابيعها ما ازعلش عليها زبعدين اجيبلها زيرو اوتوماتيك يا كيا كارينز يا اما دايهاتسو تريوس كده يعني
شكرا ليكم كلكم عل مشاركتكم

[gdwl]
التريوس لو دفع رباعي أحسن لو عادي خد كارينز أبيع دلوأتي أو إستنه سنتين تاخد تريوس الشكل الجديد عشان تعبنا من الشكل ده وبلاش الجولف العربية الجولف بتصرف دبرياج كتير واللي إنت شايفو صح لمراتك إعملو وخد بالك لموضوع مهم عربية مراتك بالإسم بس في الآخر إنت حتكون راكبها 24 ساعة حتقضيها في التصليح فخد عربية متعركش قدام معارفك لو مش عشان مراتك عشان شكلك مبتحبهاش إحنه جايين نهدي النفوس يا مدام فخد العربية عشان برستيجك يا عم وسلامي[/gdwl]

ماشي يا باشا و الله لاقول صاحبي قاللي كده
ههههههههههههههههههههههههه
شكرا